Рафаел Надал нема да игра на Вимблдон

Селекторот на шпанската тениска репрезентација Давид Ферер ја пренесе веста дека Рафаел Надал и Карлос Алкараз ќе играат во двојки на Олимписките игри во Париз.

Селекторот на шпанската тениска репрезентација Давид Ферер ја пренесе веста дека Рафаел Надал и Карлос Алкараз ќе играат во двојки на Олимписките игри во Париз, а сега откри уште една работа - еден од најдобрите досега, а популарниот Рафа нема да игра на Вимблдон.

Шпанскиот тим имаше презентација пред медиумите, кога Ферер откри дека Надал нема да учествува на Вимблдон, бидејќи целиот негов фокус е на Париз и Олимписките игри.

Поради ова, тој нема да игра на трева, туку ќе тренира само на земјена подлога, а не сака да ја менува подлогата бидејќи се плаши дека тоа би можело да му одмогне.

Тоа е разбирливо, со оглед на тоа што Надал веќе подолго време се мачи со повреди на коленото, поради што не би бил целосно прилагоден за играње на трева, каде што топката се одбива пониско, па затоа е потребно максимално свиткување на колената.

Надал реши во договор со својот тим да го прескокне тој турнир, па публиката најверојатно ќе може да го гледа Рафа само во Париз. Секако, доколку не се одлучи за некој од турнирите на земја меѓу Вимблдон и Олимписките игри.

Минималните трошоци за основни потреби на едно семејство во јули 60.570 денари

Минималните трошоци на едно семејство во јули изнесувале 60.570 денари и во споредба со јуни трошоците се зголемени за 245 денари, објави денеска Сојузот на синдикати на Македонија.

Според новата методологија на пресметување на синдикалната кошничка, со изнајмен стан од 60 кавдарати трошоците се зголемуваат на 75.945 денари.

Вообичаено, најмногу пари се потребни за храна за што во јули за основните потреби биле потребни 22.008 денари, додека за режиски трошоци биле потребни 6.014 денари.

Вонредни контроли во Дојран, Охрид, Струга и Преспа, уништени 8,7 тони небезбедна храна

Со контролите се проверуваше имплементацијата на добра производствена и хигиенска пракса (ДПП/ДХП) базирана на НАССР принципите, инфраструктурните услови во објектите, а се спроведуваа и контроли на активностите согласно регистрацијата.

Инспекциски тимови на Агенцијата за храна и ветеринарство (АХВ) во периодот од 16 до 19 јули спроведоа вонредни засилени контроли во објекти и оператори со храна (хотели, ресторани, времени - кетеринг објекти, месарници и маркети) во туристичките центри Дојран, Охрид, Струга и Преспа со кои беа опфатени 112 објекти. При тоа беа изречени 54 глоби на 54 оператори со храна, од кои на осум им беше изречена забрана за работа до отстранување на констатираните недоследности.

-Со контролите се проверуваше имплементацијата на добра производствена и хигиенска пракса (ДПП/ДХП) базирана на НАССР принципите, инфраструктурните услови во објектите, а се спроведуваа и контроли на активностите согласно регистрацијата на операторите со храна. Во услови на високи надворешни температури, акцент со контролите беше ставен на условите на чување и складирање на производите и роковите на употребливост на храната, соопшти АХВ.

Со контролите, се посочува во соопштението, беше утврдено неисполнување на општите и посебните хигиенски барања во сите фази на производство ,преработка и дистрибуција на храна, неимплементирање на сите процедури на ДПП/ДХП базирани на НАССР принципите, храна со поминат рок на употреба, промет на храна без декларација и означување согласно Законот за безбедност на храна и подзаконските акти според кои ваквите производи се прогласуваат за небезбедни за човечка употреба и нештетно се уништуваат.

-Од страна на инспекторите за храна и официјалните ветеринари констатирана беше и работа на објекти - оператори со храна кои не се регистрирани или одобрени за работа од страна на АХВ, поради што беа изречени мерки забрана за работа, а затекнатите производи беа забранети за промет и нештетно уништени. Утврдени беа и лоши инфраструктурни и хигиенски услови во кујните, производствените простории, за што некои оператори добија времена мерка забрана за работа, се наведува во соопштението.

Како што нагласуваат од АХВ, од промет беа отстранети 8.700 килограми небезбедна храна која беше нештетно уништена.

Од АХВ најавуваат дека и во наредниов период ќе продолжат со спроведување на вонредни контроли и во другите туристички центри, а поради високите температури, како што велат, на сила останува мерката за засилени контроли кај операторите со храна на целата територија на земјава.

Фото: Севе во секси бикини

Мегапопуларната пејачка Северина  повторно ги воодушеви и израдува фановите на социјалните мрежи со свои фотографии и видеа.

Атрактивната Севе овој пат воодушеви со фотки во бикини.

Хрватската музичка ѕвезда објави фотки на кои таа позира во секси бикини на островот Врник.

Севе изгледа совршено во интересниот бел костим за капење во кој ја покажа нејзината импресивна фигура.

Пејачката носи голема капа на главата, а на нозете има скапи сандали од брендот Гучи.

-Шеширот го штити телото...“, напиша пејачката во описот на објавата.

притисни ентер