Македонија

Пред пратениците Предлог-законот за за минимална плата поднесен од опозицијата

 Собранието на Република Македонија денеска ќе ја одржи новата 19.седница.

Пред пратениците како точка од дневниот ред на оваа седница е и Предлог на закон за изменување и дополнување на Законот за минимална плата во Република Македонија, поднесен по скратена постапка од пратениците на СДСМ. Со законското решение се очекува висината на минималната плата во Република Македонија да изнесува 27.700 денари во нето износ. Како што се посочува во законското решение објавено на собраниската веб страна, примената се очекува да започне да се применува со исплатата на плата за месец ноември 2024 година која ќе се исплати во месец декември 2024 година. Спроведувањето на овој закон ќе предизвика финансиски импликации врз Буџетот на Република Македонија во висина од 93.000.000 денари.

На дневен ред е Предлог на законот за изменување и дополнување на Законот за данокот на додадена вредност, поднесен од пратениците на СДСМ по скратена постапка. Со Предлог-законот се зголемува стандардот на граѓаните, им се овозможува поголема потрошувачка кошничка на најранливата категорија на граѓани. Со законските измени се очекува основните производи за човечка исхрана да се ослободуваат од повластена даночна постапка од 5 проценти. - Со членот 2 се воведува нов член 30-г со кој се уредува дека основните производи за човечка исхрана се ослободуваат од плаќање на данок на додадена вредност врз прометот и увозот и дека Владата ги определува поблиските добра и услуги кои спаѓаат во оваа категорија.

Во прво читање на ова седница се - Предлог на законоѕ за изменување и дополнување на Законот за акцизите, Предлог на законот за изменување и дополнување на Законот за Посебен регистар за лица осудени со правосилна пресуда за кривични дела за сексуална злоупотреба на малолетни лица и педофилија, Предлог на законот за изменување и дополнување на Законот за културата, Предлог на законот за изменување и дополнување на Законот за матичната евиденција, Предлог на закон за изменување и дополнување на Законот за јавна чистота, Предлог на законот за изменување и дополнување на Законот за гробишта и погребални услуги, Предлог на законот за изменување и дополнување на Законот за комуналните дејности. Во второ читање - Предлог на законот за дополнување на Законот за концесии и јавно приватно партнерство и Предлог на законот за изменување на Законот за меѓуопштинска соработка и Предлог на законот за изменување и дополнување на Законот за рамномерен регионален развој, по скратена постапка.

Исто така, пред пратениците се и Годишниот извештај за работата на Државниот совет за превенција на детско престапништво и за состојбите во областа на правата на детето и детското престапништво за 2023 година и Финансискиот план на Јавно радиодифузно претпријатие Македонска радио телевизија за 2025 година.

Свет

Драма во Вашингтон: Агенти на тајната полиција пукаат пред куќата на министерката за финансии

Агент на американската тајна служба испукал неколку истрели денеска рано наутро по локално време пред куќата на американската министерка за финансии Џенет Јелен.

Крадци се обидувале да упаднат во возила во близина на нејзината куќа во северозападен Вашингтон кога униформиран агент на Тајната служба испукал неколку истрели околу 3:30 часот, пишува Дејли Меил.

Осомничените побегнале од местото на настанот. Не е јасно дали тие се повредени за време на инцидентот.

Високи службеници за спроведување на законот го окарактеризираа инцидентот како „пукање на агентот“, според повеќе извештаи.

Тајната служба и Министерството за финансии не го коментирале овој настан.

Џенет Јелен е заштитена од агенти на американската тајна служба, но органите за спроведување на законот велат дека членката на кабинетот на претседателот Џо Бајден не била загрозен за време на инцидентот.

Свет

Виетнамска тајкунка мора да собере 9 милијарди долари за да избегне погубување

Виетнамскиот Врховен суд ја потврди смртната казна за тајкунката со недвижни, Труонг Мај Лан, која подолго време се обидува да се избори за казна доживотен затвор..

Таа беше осудена за проневера на 12 милијарди долари преку голема тајванска банка, а последна надеж да ја избегне смртната казна е да обезбеди девет милијарди долари, кој според законот ќе и овозможи доживотна робија..

Законот во Виетнам вели дека тоа може да се случи ако таа врати 75% од сумата што ја проневерила..

68-годишната Лан беше осудена дека како претседател на компанија за недвижнини, незаконски ја контролирала банката Сајгон во период од 10 години и земала заеми и готовина преку мрежа на лажни компании, во вкупна вредност од 44 милијарди долари..

Забава

„Какво расфрлање пари“ – сите ја критикуваат Кортни Кардашијан за божикните декорации (ФОТО)

Кортни Кардашијан се најде на удар на критики откако објави слики од нејзиниот раскошно украсен дом со многу новогодишни елки.

Многумина ја критикуваа во коментарите под објавата, тврдејќи дека претерала. „Тешко е да се погледне во вашиот раскошен декор кога моето семејство и многу други што ги познавам се мачат да купат намирници за своето семејство“, коментира еден корисник. Друг изјави: „Зошто една елка не е доволна? Какво расфрлање пари“. Друг коментар гласеше: „Се шегуваш со мене. Луѓето немаат каде да живеат, а ти имаш 52 новогодишни елки“.

Од друга страна, имало и позитивни коментари. Еден фан ѝ се обрати во одбрана: „Жената може да го украси својот дом како што сака. Друг додаде: „Да можам да си го дозволам ова, би направил зимска магија и за моето семејство.“

На фотографиите и видеата, Кортни покажа огромна елка во фоајето, неколку помали дрвја во дневната соба и украсени дрвја во дворот. Таа сподели и неколку спомени од детството, вклучително и фотографија од големо дрво опкружено со подароци и бело дрво во розова соба, кое и припаѓа на нејзината ќерка Пенелопе.

Со оглед на големиот број дрвја, таа го украсила секое на различен начин. На некои слики гледаме дрвја украсени само со светла, што е нов тренд што го следи Клои Кардашијан. Други дрвја имаат сини, златни или сребрени топки, а има дури и црвени елки.

притисни ентер