Иако американската агенција НАСА ги смета за потенцијално опасни, се верува дека тие не претставуваат никаква закана за животот на нашата планета, пишува LiveScience.
Најголемиот од тие астероиди - 2002 NV16 - е со дијаметар од 177 метри и големина на зграда, според Лабораторијата за млазен погон на НАСА (JLP). Најблиското растојание од 4.520.000 километри ќе го достигне точно во 17:47 часот по средноевропско време. Овој астероид е наречен „убиец на градовите“ затоа што, во случај да удри во Земјата, може да уништи голем град. Сепак, иако покрај нас поминуваат голем број вакви астероиди, тие ретко се приближуваат доволно до планетата за да претставуваат каква било опасност. Како што наведува LiveScience, ваквите астероиди ја погодуваат Земјата во просек еднаш на секои 20.000 години.
Само неколку минути по „убиецот на градовите“, во 17:51 часот, покрај Земјата, на оддалеченост од 5.530.000 километри, ќе биде астероидот 2024 TR6. Има пречник од 46 метри и повторно ќе ни пријде на 5 август 2039 година и на 25 октомври 2040 година.
Овие астероиди се сметаат за потенцијално опасни бидејќи ќе бидат поблиску до Земјата од 48 милиони километри. Сепак, повеќето од нив ќе бидат на растојание поголемо од Месечината.
Денеска покрај Земјата поминаа уште два потенцијално опасни астероиди – 2015 HM1 и 2024 TP17. Првиот беше со пречник од 30 метри и леташе покрај нас утрово во 06:36 часот, а вториот со пречник од 52 метри прелета околу 10:20 часот.
Астероидите 2024 TR6 и 2024 TP17 беа откриени многу неодамна - првиот на 7 октомври, а вториот на 12 октомври. Ова не е невообичаено бидејќи астрономите набљудуваат околу 2.000 астероиди годишно, од кои повеќето се откриваат само кога ќе се приближат доволно блиску.