Тенис

Родик со остра порака до Ѓоковиќ: Имаш 37 години и проблем, повлечи се од Вимблдон

Најдобриот тенисер на сите времиња Новак Ѓоковиќ го повреди десното колено на Ролан Гарос, поради лошо подготвениот терен, на што се пожали во првиот сет на мечот против Франциско Серундоло.

Српскиот тенисер успеа тој меч да го одигра со болки, но по магнетната резонанца закажана за следниот ден, наместо на следниот натпревар реши да оди на операција. Новак сега се трка со времето, бидејќи сака да се врати на теренот пред Олимписките игри, а неговиот поранешен ривал има сосема поинаков совет, објави Мондо.

Според Американецот Енди Родик, некогаш голем ривал и критичар, а подоцна и еден од најголемите фанови меѓу поранешните тенисери, Новак Ѓоковиќ не треба да избрзува. Да се праша Енди Родик, Новак ќе паузира дури шест месеци, за да биде целосно подготвен за 2025 година и за новата сезона.

„Ајде, подготви се за следната сезона“, рече Енди Родик на подкастот Сервиран, чиј водител е тој. Американецот во таа прилика истакна дека не е сигурен дали Новак Ѓоковиќ ќе биде на 100 проценти кога ќе се врати на теренот, што може да биде многу проблематично поради неговиот стил на игра.

„Не е само да се каже „Коленото ми е добро за еден месец“, треба да тренирате, особено Новак. Неговата тајна е тоа што може да ги меле луѓето, да остане во долги натпревари, да ги премести луѓето на другиот крај од теренот и постојано им поставува нови задачи. На Новак му требаат „тркала“. Тој е веројатно најдобриот одбранбен тенисер во историјата.“

Американецот смета дека предвременото враќање може да го загрози продолжувањето на кариерата на Ѓоковиќ, па подобро е да се почека уште малку пред да се врати на теренот.

„Се обложувате на сопствен ризик ако играте против таков одличен, но кога некој на 37 години и има операција на коленото... Тоа е сериозен проблем. Искинатиот менискус на коленото не е проблем кога имате 24 години или 25, но сега е кошмар што најмногу би му одговарал на неговите ривали!“

Енди Родик имаше совет за Новак доколку српскиот тенисер не може да се натпреварува на Вимблдон. „Најдоброто нешто што треба да го направи, ако знае дека не може да игра, ако не удрил ни тениско топче или ако не се вклопува, е да се повлече пред ждрепката“, рече Енди Родик.

Македонија

Во кривичен продолжува судењето за убиството на Вања и Панче

Во Oсновниот кривичен суд скопје денеска во 10 часот треба да продолжи судењето за двојното убиство на малолетната Вања Ѓорчевска и велешанецот Панче Жежовски.

На првото одржано рочиште обвинетите Љупчо Палевски, Боре Видевски, Велибор Манев и Влатко Кешишов, како и таткото на девојчето, Александар Ѓорчевски се произнесоа дека не се чувствуваат за виновни.

Според обвинението, тие заедно испланирале грабнување на 14-годишното девојче со цел да присилат член на нејзиното потесно семејство да даде парични средства за откуп. Додека, грабнувањето на оштетениот Панче Жежовски во Велес било со намера да го присилат да им го даде сопственото возило „цитроен“ за да го користат за грабнување на детето во Скопје.

Регион

СИРИЗА избра нов лидер

Пратеникот и поранешниот претседател на пратеничката група на СИРИЗА Сократис Фамелос е избран за нов лидер на грчката опозициска партија по вчерашните избори на кои гласаа нешто повеќе од 70.000 членови и симпатизери.

Пратеникот и поранешниот претседател на пратеничката група на СИРИЗА Сократис Фамелос е избран за нов лидер на грчката опозициска партија по вчерашните избори на кои гласаа нешто повеќе од 70.000 членови и симпатизери, јави дописничката на МИА од Атина.

Фамелос освои 49,4 отсто од гласовите, поранешниот министер Павлос Полакис беше втор со 43,5 проценти и веднаш по соопштувањето на резултатите доцна синоќа изјави дека не е потребно одржување втор круг.

Останатите двајца кандидати, европратеникот Николаос Фарандурис и актерот Апостолос Глецос освоија 5,1, односно 1,99 проценти од гласовите.

Поради зголемениот интерес, гласањето вчера беше продолжено за еден час.

По соопштувањето на резултатите, Фамелос (58) рече дека „СИРИЗА ќе биде посилна и поголема и во и вон Парламентот и во Грција и во Европа“.

Изборите во СИРИЗА се одржаа откако поранешниот претседател Стефанос Каселакис по само една година на функцијата беше разрешен во септември со одлука на Централниот комитет на партијата и не му беше дозволено одново да се бори за лидерската позиција, по што во саботата ја претстави неговата нова партија Движење на демократија.

На парламентарните избори пред нешто помалку од 18 месеци СИРИЗА освои 17,83 отсто од гласовите, додека пак на евроизборите во јуни годинава 14,92 проценти, а и во двата изборни процеси беше на второто место.

Согласно резултатите од истражувањата на јавното мислење во Грција објавени во изминатиот период, СИРИЗА е со намален рејтинг.

Свет

Марк Руте во посета на Турција и Грција

Генералниот секретар на НАТО, Марк Руте денеска и утре ќе ги и посети Турција и Грција.

Како што соопшти Алијансата, Руте денеска ќе престојува во Анкара, каде ќе има средби со претседателот на Турција, Реџеп Тајип Ердоган и со турските министри за надворешни работи и за одбрана, Хакан Фидан и Јашар Ѓулер.

Руте ќе има средба со претставници на турската одбранбена индустрија, а ќе посети и фабрика на „Турската воздухопловна и вселенска индустрија“ (ТУСАШ).

Предвидено е генералниот секретар на НАТО да положи и венец на мавзолејот на основачот на турската република Кемал Ататурк.

Утре, пак, Руте ќе престојува во Атина, каде ќе се сретне со грчкиот премиер Киријакос Мицотакис и со министрите за надворешни работи и за одбрана на Грција, Јоргос Герапетритис и Никос Дендиас.