Идната администрација во Вашингтон најави драстични кратења на федералната влада а за тоа надлежни ќе бидат Илон Маск и Вивек Рамасвами, поради што, илјадници функционери и професионалци стравуваат од губење на работата.

Тие сега имаат нов проблем – да не станат директна мета на нападите на најбогатиот човек во светот и неговите милиони следачи на Икс.

Маск неодамна сподели скриншот на Икс (поранешна социјална мрежа Твитер), со имиња и функции на четворица државни службеници кои работат како советници за заштита на околината и климатски промени. Според Си-Ен-Ен ова предизвика стравување кај многу службеници да не станат мета на онлајн напади од страна на потписиниците на Маск, кои на Х се над 200 милиони. Оригиналниот пост, кој веќе има 28 милиони прегледи, наводно ги изложил овие лица на бран од негативни критики од неговите следачи.

Маск сподели порака од друг корисникот кој напишал: „Внуката на Ненси Пелоси не треба да биде платена 181.648 долари (годишно) од даночните обврзници во САД за да биде ‘Советник за клима’ во Министерството за станбен и урбан развој (ХУД)“.

При повторното споделување на твитот, Маск саркастично коментираше: „Но можеби нејзините совети се восхитувачки.“

Според „Си-ен-ен“, еден од државните службеници чие име стоело во објавата веќе ги избришал своите профили на социјалните мрежи. Случајот следи по претходните стравувања за можни отпуштања под новата администрација поради предложените редукции во федералната влада. Иако информациите што ги споделил Маск се јавно достапни, неговите постапки навлегуваат во доменот на приватноста и безбедноста на државните службеници, особено на оние со понеистакнати улоги.

Според извештајот, неколку американски државни службеници изразиле загриженост за својата безбедност и работни места, бидејќи цел на Маск сè почесто се бирократи. Некои службеници изјавиле дека се чувствуваат физички загрозени па поради тоа биле јавно истакнати од него, додека други стравуваат дека постојаната закана од негов напад ќе ги принуди да ги напуштат своите работни места, со што фактички ќе се постигне целта на Маск за намалување на владата без формален процес на ревизија.

Во изјава за „Си-ен-ен“, Еверет Кели, претседател на Американската федерација на државни службеници, која претставува над 800.000 од 2,3 милиони цивилни федерални службеници, рече: „Овие тактики имаат за цел да посеат терор и страв кај федералните службеници. Целта е тие да се заплашат а со тоа и да не проговорат.“

Маск има историја на јавно таргетирање на лица кои ги смета за пречки или кои направиле грешки, вклучувајќи вработени во своите компании и федерални службеници.

Миле Лефков, пратеник и член на ИК на ВМРО-ДПМНЕ

Датум: 28.11.2024

Раководството на СДС, е најлошиот избор составен од децата на Заев, 3 и 4 ешалон кој, само тој може да ги управува и мрежата на НВО на Сорос.

Неврохирургот на Заев, Филипче, од некогаш големата СДС, сега направи компанија која во етерот нуди извитоперени и искривени вредности. Раководството е составено од децата на Заев, негови потрчковци од 3 и 4 ешалон, кои само тој може да ги управува и разни поранешни НВО активисти.

Граѓаните не можат да очекуваат од СДС веќе ниту идеологија, ниту минимум чувство за државни интереси. СДС ќе биде користена како приватна фирма за интересот на поединци, а пред се за интересот на Зоран Заев и неговиот неврохирург Венко Филипче.

Целото раководство на СДС се луѓе кои биле извршители на политиките на Заев како министри, државни секретари или директори.

Сегашното раководство на СДС се виновни и за загадениот воздух, за кој 7 години не преземаа ниту една мерка, и за лошото здравство и за немањето инвестиции во инфраструктурата и за целата стагнација на државава изминативе 7 години.

Раководството на СДС ја заглави државата, сега ќе го заглави и СДС.

Центар за комуникации на ВМРО-ДПМНЕ

Едно лице го загуби животот, а две други се повредени на терен за голф, откако синоќа врз нив паднала мрежа врз која имало снег, а уште едно лице го загуби животот при уривање заштитен шатор на паркинг, јавуваат медиумите.

Најмалку уште две лица загинаа во сообраќајни несреќи на автопатите источно од главниот град, според извештаите.

Полицијата извести дека 11 лица се повредени синоќа во верижна несреќа во која учествувале 53 возила на автопат во централниот град Вонџу во провинцијата Гангвон.

Главниот аеродром во Сеул, Инчеон, беше најпогоден, а патниците се соочија со доцнење на летовите во просек од два часа. Севкупно, 14 отсто од летовите се одложени денеска, а 15 отсто се откажани, покажаа податоците од страницата за следење летови Flightradar24.

Надлежните објавија дека се откажани 142 лета, а до денеска не сообраќаа 99 фериботи на 76 линии, додека медиумите јавуваат дека доцнат и возовите. Училиштата во провинцијата Ѓионџи, која граничи со Сеул, добија дозвола да се затворат денеска доколку е потребно, соопштија провинциските власти.

Како што пишува „Гардијан“, невообичаено обилните снежни врнежи во ноември му се припишуваат на потоплото море отколку што е вообичаено западно од Корејскиот полуостров, во контакт со студени воздушни струи.

Во соседна Северна Кореја, во некои области вчера и завчера паднаа повеќе од 10 сантиметри снег, објави државната корејска централна телевизија./MИА

VIDEO | Seúl amanece con su mayor nevada jamás registrada en un mes de noviembre. pic.twitter.com/5FguVwsOTj

— EFE Noticias (@EFEnoticias) November 27, 2024