Забава

Шварценегер секоја година на Варнер Брос му плаќа по еден долар, причината е бизарна (ВИДЕО)

Сите што ги гледаа овогодинешните Оскари се сеќаваат на моментот кога Арнолд Шварценегер и Дени Девито излегоа на сцената.

И двајцата глумеа негативци во Бетмен, а во урнебесен скеч му се потсмеваа на поранешниот Бетмен, Мајкл Китон.

Улогата на г. Фриз во Бетмен и Робин од 1997 година се поврзува со причината зошто Шварценегер мора да плаќа по еден долар на Warner Bros секоја година.

Имено, тој решил да го задржи својот костим, а долгорочното изнајмување го чини еден долар годишно. Така, филмското студио го поседува костимот, но на Шварценегер му е дозволено да го задржи сѐ додека плаќа симболична такса. Тоа значи дека по смртта на Шварценегер, костимот најверојатно ќе биде вратен на Ворнер Брос и нема да биде дел од неговото наследство.

Филмскиот продуцент Питер Мекгрегор-Скот изјави за Холивуд Репортер дека одлуката да се одобри долгорочно изнајмување на костумот на Мистер Фриз на Шварценегер мораше да добие одобрение од врвот на компанијата.

"Многу актери би сакале да ги земат своите костими, но мораме да ги спасиме ако решиме да снимиме нов филм. Затоа ги чуваме сите сетови и целата гардероба. Арнолд Шварценегер сакаше костим на Мистер Фриз. Тој отиде сè до врвот на студиото и мораше да потпише договор и мислам дека плаќа 1 долар годишно за да го позајми костимот“, рече тој.

Свет

Двајца пијани тинејџери украле автобус во Германија, во полициската потера се забиле во куќа

Две момчиња, наводно на 19 години, украле автобус во алкохолизирана состојба во Ахен и удриле во куќа во Северна Рајна за време на полициската потера.

Несреќата се случила во текот на ноќта, а од куќата каде што завршило возилото за среќа немало повредени.

Како што пренесува „Ахенер цајтунг“, пожарникарите биле повикани околу 2 часот и 30 минути по полноќ, кога автобусот веќе удрил во куќата. Брзата помош чекала на местото на настанот и во украдениот автобус пронашла две лица.

Возачот останал заробен во возилото и со тешки повреди е пренесен во болница, пишува Билд.

Повреден е и неговиот сопатник кој е пренесен во болница. Според првичните полициски информации, во автобусот во моментот на несреќата немало патници.

По проверка на статичката стабилност, експертите им дозволиле на жителите да се вратат во зградата.

Свет

Авион итно слета поради чуден мирис во кабината, стјуардеса заврши во болница

Стјуардеса на австралискиот Qantas била итно пренесена во болница откако „необичен мирис“ вчера довел до неочекувано пренасочување на летот.

Боингот 737 бил во воздух повеќе од два часа пред да слета на пистата на аеродромот Кингсфорд Смит во Сиднеј, нешто по 21 часот, според податоците објавени на веб-страницата Flight Aware.

Компанијата „Квантас“, која е национална авиокомпанија на Австралија, одговорила за Фокс Бизнис дека чудниот мирис во авионот предизвикал пренасочување на летот.

„Авионот од Сиднеј до Велингтон се врати во Сиднеј откако беа примени извештаи за необичен мирис во кабината“, рече портпаролот.

„Авионот безбедно слета и ќе биде прегледан од инженери пред да се врати во употреба“.

Портпаролот додаде дека стјуардеса била пренесена во болница на лекарски преглед, но не ги откриле нејзините симптоми или здравствената состојба. Патниците и пилотите не биле загрозени.

Наводно, немало чад во кабината и пренасочувањето не било третирано како итно слетување.

Претставник на компанијата додаде дека Qantas работи на обезбедување сместување и алтернативи за патниците погодени од пренасочувањето.

„На патниците ќе им биде обезбедено сместување и ќе бидат пренасочени на следниот достапен лет“, се вели во соопштението.

„Се извинуваме што им го прекинавме патувањето и им благодариме за разбирањето.“

Qantas активно го истражува инцидентот. Засега нема дополнителни информации.

Регион

Жител од поплавената Јабланица: Синот одеше зад мене, кога го однесе бран од три метри (ВИДЕО)

Мухамед Беговиќ од Јабланица го загубил синот во поплавите што рано утринава го зафатија овој град.

Тој за порталот „Аваз“ изјави дека сѐ се случило во рок од 15 минути.

„Во куќата беа син ми, невестата, сопругата, внукот и внуката. Почнавме да излегуваме од дома. Синот одеше зад мене, малку се сврте и дојде голем бран. Веројатно беше три метри. Синот само исчезна. Каде да одам сега? Освен мојот син, другите преживеаја, сите сме згрижени, има каде да спиеме.“