Пожарот на Вардариште изгаснат, непријатниот мирис предизвика проблем за дел од жителите

По пожарот кој синоќа ја зафати депонијата Вардариште чад и одвратна миризба се рашири низ скопските населби Ново Лисиче, Маџари, но и делови од населбата Аеродром и Лисиче. 

Пријава за пожарот кај Вардариште добиле и во ЦУК, од каде велат дека граѓани од Гази Баба но и другите околни населби постојано се жалат дека во време на летни горештини се гушат со токсични гасови и смрдеа на изгорена гума, пластика и отпад што веќе со години гори на оваа дива депонија. Пожарот синоќа е изгаснат а било пријавено и во полиција. Од МВР велат дека не забележале сомнителни лица кои би можеле да го подметнат пожарот но се работи на расчистување на случајот.

-Во изминатиот период од наша страна на наведеното место е постапувано повеќе пати во содејство со комунални инспектори од Град Скопје и Општина Гази Баба, но не се забележани сомнителни лица, ниту лица кои подметнуваат пожар,-изјави – Гоце Андреевски – Портпарол на МВР.

Депонијата Вардариште е хроничен проблем и еколошка бомба не само на општина Гази Баба туку и на цело Скопје, бидејќи освен што постои опасност за пожари во околината, дополнително го загадува и воздухот во скопската котлина. Градоначалникот Боби Стефковски...

-Освен дивите депонии, дел од скопските градоначлници се жалат дека проблем има и со собирањето на сметот од контејнери.. Општина Кисела Вода поднесе и прекршочна пријава против ЈП Комунална хигиена бидејќи семтаат дека на овој начин се загрзоува здравјето и безбедноста на граѓаните,-- Боби Стефковски – Градоначалник на Општина Гази Баба.

-Сега имаме аргументирана прекршочна пријава согласно чл. 41 изречена од наш комунален инспектор поради несоодветно третирање на отпадот во општина К. Вода. Не е состојбата вака алармантна само во К.Вода туку во цело Скопје. Знаете дека Вардариште веќе неколку дена по ред гори, знаете дека граѓаните во Гази Баба се гужат од чад. Не може повеќе да се толерира ова што го прави Градот Скопје и директорот на ЈП Комунална хигиена,-изјави – Орце Ѓорѓиевски – Градоначалник на О. Кисела Вода.

Од ЈП Комунална хигиена го демантираат Ѓорѓиевски, велат дека отпадот во К. Вода се собира и транспортира редовно без застој а само во јуни се подигнати 1400 тони комунален отпад. Велат и дека очекувале општината да поднесе пријави против оние кои намерно непрописно одлагале отпад.

Но што ќе биде преземено во врска со депонијата Вардариште засега нема одговор. Во обидот да стапиме во контакт со претпријатието не упатија на контакт телефонскиот број од кабинетот на директорт од каде никој не одговори.

Вонредни контроли во Дојран, Охрид, Струга и Преспа, уништени 8,7 тони небезбедна храна

Со контролите се проверуваше имплементацијата на добра производствена и хигиенска пракса (ДПП/ДХП) базирана на НАССР принципите, инфраструктурните услови во објектите, а се спроведуваа и контроли на активностите согласно регистрацијата.

Инспекциски тимови на Агенцијата за храна и ветеринарство (АХВ) во периодот од 16 до 19 јули спроведоа вонредни засилени контроли во објекти и оператори со храна (хотели, ресторани, времени - кетеринг објекти, месарници и маркети) во туристичките центри Дојран, Охрид, Струга и Преспа со кои беа опфатени 112 објекти. При тоа беа изречени 54 глоби на 54 оператори со храна, од кои на осум им беше изречена забрана за работа до отстранување на констатираните недоследности.

-Со контролите се проверуваше имплементацијата на добра производствена и хигиенска пракса (ДПП/ДХП) базирана на НАССР принципите, инфраструктурните услови во објектите, а се спроведуваа и контроли на активностите согласно регистрацијата на операторите со храна. Во услови на високи надворешни температури, акцент со контролите беше ставен на условите на чување и складирање на производите и роковите на употребливост на храната, соопшти АХВ.

Со контролите, се посочува во соопштението, беше утврдено неисполнување на општите и посебните хигиенски барања во сите фази на производство ,преработка и дистрибуција на храна, неимплементирање на сите процедури на ДПП/ДХП базирани на НАССР принципите, храна со поминат рок на употреба, промет на храна без декларација и означување согласно Законот за безбедност на храна и подзаконските акти според кои ваквите производи се прогласуваат за небезбедни за човечка употреба и нештетно се уништуваат.

-Од страна на инспекторите за храна и официјалните ветеринари констатирана беше и работа на објекти - оператори со храна кои не се регистрирани или одобрени за работа од страна на АХВ, поради што беа изречени мерки забрана за работа, а затекнатите производи беа забранети за промет и нештетно уништени. Утврдени беа и лоши инфраструктурни и хигиенски услови во кујните, производствените простории, за што некои оператори добија времена мерка забрана за работа, се наведува во соопштението.

Како што нагласуваат од АХВ, од промет беа отстранети 8.700 килограми небезбедна храна која беше нештетно уништена.

Од АХВ најавуваат дека и во наредниов период ќе продолжат со спроведување на вонредни контроли и во другите туристички центри, а поради високите температури, како што велат, на сила останува мерката за засилени контроли кај операторите со храна на целата територија на земјава.

Фото: Севе во секси бикини

Мегапопуларната пејачка Северина  повторно ги воодушеви и израдува фановите на социјалните мрежи со свои фотографии и видеа.

Атрактивната Севе овој пат воодушеви со фотки во бикини.

Хрватската музичка ѕвезда објави фотки на кои таа позира во секси бикини на островот Врник.

Севе изгледа совршено во интересниот бел костим за капење во кој ја покажа нејзината импресивна фигура.

Пејачката носи голема капа на главата, а на нозете има скапи сандали од брендот Гучи.

-Шеширот го штити телото...“, напиша пејачката во описот на објавата.

Пет лица убиени во дом за стари лица во Дарувар, Хрватска

Пет лица загинаа во дом за стари и изнемоштени лица во Дарувар, 130 километри југоисточно од Загреб, јавија хрватските медиуми.

Според нив, маж влегол во домот за стари и изнемоштени лица и почнал да пука во луѓето. Пет лица загинаа на лице место, а на некои се уште им се укажува лекарска помош.

Напаѓачот потоа побегнал, но полицијата набрзо го уапсила во близина на кафуле во градот. Низ градот одекнуваат сирени на служби за итна медицинска помош.

притисни ентер