Македонија

Повторно се одлужи судењето за Тотал ТВ Македонија и Никола Тасев

Уште еднаш се одложи рочиштето каде кривично се гонат Тотал ТВ Македонија и поранешниот управител на компанијата Никола Тасев. 

Никако да започне главната расправа во судот, веќе втор пат по барање на одбраната се одложува рочиштето каде кривично се гонат Тотал ТВ Македонија и поранешниот управител на компанијата Никола Тасев за нелегално реемитување на телевизиската програма на Канал 5. Овој пат причината за одложувањето е што немаше претставник на Тотал ТВ, а нивната одбрана која беше во судницата посочи и дека немале време да се подготват за процесот бидејќи како адвокати биле ангажирани непосредно пред рочиштето.

Обвинителката Елена Жакула која во судницата посочи дека барањата на одбраната се конфузни пак побара во најкус рок да се закаже следното рочиште. Таа вели дека обвинителниот акт се темели врз цврсти докази кои очекува во постапката да ги докажат наводите во обвинението, а новото одглагање по барањето на одбраната го смета само за одолговлекување на постапката.

„Во однос на денешното одлагање на главната расправа сметам дека и покрај доволниот рок кој го определи судот за да се подготви одбраната, а исто така да определи и претставник тоа не го сторија и сметам дека е во насока на одолговлекување на постапката. Верувам дека судот на следното рочиште ќе утврди, покрај динамиката на останатите судења и текот на целата постапка. “

Директорот на Канал 5 – Иван Мирчевски исто така верува дека станува збор за одолговлекување на процесот, за да се одложи спроведувањето на правдата, бидејќи како што кажа, аргументите и доказите се на страната ан Канал 5.

„Очигледно е и јасно е и многу видливо е дека правното лице Тотал ТВ кое што е членка на големата групација Јунајтед Груп од Србија сака да одлговлекува, не знам зошто, но претпоставувам зошто, затоа што сите аргументи се на страната на Канал 5 и мислам дека судијата направи максимален напор да во краток рок го презакаже повторно судењето, главната расправа каде што јас ќе треба да дадам исказ и сметам дека тогаш веќе ќе немаат шанса да го одголговлекуваат и конечно и судијата и сите страни но и јавноста ќе ги слушнат фактите со кои што располагаме, а тоа е дека сториле кривично дело за нелаглно емитување на телевизиска програма.“

Судијката Ана Давчевска следното рочиште го закажа за 8 ноември, а на одбраната и посочи дека согласно законот, безразлика дали ќе се појави претставник или нема да се појави рочиштето ќе се одржи, бидејќи на овој начин како што кажа, може да трае до недоглед.

Свет

Најмалку еден загинат кога патнички воз излета од шините во Норвешка

Најмалку едно лице загинало, а четири се повредени кога воз што сообраќал долж северниот брег на Норвешка излетал од шините со најмалку 50 патници, објавија норвешките медиуми.

Според првичните информации, на местото на настанот се пронајдени лица со полесни повреди, објави Индипендент.

Железничкиот оператор СЈ изјави дека биле продадени 90 билети за возот, но не можеле веднаш да кажат колку луѓе имало во него.

Портпаролот на полицијата Кенет Лауритсен за весникот Дагбладет изјави дека едно лице загинало во излетувањето од шините. Повредени се пет-шест лица. Полицијата претходно изјави за норвешката новинска агенција NTB дека на местото на настанот биле пронајдени луѓе со полесни повреди. Тие биле предупредени за излетување од шините во 12.38 часот по Гринич.

Полицијата изјави за NTB дека лизгање на карпа најверојатно го предизвикало излетувањето од шините. Весникот VG објави фотографија од огромна карпа на пругата која удрила во вагон.

Арктичкиот експрес бил на пат од Трондхајм кон северниот град Бодое. NTB, цитирајќи го Заедничкиот координативен центар за спасување за северна Норвешка, рече дека во возот имало „од 50 до 70 луѓе“.

„Мислиме дека сите патници се надвор. Но, ние двапати го проверуваме возот бидејќи немаме список на патници“, изјави портпаролот на полицијата Бент Аре Ајлертсен за норвешката телевизија ТВ 2.

Еден од патниците, Ингварт Странд Молстер, изјави за норвешката телевизија NRK дека „карпа удрила во возот“.

Странд Молстер рече дека никој во неговиот вагон не бил повреден, со исклучок на едно лице кое претрпело полесна повреда на глуждот. Друг патник изјавил за локалниот весник Ависа Нордланд дека луѓето биле евакуирани низ прозорците.

