Македонија

Радев: Нема потреба од посредништво на Орбан, адреса за Скопје е Брисел, а не Софија

Додека премиерот Мицкоски подготвува писмо со нови предлози за тоа како да се продолжи преговарачкиот процес со ЕУ, за бугарскиот претседател Румен Радев преговорите меѓу Македонија и Бугарија се завршени уште пред две години.

Додека премиерот Мицкоски подготвува писмо со нови предлози за тоа како да се продолжи преговарачкиот процес со ЕУ, за бугарскиот претседател Румен Радев преговорите меѓу Македонија и Бугарија се завршени уште пред две години, кога двете земји го потпишале билатералниот протокол по Договорот за добрососедство и соработка. Прашан за коментар по изјавата на Мицкоски - дека тој е подготвен да разговара со Радев за да се изнајде решение на долг рок, бугарскиот претседател упатува Скопје да води дијалог со Брисел, бидејќи Софија повеќе не била вистинската адреса. Вели дека состојбата многу добро му ја објаснил и на унгарскиот примиер Орбан, за кого се појави информација дека би можел на седми ноември во Будимпешта да ги седне на заедничка маса со Мицкоски.

„ Преговорите меѓу Бугарија и Македонија завршија во јули 2022 година, кога двете држави го потпишавме билатералниот протокол врз основа на Договорот за добрососедство и соработка. Ако зборуваме за дијалог, тој треба да се води главно меѓу Македонија и Европската комисија. Бугарија може да помогне во тој процес. Ќе повторам дека подготвени сме и треба дапомогнеме. Ова е наша одговорност, а тоа е да и помогнеме на Македонија побрзо и поефективно да ги исполни условите нотирани во билатералниотпротокол и во преговарачката рамка, за да може посигурно да чекори по европскиот пат. И сите овие работи јас сум му ги објаснил многу добро на премиерот Виктор Орбан и тука немаме потреба од никакво посредување, работите се јасни, Македонија треба да ги исполни условите поставени веќе од Европската Унија. “-Румен Радев – Претседател на Бугарија.

Од Владата велат дека ќе го почекаат премиерот Мицкоски да се врати од самитот во Берлин, за потоа да се утврди содржината на писмото со кое тој наскоро ќе се обрати до институциите на ЕУ. Од Владата засега не откриват дали уставните измени со одложено дејство се главниот предлог или има и други идеи...

-Во овој момент претседателот на Владата учествува на самитот на Берлинскиот процес. Имавме изјава и став дека ќе ги видиме размислувањата на претсавниците на ЕУ во врска со прашањето кое ја засега Македонија и веднаш потоаќе се изготви тоа решенија кое ќе биде писмо и ќе биде доставено и објавено.За тоа кога и како и дали станвуа збор за различна понуда од тоа што ВМРО-ДПМНе и Владата и од она што го добивме како инфромација го зборува е дека кога ќе се створат услови ќе биде јасвноста за истото информирана. Марија Митева – Портпарол на Владата.

Викендов лидерот на опозициската СДСМ, Венко Филипче излезе со став дека ќе дадат поддршка ако се обезбеди одложена примена на уставните измени и дека тие нема да ја кочат иднината на земјава за политичка корист, но порача дека нема да бидат параван за неуспешните политики на Владата..

Регион

Храбрата учителка од Загреб има 31 убодна рана, се уште дише со помош на апарат!

Детската болница „Свети Дух“ во Загреб потврди дека наставничката имала 31 убодна рана.

Но и дека здравствената состојба и е стабилизирана.

И три деца повредени во нападот со нож се стабилни, јавува 24сата.хр.

Вчера 19-годишник кој се лекувал на психијатриска клиника изврши трагичен напад во загрепското основно училиште во Пречко.

Поранешниот ученик во ова основно училиште во напад со нож избоде наставничка и десетина деца.За жал еден ученик починал.

Младиот човек е уапсен. „Наставничката е стабилна, се уште дише со помош на механичка вентилација, а за денеска е закажана дополнителна дијагностика за нејзиното лекување“, одговорија од болницата „Свети Дух“ и потврдија дека наставничката имала 31 убодна рана.

Хрватското Министерство за здравство соопшти дека детето кое се лекува на клиниката во Ребро и двете деца на Клаиќева се стабилни и добро.

Утрото по трагедијата пред основното училиште во Пречко владее молк и тага.

Училиштето се уште е опкружено со полициска лента, а има околу 10 полицајци кои го обезбедуваат местото.

Свет

Орбан: Унгарското претседателство беше успешно, не можевме да маневрираме околу Украина

Унгарскиот премиер Виктор Орбан денеска оцени дека унгарското претседателство со Европската унија е успешно.

Унгарскиот премиер Виктор Орбан денеска оцени дека унгарското претседателство со Европската унија е успешно, посочувајќи дека, меѓу другото, е фокусирано на војната во Украина, но Унгарија нема простор за маневрирање таму поради сериозни и длабоки несогласувања во унијата.

Унгарскиот премиер ја започна својата годишна прес-конференција изразувајќи сочувство до семејствата на загинатите во терористичкиот напад на божиќниот пазар во германскиот град Магдебург.

Зборувајќи за унгарското претседателство со ЕУ и за критиките дека Унгарија е изолирана, Орбан рече дека не гледа изолација бидејќи половина свет е во Унгарија. Тој додаде дека Унгарија го организирала најголемиот дипломатски настан во својата историја.

Орбан тврди дека унгарското претседателство било ориентирано кон креирање политики, наместо на бирократски пристап и дека било фокусирано на руско-украинската војна, Шенген зоната и конкурентноста.

-Што се однесува до војната, Будимпешта немаше простор за маневрирање поради сериозните и длабоки несогласувања внатре во ЕУ за стратегијата за приближување кон конфликтот. И покрај тоа, сериозноста на ситуацијата ја принуди Унгарија да започне мировна мисија и да се обиде да постигне мир, рече Орбан.

Македонија

СДСМ: Зошто ДПМНЕ го пушти Груби?

За разлика од ДПМНЕ, СДСМ нема да изигрува ниту судија, ниту обвинител, ако има некакви сознанија за злоупотреби од било кого, постојат надлежни институции и органи кои во законска процедура треба да постапуваат.

Но, клучното прашање е зошто ако знаеле го пуштија Груби слободно да помине граница?

Толку ли вреди договорот на ДУИ со ДПМНЕ којашто допрва треба да испорачува фактури.

Вакви или слични дилови со ДУИ, ДПМНЕ прави цело време. Хашките случаи, т.е. толкувањето на законот којшто заедно го усвоија ДПМНЕ и ДУИ дозволи амнестирање на дела кои се подведуваат под квалитатив Злосторства против човештвото.

Со тој дил ДПМНЕ ги предаде жртвите на тортура и нехуман третман кои доминантно беа Македонци.

Ништо не го пере ДПМНЕ за тоа што му озоможија на Груби слободно да ја напушти земјата преку граничниот премин Блаце.

Границата кон Косово ДПМНЕ ја сведе на решето за слободно поминување на криминалци и терористи.

Наместо смешни прес конференции ДПМНЕ да го повика Тошковски да понесе одговорност и да поднесе оставка.

Соопштение, реакција на прес конференцијата на ДПМНЕ

СДСМ