- Синоќа во 22.30 часот во Неготино, полициски службеници од Полициската станица во градот го лишиле од слобода неготинецот Б.П. (37), затоа што претходно во угостителски објект се заканувал на сопственикот, сограѓанинот Ф.М( 50). По целосно документирање на случајот, против него ќе биде поднесен соодветен поднесок, појаснија од СВР Велес.

Според мерењата во 7 часот наутро, воздухот во Сараево е категоризиран како „многу нездрав“, со ПМ2,5 честички од 206, што е 26,2 пати над дозволеното ниво препорачано од Светската здравствена организација.

Загадувањето на воздухот во Сараево трае веќе неколку дена, а вчера кантоналната влада воведе мерки на „предупредување“ за жителите, особено затоа што се очекува лошата состојба да продолжи поради временските услови.

Мерките вклучуваат забрана за движење на возила со ЕУРО 2 или пониски стандарди во зоната А, како и забрана за сообраќај на товарни возила над 3,5 тони на главните градски улици, пренасочувајќи ги на алтернативни правци. Исто така, се забрануваат градежни работи на отворено, а сите објекти за производство на топлинска енергија со моќност над 50 kW мора да ја намалат температурата во загреаните простории за најмалку два степени.

Мерките предвидуваат и заштита на работниците на отворено, како и забрана за деца да престојуваат надвор за време на часовите по физичко образование и големите одмори.

- Во рамките на проектот „Реконструкција и доградба на постоечката надземна мрежа за улично осветлување’’, одделението за улично осветлување при Општина Кавадарци постави ново улично осветлување на месноста викана „12 ваташки младинци’’ во Моклиште, нови енергетско ефикасни светилки со подобра илуминација. Се осветлија 12 бисти со 12 рефлектори поставени на земја и споменикот со дополнителни осум рефлектори исто така поставени на земја, појаснија од кабинетот на Јанчев.

Оттаму додадоа дека инвестицијата е дел од тендерот за нови нисконапонски инсталации за улично осветлување, со вкупна вредност од 65 милиони денари.