Македонија

Сообраќајот кон Пониква и кон село Бели се одвива по една коловозна лента

Сообраќајот кон Пониква и кон с. Бели се одвива непречено, по една коловозна лента.

Од страна на граѓани е најавено дека единствено до депонијата ќе бидат пропуштени возила од КЈП Водовод Кочани, но не и возила од други општини, соопшти АМСМ.

Сообраќајот на останатите државни патишта се одвива непречено, по претежно суви коловози. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

Од АМСМ со потсетување дека од 15 ноември 2024 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2025 година.

Воедно, од 15 ноември, патниот правец Охрид – Ресен, преку националниот парк Галичица од 15.11.2024 е затворен за сообраќај за сите видови возила.

Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Фудбал

Манчестер jунајтед на лето може да го ангажира Бонифас од Баер

Фудбалерот на Баер Леверкузен, Виктор Бонифас може да ја продолжи кариерата во Англија, пишува „Sky Sport“.

Според британскиот медиум, Манчестер јунајтед е сериознио заинтересиран за 23-годишниот Нигериец. Јунајтед го вклучија напаѓачот во потесниот список на напаѓачи кои можат да бидат ангажирани во летниот преоден рок.

Сезонава Бонифас одигра 15 натпревари на кои постигна осум гола и креираше една асистенција.

Порталот „Трансфермаркт“ ја проценува вредноста на играчот на 45 милиони евра.

Свет

Русија ги брише талибанците од листата на терористи

Русија наскоро ќе ги отстрани талибанците од својата листа на терористи, соопшти талибанската влада на Авганистан.

Русија наскоро ќе ги отстрани талибанците од својата листа на терористи, соопшти талибанската влада на Авганистан, цитирајќи ги зборовите на вчерашниот гостин во Кабул, Сергеј Шојгу, поранешен министер за одбрана на Русија, сега секретар на Советот за безбедност.

Шојгу разговарал за „зајакнување на политичките односи и економската соработка и начините за зголемување на трговијата и руските инвестиции во Авганистан“ со неколку авганистански министри од редовите на талибанците, се наведува во соопштението на талибанските власти.

Посетите на високи странски претставници на Авганистан се ретки бидејќи ниту една земја во светот не ја признала талибанската влада, на власт од август 2021 година.

Регион

Дојава за бомба во зградата на судот во Сараево, прекинати сите рочишта

Во зградата каде што се наоѓаат Кантоналниот суд во Сараево и Општинскиот суд Сараево, утрово е пријавено дека е поставена бомба.

Според информациите, припадниците на Министерството за внатрешни работи на Сараевскиот кантон се на терен и вршат детален преглед, а во тек е евакуација на зградата.

Поради дојавата за бомба, одложени се сите рочишта во кантоналниот и општинскиот суд. Меѓу поважните рочишта што требаше да се одржат денеска се завршните зборови на Обвинителството на БиХ во врска со убиството на сараевските полицајци, како и случајот против Ибрахим Хаџибајриќ.

Дојавите за поставени бомби во зградата каде што се сместени двата суда зачестија во последните месеци, но засега сите беа лажни.