Фудбал

Речиси 75 милиони евра конфискувани на раководството на Јувентус

Судот во Торино одлучи да одземе речиси 75 милиони евра од сопственикот на Јувентус, Џон Елкан.

Станува збор за финансиски средства, движен и недвижен имот. Братот на Елкан, Лапо, неговата сестра Гинерва и претседателот на клубот Џанлука Фереро исто така се под истрага за „даночна измама“ и „измама на штета на државата“.

Семејството Елкан, наводно, го наследило имотот по смртта во 2019 година на нивната баба Марела Карачиоло, сопруга на поранешниот шеф на Фиат и поранешен сопственик на Јуве, Џани Ањели.

Според адвокатите на Елкан, конфискацијата на имотот е стандардна постапка што не значи дека обвинетите се виновни.

-Потенцираме дека Марела Карачоло е жител на Швајцарија од раните 70-ти години, многу пред да се родат браќата Елкан. Нејзината желба да живее во Швајцарија беше непроменета“, се вели во соопштението на адвокатите, кои се „убедени дека можат да ја докажат невиноста на своите клиенти“.

Јувентус по четири кола сезонава во Серија А има две победи и два нерешени натпревара.

Македонија

ВМРО-ДПМНЕ:Љупчо Дон Николовски со народни пари плаќа 500 евра за една вечер во хотел

Љупчо Дон Николовски со народни пари плаќа 500 евра за една вечер во хотел.

СДС раскалашено се однесувале со народните пари.

На патување во САД, во Њу Јорк Дон Николовски изнајмил хотел, каде од вечер платил 500 евра, а во Чикаго 450 евра.

Дон Николовски не гледал како да помине по скромно, туку не штедел како парите да ги берел од дрво, заборавајќи дека всушност тоа се народни пари.

Во Рим Дон Николовски платил 300 евра хотелско сместување, а со Виена две вечери за 670 евра.

Дон Николовски живеел на висока нога со народни пари.

СДС наместо да работи за народот 7 години се луксузирале со нивните пари.

Со почит,

Центар за комуникации на ВМРО-ДПМНЕ

Регион

Специјална акција на грчката полиција во ромска населба во Атина, уапсени 12 лица

Според грчките медиуми, во акцијата биле вклучени околу 100 полицајци, додека пак од полицијата соопштија дека учествуваа припадници од повеќе единици, како и полициски кучиња и дрон.

Оружје и златници биле пронајдени во специјалната полициска акција во ромска населба во западниот дел на областа Атика, поширокиот регион на Атина, со цел спречување на секаков облик на нелегално дејствување, а уапсени се 12 лица, јави дописничката на МИА од Атина.

Според грчките медиуми, во акцијата биле вклучени околу 100 полицајци, додека пак од полицијата соопштија дека учествуваа припадници од повеќе единици, како и полициски кучиња и дрон.

Уапсени биле вкупно 12 лица, кои се товарат за прекршување на законот за оружје, за кражба и кражби на електрична енергија, а при акцијата биле пронајдени и одземени два пиштоли, 747 златни лири и 15 патрони.

- Целта на широката акција беше спречување и справување со каква било форма на незаконско дејствување што е регистрирано во конкретната населба, соопштија од грчката полиција.

Фудбал

Барселона не може да го продолжи договорот со Педри поради финансиски проблеми

 Шпанскиот фудбалски гигант Барселона работи на продолжување на договорот со играчот од средниот ред Педри. 

Сепак, според „Мундо Депортиво“, Каталонците не можат да потпишат нов договор со 21-годишниот Шпанец поради финансиските проблеми на клубот.

Актуелниот договор на фудбалерот истекува во летото 2026 година.

Оваа сезона Педри постигна два гола на шест натпревари. Вкупно за Каталонците одигра 149 натпревари, постигнувајќи 22 гола и 13 асистенции.

притисни ентер