Регион

Поранешниот хрватски министер за здравство пуштен од истражен затвор да се брани од слобода

На насобраните новинари им порача дека „е невин и тоа ќе го докаже на суд“.

Поранешниот хрватски министер за здравство Вили Берош, осомничен во аферата „Микроскопи“ поради набавка на прескапа медицинска опрема, денеска е пуштен од истражен затвор затоа што УСКОК ги сослуша сите сведоци поради кои Берош беше приведен во саботата на 16 ноември, ден по неговото апсење.

На насобраните новинари им порача дека „е невин и тоа ќе го докаже на суд“.

- Не му се лутам на никого, им благодарам на институциите што си ја завршија работата. Тоа е мојата порака, изјави Берош.

На Хина во Жупанискиот суд во Загреб претходно и беше потврдено дека УСКОК ги известил дека се сослушани сите сведоци поврзани со Берош, а судијата на истрагата напишал решение врз основа на кое Берош е ослободен од Реметинац и понатаму за време на истрагата ќе се брани од слобода.

Поранешниот министер е ослободен откако претходно денеска во УСКОК бил сослушан последниот од седумте сведоци кои според обвинителството можеле да бидат под влијание на поранешниот министер за време на истрагата за корупција.

УСКОК во петокот соопшти дека Берош е уапсен, потоа и Канцеларијата на Европско јавно обвинителство (ЕППО) соопшти дека покренала истрага против Берош и уште седум лица.

За разлика од УСКОК, кој го сомничи Берош за трговија со влијание, а во чија истрага не се споменува ниту бегалецот Хрвоје Петрач, ниту двајца негови синови кои во меѓувреме се предадоа, ЕППО го обвинува Берош за примање мито./МИА

Свет

Израелската влада забрани рекламирање во Хаарец, весникот познат по критиките

Владата на Израел денеска им нареди на сите јавни институции да престанат да се рекламираат во весникот Хаарец, познат по критиките за израелските акции на палестинските територии.

Министерот за комуникации Шломо Кархи рече дека владата го одобрила неговиот предлог откако издавачот Хаарец повика на санкции против Израел и ги нарече палестинските екстремисти како „борци за слобода“.

„Ние се залагаме за слободата на печатот и изразувањето, но и слободата на владата да одлучи да не финансира подбуцнување против државата Израел“, објави Кархи на платформата X.

Ноа Ландау, заменик уредник на Хаарец, го обвини израелскиот премиер Бенјамин Нетанјаху дека „работи на замолчување на независните и критички медиуми“, споредувајќи го со автократски лидери во други земји.

Хаарец редовно објавува колумни во кои ја критикува полувековната окупација на земјата од страна на Израел на која Палестинците сакаат да основаат независна држава.

Весникот исто така го критикуваше водењето на војната во Газа во време кога повеќето локални медиуми ја поддржуваа војната и претежно ги игнорираа страдањата на палестинските цивили. /МИА

Свет

Хјуман рајтс воч: Убиството на тројца новинари во израелски напад во Либан е воено злосторство

Меѓународната организација за човекови права Хјуман рајтс воч (ХРВ) денеска оцени дека израелскиот напад во Либан во октомври, во кој беа убиени тројца новинари, најверојатно е намерен напад врз цивили и очигледно воено злосторство.

Тројца новинари загинаа, а неколку беа ранети додека спиеле во гостилница во јужен Либан. Тоа беше еден од најсмртоносните напади врз медиумите од почетокот на конфликтот меѓу Израел и Хезболах пред 13 месеци.

Оттогаш, уште 11 новинари се убиени, а осум се ранети, изјави либанскиот министер за здравство Фирас Абијад.

ХРВ заклучи дека израелските сили користеле бомба од американско производство со систем за наведување JDAM во нападот на 25 октомври.

ХРВ оцени дека американската влада треба да ја прекине испораката на оружје за Израел поради повторените „незаконски напади врз цивили, во кои американски официјални лица би можеле да бидат соучесници во воени злосторства“.

Израелската војска веднаш не го коментираше извештајот.

ХРВ пронашла остатоци од бомбата на местото на нападот и прегледала фотографии од деловите собрани од сопственикот на гостинската куќа и заклучила дека тие одговараат на комплетот за наведување бомби JDAM кои ги составува и продава американската компанија Боинг./МИА

Фудбал

Лига на шампиони: Алонсо на располагање има само 13 фудбалери

Германскиот фудбалски првак Баер Леверкузен има голем проблем со отсутни фудбалери пред утрешниот натпревар од 5. коло во Лигата на шампиони против австриски Салцбург за кој тренерот Чаби Алонсо на располагање има само 13 играчи.

Последниот играч кој отпадна поради повреда е францускиот напаѓач Мартин Териер. Напаѓачите Јонас Хофман и Виктор Бонифас, крилниот напаѓач Амине Адли и дефанзивците Норди Мукиеле и Жануел Белосијан се надвор од терените од претходно.

„Доколку сакаме да имаме шанса да влеземе меѓу осумте најдобри, следните два натпревари на домашен терен се клучни. Знаеме колку се важни претстојните натпревари против Салцбург и Интер. Салцбург игра со многу интензитет и динамика. Сакаме да освоиме важни бодови во БајАрена“, изјави Алонсо.

Германските медиуми пренесуваат дека Алонсо речиси и да нема алтернативи во нападот и одбраната, а кон тимот се приклучи и 16-годишниот Бен Хавигхорст.

„Доколку спортскиот директор ми даде договор како играч, можеби и јас би можел да играм“, рече Алонсо низ насмевка. „Сепак, имам договор само како тренер, така што не смеам да играм“./МИА

притисни ентер