Македонија

Сиљановска Давкова: Изјавата на еврокомесарката Кос звучи како мешање во внатрешните работи

Македонската претседателка Гордана Сиљановска Давкова денеска од Подгорица, каде е во официјална посета, ја коментираше изјавата на новоизбраната еврокомесарка за проширување, Марта Кос, која се однесува на очекувањата за уставните измени во земјава.

„Имам забелешка на дикцијата на новата еврокомесарка, бидејќи кога рече – велите: ништо помалку и ништо повеќе, тоа ми личи на нешто како земи го или остави го. Тоа не е филозофија, тоа е софистицирано евромандаринство. Тоа ме плаши, бидејќи звучи како директно мешање во внатрешните работи“, истакна Сиљановска Давкова на заедничката прес-конференција со нејзиниот црногорски колега, Јаков Милатовиќ.

Новата еврокомесарка за проширување, Марта Кос на 27 ноември изјави дека очекува Македонија да ги направи потребните уставни измени и да ја вметне бугарската заедница во Преамбулата од Уставот.

„Тоа е нешто на коешто сметаме. Ништо помалку, ништо повеќе. Верувам дека тоа е можно и после тоа навистина да го забрзаме процесот“, нагласи Кос, пренесе МИА.

Прашана дали после направени уставни може да се дадат гаранции дека ќе нема други блокади, Кос рече дека таа не е онаа којашто може да даде одговор на тоа прашање.

Таа додаде дека еден од основните принципи на Европската Унија е почитувањето на уставните и политичките структури на земјите-членки и кандидатки.

Во однос на тоа како може да се реши проблемот со Бугарија, новата еврокомесарка рече дека треба да се разговара што е можно повеќе.

„Да се зборува, што е можно повеќе, и со Македонија и со Бугарија. Мора да покажеме дека тоа е во наши раце, како да го решиме овој билатерален проблем. Без ова, а следејќи ги европските вредности, нема да можеме да го направиме она што е најдобро за ЕУ, и секако што е најдобро за Македонија“, рече Кос.

Откажан Самитот на лидерите на Западен Балкан и ЕУ во Неум поради пропаднат тендер за организацијата

Македонската претседателката истакна дека Македонија е подготвена да направи чекори напред во процесот на уставни измени, но со одложено правно дејство.

„Ако се дозволи ветото да опстои, дури и најуспешните во чекорењето можат да се соочат со пречки на крајот“, предупреди таа.

Сиљановска Давкова нагласи дека иако ретко дава коментари на изјави од ваков тип, чувствува обврска да реагира на, како што рече, премногу бирократското перцепирање на Европската Унија.

Македонија

Постигнат договор, приватните превозници од понеделник се враќаат во сообраќај, ќе нема блокади

Наместо на блокади автобусите на приватните превозници в понеделник ќе се вратат во сообраќај..

Оваа одлука доага по договорот за повисоката цена за изминат километар кој е постигнат вечерва на средбата со советниците на ВМРО-ДПМНЕ во Градот Скопје..

Ако утре не биде закажана вонредна седница на Советот, советниците на ВМРО-ДПМНЕ ќе бараат нејзино свикување..

Тенис

Ѓоковиќ се обидел да вози авион, па се сетил дека со пилотот тренирал во детството (ФОТО)

Најдобриот тенисер на сите времиња, Новак Ѓоковиќ времето што го има на располагање го користи целосно да се одмори и да се посвети на подготовките за турнејата низ Австралија на почетокот на 2025 година, каде што ќе го нападне 25. Гренд Слем.

А Ѓоковиќ очигледно повеќе од ужива во сѐ, откако денеска се официјализираше дека стана маскота на Катар Ервејс, а истиот ден се обиде и самиот да биде пилот.

Имено, тој седел заедно со двајца пилоти во симулаторот Ербас А380, но тоа очигледно било „претешка“ работа, а доказ за тоа е и самиот коментар што Ѓоковиќ го оставил на Инстаграм.

- Се обидов да го тестирам летот на А380 во симулаторот. Мислам дека ќе им ја препуштам работата на овие момци – напишал Ноле, не ни сфаќајќи дека се познава со еден од пилотите цели 25 години.

Се испоставило дека тој бил момче со кое Новак играл тенис кога бил помлад, а како доказ прикачил фотографија.

Сѐ се случило кога Ноле имал само 12 години, а споменатиот пилот бил две години постар во академијата на Никола Пилиќ.

- Луда случајност! Мило ми е што повторно те гледам пријателе - додаде Ноле со коментар на споменатата фотографија, објави Телеграф.

Свет

Во Сирија е убиен генерал на Иранската револуционерна гарда

Бригадниот генерал на корпусот на иранската револуционерна гарда (ИРГЦ) Киумарс Пурхашеми е убиен денеска за време на напад на терористичка група во сириската провинција Алепо, јави денеска иранската новинска агенција СНН.

Бунтовниците предводени од милитантната група Хајат Тахрир ал-Шам вчера извршиле упад во десетина градови и села во северозападната провинција Алепо контролирана од сирискиот претседател Башар ал Асад, што е најголемиот бунтовнички напад од март 2020 година, кога Русија, која ја поддржува Асад и Турција, која ги поддржува бунтовниците, се согласија на прекин на огнот што стави крај на долгогодишниот конфликт во кој загинаа милион Сиријци.