Ракетата беше наполнета со гориво, како и со 20 тони симулациона носивост. Компанијата соопшти дека ова е првпат да управуваат со ракета како интегриран систем и оти тестот претставува исклучително важна пресвртница. Федералната управа за авијација на САД ѝ даде дозвола на компанијата да ја употреби ракетата, што значи дека таа е подготвена за првиот вистински лет.

„Њу Глен“ е огромна ракета за повеќекратна употреба, создадена со насоченост на безбедноста на летови со луѓе. Нејзиниот прв лет, сепак, ќе биде изведен без екипаж.

Тој лет првично требаше да се случи во октомври и да се постават два сателити на американската компанија НАСА, наменети за Марс, но лансирањето беше откажано бидејќи ракетата не беше подготвена. Ракетата New Glenn сега ќе го носи уредот „Блу ринг петфајндер“ (Blue Ring Pathfinder), како дел од платформата „Блу ринг“ (Blue Ring) за вселенските летала на клиентите како американски Пентагон и други корисници од висок профил.

Нов датум за лансирање не е објавен. Се очекуваше тоа да биде 6 јануари 2025.

Вршителот на должноста градоначалник, Ваљбон Лимани во образложението на предлог одлуката пред членовите на општинскиот совет, напомена дека оваа мерка треба да им помогне на родителите кои во 2025 година ќе добијат принова. Во него се превидени и повеќе пари за заштита на животната средина и спорт.

Лимани посочи дека во програмата, покрај оваа мерка, предвидена со Програмата за социјална и детска заштита се разгледува и издвојување на средства од општинската каса и за првачињата.

Одлуката за финансиска помош на семејство со новородено дете, ја поддржаа сите присутни советници, освен советничката група на ДУИ кои претходно ја напуштија седницата.

На денешната седница беше изгласан и буџетот за 2025 кој изнесува околу 27 милиони евра.

Универзитетското студентско собрание поднесува иницијатива за воведување задолжителна педагошка доквалификација за сите сегашни и идни асистенти, доценти, вонредни и редовни професори на високообразовните установи во Република Македонија. Ваквата иницијатива е во насока на унапредување на квалитетот на наставниот процес и подобрување на образовните резултати на студентите.

Правна основа: Во основното и средното образование, според Законот за наставници и стручни соработници во основното и средното образование, наставниците без педагошко-психолошка и методолошка обука се должни да ја завршат истата пред да добијат лиценца за работа. Сметаме дека оваа пракса треба да се прошири и во високообразовниот систем, како дополнување на постоечките законски рамки:

● Законот за високо образование:

○ Член 37: Предвидува дека наставниот кадар треба да поседува соодветни компетенции за наставен процес.

○ Член 89: Уредува програми за доживотно учење и обуки кои ги организираат високообразовните установи.

● Законот за наставници и стручни соработници во основното и средното образование:

○ Член 5: Уредува обврска за педагошко-психолошка и методолошка подготовка за наставниците.

Предлог иницијатива: Предлагаме:

1. Да се воведе задолжителна педагошко-психолошка и методолошка доквалификација за сите сегашни и идни наставници на високообразовните установи.

2. Доквалификацијата да се спроведува преку акредитирани програми од високообразовните институции во соработка со Министерството за образование и наука и Бирото за развој на образованието.

3. Да се извршат измени и дополнувања во Законот за високо образование, со додавање нов член кој ќе ја регулира оваа обврска, слично како што е регулирано во Законот за наставници и стручни соработници.

Зошто е ова важно?

● Унапредување на наставниот процес: Наставниот кадар кој има педагошко-психолошка и методолошка подготовка е подобро опремен за ефективно пренесување на знаењето и управување со различните аспекти на наставниот процес.

● Подобрување на студентските резултати: Примената на современи наставни методи ќе го зголеми нивото на вклученост и успех кај студентите.

● Стандарди за квалитет: Ќе се изедначат стандардите за наставниот кадар во основното, средното и високото образование.

Очекувани резултати:

● Зголемен професионализам на наставниот кадар.

● Подобра подготовка на студентите за пазарот на трудот.

● Унапредување на меѓународниот углед на македонските високообразовни установи.

Заклучок: Со оваа иницијатива бараме од Министерството за образование и наука, Бирото за развој на образованието и високообразовните установи итно да преземат активности за воспоставување на оваа практика. Исто предлагаме оваа иницијатива да влезе во закон, регулатива или пак правилник на Министерството за образование и наука. Ве повикуваме на соработка со Универзитетското студентско собрание во процесот на креирање и имплементација на ваквите програми.

Претседател на Универзитетско студентско собрание, Александар Николовски