НРК објави видео од возот што излетал од шините, удирајќи низ дрвја и надолу кон патот, кој бил затворен за сообраќај поради излетувањето од шините.

Фотографиите на норвешките медиуми ја покажаа локомотивата и она што изгледало дека се најмалку два патнички автомобили. Излетувањето од шините се случило во близина на Бодое, северно од Арктичкиот круг.

Живот

Кит орка скокнал од базен среде настап, публиката испрскана со измет (ВИДЕО)

Посетителите на водениот парк „SeaWorld“ во Сан Антонио доживеале непријатност за време на настапот на китот орка, а видеото се појавило на интернет.

На почетокот го гледаме китот убиец како се олеснува во базенот, а збунетите деца ја прашуваат мајка си: „Дали таа кака?“.

Орка продолжила да плива во заградениот простор, а потоа решила да скокне.

Посетителите кои биле најблиску до базенот ги попрскала со кафена вода! Тие биле шокирани кога сфатиле што се случило, пренесува New York Post.

„Не очекувавме дека ќе го направи ова. Беше ненадејно“, напишал авторот.

Бројни корисници на шега реагираа по објавувањето на видеото кое за краток период „собра“ повеќе од 470.000 прегледи.

Имаше и такви кои веруваа дека се работи за „одмазда“ на китот убиец.

„Ова е упатено до сите кои поддржуваат фаќање животни“, напиша едно лице.

„Ова изгледа како да е лично“, додаде друг.

Македонија

Фон дер Лајен по средбата со Мицкоски: Проширувањето на ЕУ останува наш голем приоритет

Очекуваме Европската Унија заедно со нас да изнајде начини како да го продолжиме  европскиот интегративен пат. 

Македонија постигна многу но мора да ги спроведе уставните измени на кои се согласила пред да го отвори кластерот Фундаментални вредности. Ова го порача шефицата на ЕК Урсула Фон дер Лајен која денеска е во официјална посета на Скопје. Пред владината зграда со највисоки државни и воени почести ја пречека премиерот Христијан Мицкоски. Со него одржаа и тет а тет средба а потоа и билатерална средба на ниво на делегации. Фон дер Лајен му порача на Мицкоски дека проширувањето на ЕУ ќе остане врвен приоритет и се надева дека сите политички сили во земјава ќе се здружат за да ги направат потребните чекори за напредок.

„Треба да поминат уставните измени за кои вашата држава се согласи дека ќе ги направи, и со заеднички дијалог се надевам дека сите политички сили ќе се здружат во земјата и ќе ги преземат потребните одлучни чекори за напредок и уверена сум дека можеме да ги надминеме пречките кои што се уште постојат. Сакам да ве уверам дека ќе бидеме со вас на секој дел од патот за да стигнеме до заедничката цел - можете да сметате на нас. Мене ми е важно да не се вртиме многу наназад, туку да гледаме кон иднината и сакаме заедно да го пишуваме следното поглавје од нашата заедничка иднина.“

Премиерот Христијан Мицкоски рече дека Македонија останува посветена на патот кон полноправно членство во ЕУ, но и дека очекува од Брисел да обезбеди гаранции дека во иднина земјава нема да се соочи со барања спротивни на вредностите на Унијата.

„Остануваме цврсто посветени како влада на својот пат кон полноправно членство во ЕУ. Нашата визија е јасна – сакаме да бидеме дел од европското семејство споделувајќи ги истите вредности на демократија, владеење на право и почитување на човековите права. Владата ја цени заложбата на Претседателката за проширувањето на ЕУ во најскоро време. Очекуваме, ЕУ, заедно со нас, да помогне во изнаоѓање начини како да го продолжиме нашиот европски интегративен пат истовремено уважувајќи ги легитимните ставови на нашите граѓани дека во иднина нема да се соочуваме со барања кои се во длабока спротивност со идеите и вредностите на коишто почива самата ЕУ.“

На средбите со Мицкоски се разговарало и за планот за економски раст од 6 милјарди евра за Западен Балкан. Според планот на раст Македонија треба да добие повеќе од 750 милиони евра, а за почеток до крајот на годината треба да добие 52 милиони евра, објасни фон дер Лајен.

Претседателката на ЕК по средбата со премиерот Мицкоски замина во Вила Водно каде оствари средба со претседателката Гордана Сиљановска Давкова. Со тоа и ја завршува посетата на Македонија како дел од турнејата низ земјите од Западен Балкан.

притисни ентер