Кошарка

Перо и Јелена Антиќ прогласени за најдобри во мак-баскетот за 2017 година

Македонската кошаркарска федерација (МКФ) на свеченоста одржана вечерва во Скопје ги прогласи најдобрите во мак-баскетот за 2017 година.

Откако спортските редакции во медиумите, тренерите, судиите и клубовите во Република Македонија ги дадоа своите гласови, МКФ направи сублимат со што беа избрани најдобрите за 2017-та во повеќе категории.
Перо Антиќ кај мажите и Јелена Антиќ кај дамите се лауреати, односно најдобри кошаркари на Македонија за 2017 година.
Наградите во екипна конкуренција им припаднаа на шампионите МЗТ Скопје Аеродром и Бадел 1862 кај сениорите односно Вардар и повторно Бадел 1862 во младинските конкуренции.
Од тренерската фела, признанија добија:
Тренер на женска екипа (младински): Анета Глигорова (Бадел 1862)
Тренер на машка екипа (младински): Денис Дервишевиќ (Феникс 2010)
Тренер на женска екипа (сениорки): Бранко Андриевски (Вардар)
Тренер на машка екипа (сениори): Љупчо Малинков (Фени Индустри)
За најдобар млад кошаркар е прогласен Дамјан Крстевски член на репрезентација до 18 години, односно Тијана Митрева која е дел од селекцијата до 16 години, беше прогласена за најдобра кај девојките.
На свечената церемонија им беа доделени и благодарници на спонзорите кои и оваа година беа поддржувачи на МКФ, како и на Специјалната олимпијада на Македонија која продолжува да промовира развој на кошарката кај лицата со попреченост./МИА

Живот

Маж собори Гинисов рекорд во чудна дисциплини и испрати силна порака (ФОТО)

Магистер по шумарство Абубакар Тахиру (29) постави рекорд во необична дисциплина и влезе во Гинисовата книга.

За еден час прегрнал 1.123 дрвја во Националната шума Тускеги во Алабама и морал да исполни одредени услови за достигнувањето да се брои.

За да го постави рекордот, Абубакар морал да го прегрне секое дрво со двете раце, но да не предизвика никаква штета.

Не можел да прегрне ниту едно дрво повеќе од еднаш, па морал брзо да се движи, пренесува UPI.com.

Тој постел за Рамазан додека се обидувал да го постави рекордот, што му ја отежнало ситуацијата.

„Неможноста да се напие вода беше значаен предизвик. Но, и тоа на некој начин се покажа корисно, бидејќи немав потреба од паузи“, објаснил тој.

Освен што своето име го внесе во Гинисовата книга, Абубакар сакал да ја подигне свеста за важноста на дрвјата и заштитата на животната средина.

Тој се заинтересирал за екологијата додека растел во земјоделската заедница Тепа во Гана.

Македонија

Пендаровски: Бројот еден е гаранција дека државата ќе продолжи по правилниот курс кон ЕУ

Кандидатот за претседател Стево Пендаровски денеска беше помеѓу граѓаните на општина Арачиново.

Пред присутните, Пендаровски порача дека во досегашниот мандат покажал дека е претседател кој не ги дели граѓаните по ниту една основа и дека така ќе продолжи и во следниот мандат.

„Никогаш не сум бил и не се кандидирам за претседател само на Македонците. Ќе бидам претседател на сите, како што бев глас на секој без оглед на етничка и каква било припадност. Промовирањето и претставувањето на сите граѓани на Македонија ќе биде приоритет и во наредните пет години. “ порача Пендаровски.

Пендаровски посочи дека очекува голема поддршка на осми мај за државата да продолжи напред, како демократска, мултиетничка, прогресивна држава на рамноправни граѓани.

„Само бројот еден е гаранција дека Македонија ќе продолжи по правилниот курс кон ЕУ, се друго е продавање на политичка магла и обиди за враќање во времињата на тензии, поделби и неизвесност. Македонија нема друга опција освен продолжување на преговорите за членство во ЕУ додека да станеме дел од големото европско семејство. На 8 мај сите заедно да гласаме за европска Македонија, тоа се гарантира само со заокружување на бројот 1“ посочи Пендаровски, сопштуваат од неговиот тим.

Свет

Четворица загинаа во судар во полициска потера по ограбувач на банка кај Торонто (ВИДЕО)

Во судар кај Торонто во текот на полициска потера по осомничен ограбувач на банка кој бегал со автомобил во погрешна насока на автопатот 401, загинале четири лица, меѓу кои и едно дете, изјави денеска портпаролката на полицијата во Онтарио.

Судирот се случил во близина на излезот на автопатот 412 во Витби, на околу 50 километри источно од Торонто.

На видеото споделено на платформата „Икс“ се гледа како возило со голема брзина се движи во погрешна насока на автопат и потоа удира.

Полиција во Онтарио го затвори автопатот во двата правци во текот на ноќта, но од изутрината сообраќајот се одвива непречено.

притисни ентер