Шампионот на САД во јадење хот- дог е исфрлен од натпреварот, причината е бизарна (ВИДЕО)

Американскиот шампион на познатиот натпревар во јадење хот-дог нема да може да учествува на натпреварот на 4 јули во Њујорк затоа што промовира конкурентен бренд на месо од растително потекло, тврди организаторот на натпреварот.

„Вознемирени сме кога дознавме дека Џои Честнат избра да претставува ривалски бренд кој продава виршли од растително потекло наместо да се натпреварува на натпреварот за јадење на познати хот-дог на Натан на 4 јули“, објави организаторот на натпреварот Major League Eating во вторникот на платформата X (MLE).

Добро познатиот натпревар се организира секој 4 јули од 1916 година кога во САД се слави Денот на независноста. Речиси 35.000 фанови се собираат во населбата Кони Ајленд, на брегот на Атлантикот на југот на Бруклин. Честнат, роден во Калифорнија, победи на оваа манифестација 16 пати, што е рекорд. Тежи 104 килограми и е висок 185 сантиметри.

Во 2021 година изел 76 виршли за десет минути, со што го надминал сопствениот рекорд од претходната година. Но, конкуренцијата им забранува на учесниците да претставуваат други брендови освен оние на Натан.

MLE изразиле жалење што избрал да го претставува конкурентскиот бренд за месо од растително потекло Impossible Foods. „Џои Честнат е американски херој. Би сакале да го имаме повеќе од било што“, истакнале организаторите.

Честнат на Инстаграм го изрази своето разочарување што дознал за исклучувањето преку медиумите по речиси 20 години натпреварување и истакна дека нема договор ниту со МЛЕ ниту со Нејтан.

Секоја година, петте најголеми јадачи делат 40.000 долари, а победникот добива дополнителни 10.000 долари. Како што пишуваат американските медиуми, Честнат во последните години заработил стотици илјади, па и милиони долари, јадејќи 30 грчки сендвичи за десет минути и 182 пилешки крилца за 30 минути.

МЛЕ веќе дисквалификува еден натпреварувач. Во 2010 година, Јапонецот Такеру Кобајаши, ривалот на Честнат, не се натпреваруваше поради несогласување околу ексклузивноста на договорот.

Митева: Дали бизнисот од 10 милиони евра е извор на приходи за сите лаги и лошиот пи-ар на СДС

Во 2018 година кога СДС е во врвот на власта Спасов од Рејтинг добива дозвола за изградба на фотоволтаична централа со моќност од 2.18 мегавати под името Гама Солар 1.

Кога Спасов ја добива дозволата за градба на фотоволтаичната централа Венко Филипче, сегашниот претседател на СДС е министер во владата.

Се поставува прашањето дали Венко Филипче играл улога во добивањето на одобрението и дали Спасов му е лично должен на Филипче?

Да одиме со ред.

Фотоволтаичната централа на Спасов не е мал капацитет и за истиот да се изгради и стави во функција според енергетичарите се потребни и до 2 милиони евра.

Фотоволтаична централа на Спасов годишно може да генерира приходи и до половина милион евра, што за период од 20 години, колку што е оптималниот животен век на истата ќе значи 10 милиони евра приходи.

Дали овој бизнис од 10 милиони евра е извор на приходи за сите лаги и евтин ПР на СДС?

Од СДС наместо да се темелат на конструкциите на Спасов подобро ќе биде да се спремаат за долга опозиција и одговорност и политичка и институционална за сите криминали кои ги направиле.

Марија Митева, портпарол, пратеник и член на ИК на ВМРО-ДПМНЕ

Центар за комуникации на ВМРО-ДПМНЕ

Минималните трошоци за основни потреби на едно семејство во јули 60.570 денари

Минималните трошоци на едно семејство во јули изнесувале 60.570 денари и во споредба со јуни трошоците се зголемени за 245 денари, објави денеска Сојузот на синдикати на Македонија.

Според новата методологија на пресметување на синдикалната кошничка, со изнајмен стан од 60 кавдарати трошоците се зголемуваат на 75.945 денари.

Вообичаено, најмногу пари се потребни за храна за што во јули за основните потреби биле потребни 22.008 денари, додека за режиски трошоци биле потребни 6.014 денари.

Вонредни контроли во Дојран, Охрид, Струга и Преспа, уништени 8,7 тони небезбедна храна

Со контролите се проверуваше имплементацијата на добра производствена и хигиенска пракса (ДПП/ДХП) базирана на НАССР принципите, инфраструктурните услови во објектите, а се спроведуваа и контроли на активностите согласно регистрацијата.

Инспекциски тимови на Агенцијата за храна и ветеринарство (АХВ) во периодот од 16 до 19 јули спроведоа вонредни засилени контроли во објекти и оператори со храна (хотели, ресторани, времени - кетеринг објекти, месарници и маркети) во туристичките центри Дојран, Охрид, Струга и Преспа со кои беа опфатени 112 објекти. При тоа беа изречени 54 глоби на 54 оператори со храна, од кои на осум им беше изречена забрана за работа до отстранување на констатираните недоследности.

-Со контролите се проверуваше имплементацијата на добра производствена и хигиенска пракса (ДПП/ДХП) базирана на НАССР принципите, инфраструктурните услови во објектите, а се спроведуваа и контроли на активностите согласно регистрацијата на операторите со храна. Во услови на високи надворешни температури, акцент со контролите беше ставен на условите на чување и складирање на производите и роковите на употребливост на храната, соопшти АХВ.

Со контролите, се посочува во соопштението, беше утврдено неисполнување на општите и посебните хигиенски барања во сите фази на производство ,преработка и дистрибуција на храна, неимплементирање на сите процедури на ДПП/ДХП базирани на НАССР принципите, храна со поминат рок на употреба, промет на храна без декларација и означување согласно Законот за безбедност на храна и подзаконските акти според кои ваквите производи се прогласуваат за небезбедни за човечка употреба и нештетно се уништуваат.

-Од страна на инспекторите за храна и официјалните ветеринари констатирана беше и работа на објекти - оператори со храна кои не се регистрирани или одобрени за работа од страна на АХВ, поради што беа изречени мерки забрана за работа, а затекнатите производи беа забранети за промет и нештетно уништени. Утврдени беа и лоши инфраструктурни и хигиенски услови во кујните, производствените простории, за што некои оператори добија времена мерка забрана за работа, се наведува во соопштението.

Како што нагласуваат од АХВ, од промет беа отстранети 8.700 килограми небезбедна храна која беше нештетно уништена.

Од АХВ најавуваат дека и во наредниов период ќе продолжат со спроведување на вонредни контроли и во другите туристички центри, а поради високите температури, како што велат, на сила останува мерката за засилени контроли кај операторите со храна на целата територија на земјава.

притисни ентер