-Меѓуетничките односи во Македонија се кревки уште од независноста и секогаш треба да се внимава на тие теми.Многу е важно граѓаните да знаат дали некои работи се поради меѓуетнички тензии или политичка корист.Владејачката коалиција не работи врз основа на притисоци едни кон други. Во нашата предизборна програма уставните измени не беа услов. Како мнозинство имаме заеднички став за уставните измени и бараме гаранции за да го обезбедиме процесот, рече меѓудругото во интервјуто за Канал 5 Гаши.

Во видеото погледнете го целиот разговор на Јован Ѓоргоски со спикерот Африм Гаши.

Психологот од САД, Марк Траверс тоа го нарекува „Феномен Микеланџело“, во разговор за порталот „Сајколоџи тудеј“ (Psychology Today).

- Ваквите врски не само што го зголемуваат личниот развој, туку и ја зајакнуваат поврзаноста и задоволството од врската... Меѓу клучните знаци на „Феноменот Микеланџело“ е да имате партнер кој ги поддржува вашите цели и соништа. Истражувањата покажуваат дека таквите врски обезбедуваат емоционална сигурност, ја намалуваат анксиозноста и ја зголемуваат самодовербата, што го олеснува соочувањето со предизвиците и истрајноста во постигнувањето на целите. Ако се чувствувате поддржани во Вашата врска и поблиску до идеалната верзија на себе, таа врска може да биде одраз на „Феноменот Микеланџело“. Ова е можност за натамошен раст, и лично и како партнер, преку заемната поддршка и љубов, изјави Траверс.

Именуван по познатиот ренесансен уметник Микеланџело Буонароти, „Феноменот Микеланџело“ се дефинира како меѓусебно обликување како личности - во најдобрата верзија од себе, со љубов, поддршка и позитивен поттик.

Партнерот кој верува во Вас, се вели, може да ја зголеми Вашата мотивација и да Ви помогне во донесувањето одлуки насочени кон личен раст, како што е изборот на предизвикувачки, но исполнувачи можности. Токму во тоа е приближувањето до совршената верзија од себе... Како што раката на италијанскиот скулптор го претвора каменот во уметност, во нешто убаво.

- Усогласувањето со личните идеали преку врската го зголемува чувството на автентичност и благосостојба. Таквиот партнер може да Ви помогне да ги надминете несигурностите, да истражувате нови гледишта во врска со себе и да развиете особини или амбиции што претходно биле занемарени, вели психологот.

На овој начин, љубовната врска овозможува да се откријат „побогати и поавтентични димензии“ од себеси.

„Можеби најважната работа за нас како Управа е реализацијата на поведени постапки и завршени пријави поради сомнеж за сторени кривични дела. Од вкупно 34 пријави за 2024 година поднесени до Основното јавно обвинителство и Основно јавно обвинителство за сузбивање на организиран криминал и корупција, со вредност од 920.293.788 денари, а во периодот од четири месеци откако сум јас в.д.директор, поднесени се 22 пријави, во вредност од 614.396.321 денари оштетување на државниот буџет, односно пари на граѓаните кои се даночни обврзници. Во овие постапки беа опфатени сите кои се огрешиле пред законот, независно дали биле или се највисоки функционери или стопанственици, кои одлучиле да ја измамат државата“, вели в.д. директорот на Управата, Слободан Ивановски.

Во насока на зголемување на ефикасноста на работата на Управата, во изминатиот период беа преземени неколку значајни чекори за модернизација и дигитализација на процесите.

Извршена е обука на вработените и започната е практичната примена на ДМС системот, кој ќе обезбеди целосна евиденција во електронска форма и ќе донесе поголема сигурност во сите чекори на постапките. Овој систем ќе овозможи брзо и прецизно следење на сите постапки и документи, како и поголема транспарентност во работењето на Управата.

Дополнително, направена е нова систематизација и воведени се нови Одделенија за конфискација, кои ќе ја подобрат оперативната работа и ќе се фокусираат на предмети од оваа област, што ќе овозможи побрза и поефикасна конфискација на нелегално стекнатите средства и имот.

Управата, исто така, склучи меморандуми за соработка со Централниот депозитар, Министерството за внатрешни работи и Бирото за јавни набавки. Оваа соработка ја дигитализира комуникацијата помеѓу овие институции, што ќе обезбеди побрза, поефикасна и транспарентна размена на информации и документи.

Во периодот што следи, Управата за финансиска полиција ќе продолжи да дејствува професионално и неселективно, посветена на постигнување уште поуспешни резултати во борбата против финансискиот криминал, стои во соопштението од Управата за финансиска полиција.