Македонија

Универзитетското студентско собрание со иницијатива за педагошка доквалификација

Универзитетското студентско собрание со иницијатива за педагошка доквалификација за наставниот кадар на високообразовните установи.

Универзитетското студентско собрание поднесува иницијатива за воведување задолжителна педагошка доквалификација за сите сегашни и идни асистенти, доценти, вонредни и редовни професори на високообразовните установи во Република Македонија. Ваквата иницијатива е во насока на унапредување на квалитетот на наставниот процес и подобрување на образовните резултати на студентите.

Правна основа: Во основното и средното образование, според Законот за наставници и стручни соработници во основното и средното образование, наставниците без педагошко-психолошка и методолошка обука се должни да ја завршат истата пред да добијат лиценца за работа. Сметаме дека оваа пракса треба да се прошири и во високообразовниот систем, како дополнување на постоечките законски рамки:

● Законот за високо образование:

○ Член 37: Предвидува дека наставниот кадар треба да поседува соодветни компетенции за наставен процес.

○ Член 89: Уредува програми за доживотно учење и обуки кои ги организираат високообразовните установи.

● Законот за наставници и стручни соработници во основното и средното образование:

○ Член 5: Уредува обврска за педагошко-психолошка и методолошка подготовка за наставниците.

Предлог иницијатива: Предлагаме:

1. Да се воведе задолжителна педагошко-психолошка и методолошка доквалификација за сите сегашни и идни наставници на високообразовните установи.

2. Доквалификацијата да се спроведува преку акредитирани програми од високообразовните институции во соработка со Министерството за образование и наука и Бирото за развој на образованието.

3. Да се извршат измени и дополнувања во Законот за високо образование, со додавање нов член кој ќе ја регулира оваа обврска, слично како што е регулирано во Законот за наставници и стручни соработници.

Зошто е ова важно?

● Унапредување на наставниот процес: Наставниот кадар кој има педагошко-психолошка и методолошка подготовка е подобро опремен за ефективно пренесување на знаењето и управување со различните аспекти на наставниот процес.

● Подобрување на студентските резултати: Примената на современи наставни методи ќе го зголеми нивото на вклученост и успех кај студентите.

● Стандарди за квалитет: Ќе се изедначат стандардите за наставниот кадар во основното, средното и високото образование.

Очекувани резултати:

● Зголемен професионализам на наставниот кадар.

● Подобра подготовка на студентите за пазарот на трудот.

● Унапредување на меѓународниот углед на македонските високообразовни установи.

Заклучок: Со оваа иницијатива бараме од Министерството за образование и наука, Бирото за развој на образованието и високообразовните установи итно да преземат активности за воспоставување на оваа практика. Исто предлагаме оваа иницијатива да влезе во закон, регулатива или пак правилник на Министерството за образование и наука. Ве повикуваме на соработка со Универзитетското студентско собрание во процесот на креирање и имплементација на ваквите програми.

Претседател на Универзитетско студентско собрание, Александар Николовски

Свет

Руските медиуми објавија дека Асад бил отруен: Силно кашла и се задушува

Соборениот сириски диктатор Башар ал Асад наводно бил отруен во Русија, а руските медиуми тврдат дека труењето изгледало како обид за атентат врз него.

Асад и неговото семејство побегнале во Русија и наводно се во Москва откако бунтовниците ја презеле контролата врз Сирија. Кремљ тогаш нагласи дека Путин лично ја донел одлуката за евакуација на Асад.

Во текот на викендот во различни руски медиуми се појавија информации дека Асад бил отруен. Според каналот General SVR Telegram, кој наводно го води една од поранешните највисоки руски разузнавачки агенции, Асад почнал да се чувствува лошо во неделата и рекол дека има тешкотии со дишењето. Како што се дознава, поранешниот сириски диктатор повикал лекарска помош, по што неговата здравствена состојба наводно дополнително се влошила.

„Речиси веднаш по повикот за медицинска помош, тој почна силно да кашла и да се гуши“, напишал генералот СВР. „На Асад му беше дадена вода, што малку го ублажи нападот, но нормалното дишење сè уште не е воспоставено, а како нови симптоми доби главоболка и стомачни болки. До доаѓањето на медицинскиот тим, состојбата на поранешниот сириски претседател се влоши. “, се вели.

Наводно, претставниците на Кремљ веднаш биле информирани за ситуацијата и била издадена наредба Асад да се лекува дома, а не во која било медицинска установа, меѓутоа, според генералот СВР, до понеделник неговата здравствена состојба била стабилна и наводно се чувствувал подобро.

Сепак, примероците од крв земени од Асад наводно покажале „траги од изложеност на токсична супстанција во неговото тело“.

„Како што е наведено во извештајот испратен до помошникот на рускиот претседател Николај Патрушев, истрагата е во тек, но сè уште не е можно да се утврди како Башар ал Асад бил изложен на отровот“, објави СВР.

Свет

Трамп и Меланија танцуваат со Маск на дочекот во Флорида (ВИДЕО)

Доналд и Меланија Трамп ја прославија новогодишната ноќ на неговиот имот во клубот Мар-а-Лаго во Палм Бич, Флорида.

Со нив на маса седел и Илон Маск.

Друштвото се забавуваше со голем број хитови, а видеата од Доналд, Меланија и Илон како танцуваат на хитот на YMCA Village People станаа вирални на социјалните мрежи.

Под видеото има коментари за танцот на Меланија. „Таа навистина знае да танцува“, „Никогаш не очекував дека Меланија некогаш ќе танцува со ИМКА“, „Конечно изгледа како да ѝ е удобно“, „Сакам што конечно се смее и се забавува“, се дел од коментарите на X .

Видеото од друг агол објави и најстариот син на Доналд, Доналд Трамп Џуниор и на сите им ја честиташе Новата година. Илон пристигна на забавата со својот четиригодишен син X AE A-XII.

Во еден момент на сцената излезе снаата на Трамп и испеа неколку песни, меѓу кои и I Won't Back Down од Том Пети и Heartbreakers.

Македонија

МНР изрази сочувство за жртвите во масакрот во Црна Гора: Нашите мисли се со вас

Министерството за надворешни работи и надворешна трговија упати сочувство по масакрот што се случи вчеравечер во Цетиње, Црна Гора, во кој се убиени 12 лица.

-Длабоко сме шокирани и тажни од трагичните настани во Цетиње, Црна Гора. Солидарни сме со семејствата на жртвите и со народот на Црна Гора во ова тешко време. Нашите мисли се со вас, стои во објавата на МНРНТ на социјалната мрежа Х.

Во Црна Гора, денеска е првиот ден од тридневната жалост по убиството на најмалку 12 лица во Цетиње на првиот ден од 2025 година.

Осомничениот за ова повеќекратно убиство и ранување на најмалку четири лица Ацо Мартиновиќ се самоуби. Тој почина при транспортот кон болница.

Здравствената состојба на тројца ранети во пукањето во Цетиње е стабилна, но нивните животи се уште се во животна опасност, додека четвртиот е во критична состојба, соопштија утрово лекари од Клиничкиот центар на Црна Гора во Подгорица (КЦЦГ), каде што на повредените им е укажана помош.

притисни ентер