Околу две илјади бездомни кучиња во Вардарски регион, наскоро стартува хуманото прифатилиште

 Околу две илјади бездомни кучиња од девет општини во Вардарскиот регион ќе бидат хумано третирани во наредниот период во новоизградениот регионален центар во Кавадарци, што се очекува да почне со работа при крајот на овој месец.

Од новоформираното јавно претпријатие - Регионален центар за згрижување на бездомни миленици и ветеринарно здравство Стационар Шепа Кавадарци за МИА велат дека на тој начин се очекува да се реши долгогодишниот проблем со бездомните кучиња со кој се соочува регионот. Само во Кавадарци, бројот на бездомни кучиња е над 500, а само околу 13 проценти од нив, засега се соодветно и стручно хумано третирани.

Од Центарот истакнуваат дека тоа е висока популација, која најчесто потекнува од неодговорното сопствеништво. Со најавените активности, бездомните кучиња хумано ќе се третираат, а се очекува да се спречат и каснувањата на луѓе и пренесувањето на заразни болести.

Во програмата за хуман третман и благосостојба на бездомни животни на подрачјето на општина Кавадарци е објаснет начинот на решавање на проблемот со бездомните кучиња во деветте општини од Вардарски регион, преку воспоставување на систем за контрола на популација на кучиња согласно на законските прописи. Се нагласуваат и активностите за поттикнување на одговорното сопствеништво, како и неселективното казнување на несовеснитеграѓани.

Од Центарот истакнуваат дека програмата се базира на методата заловување, стерилизирање, вакцинирање и вдомување или враќање, што е востановена како единствена ефикасна стратегија и од страна на Светската здравствена организација.

- Поради порастот на популацијата, за најбрз загарантиран ефект ќе се направи план за масовен хуман третман на бездомните кучиња, во рамки на општината во период од шест до 12 месеци. Се предвидува дека со 75 проценти стерилизирани или кастрирани единки, процентот на напредок на популацијата станува нула проценти, по што бројот на бездомни кучиња природно почнува да опаѓа, велат од Центарот.

Оттаму појаснуваат дека престојот на кучињата во прифатилиштето нема да биде подолго од 30 дена.

Финансирањето е од страна на општините Кавадарци, Неготино, Велес, Свети Николе, Чашка, Демир Капија, Градско, Лозово и Росоман, како и од донации.

Целосната финансиска конструкција на проектот изнесува 14. 892.319 денари. Дел од средствата во висина од 5.119. 385 денари се обезбедени од Швајцарска амбасада, а 9.772.933 денари од Министерство за локална самоуправа. Деветте општини во Вардарскиот плански регион усвоија модел за управување и организациона поставеност на прифатилиштето на регионално ниво, преку кој секоја општина обезбеди дополнителни средства, за оперативни трошоци за работење на Центарот.

Градоначалникот на Кавадарци Митко Јанчев во март при посетата на тогашниот министер за локална самоуправа Ристо Пенов, рече дека капацитетот на објектот е околу 60 кучиња и има услови за згрижување по сите стандарди.

- Секое куче бездомник ќе биде згрижено, чипирано, кастрирано и социјализирано, изјави тогаш Јанчев.

Локацијата на објектот наменет за деветте општини, е во населбата Глишиќ. Објектот се протега на површина од 5.470 квадратни метри.

Мајка задремала и кога се разбудила ѝ го снемало 5- годишниот син, три дена нема трага од него

Мајка која се разбудила по попладневната дремка во мирен град во Орегон видела дека нејзиниот 5-годишен син со аутизам е исчезнат, соопшти полицијата.

Џошуа Џејмс Мекој (5) исчезнал од својот дом во округот Кус, Орегон на 9 ноември и оттогаш не е виден.

Неговата мајка на полицијата ѝ рекла дека во саботата околу 13 часот отишла да спие со момчето, но дека тој не бил во куќата кога се разбудила околу 17.30 часот.

Канцеларијата на шерифот на округот Кус започнале потрага следниот ден. Полицијата соопшти дека пронашле траги, но ништо дефинитивно. Тие не кажале ништо повеќе за претресот, пренесува Daily Mail.

„По завршувањето на првичната проценка, локалните тимови почнаа да ги пребаруваат околните области и нивните напори се интензивираа утрото на 10 ноември, користејќи беспилотни летала, надзор и детективи“, велат тие во ажурирањето вчера вечерта.

Одделот додаде дека „ништо не е исклучено во овој момент и тие ги разгледуваат сите опции“.

„Се надеваме дека Џошуа ќе биде пронајден жив и здрав“, додаваат тие.

Полицијата ја замоли јавноста да се држи подалеку од областа за пребарување бидејќи е загрижена дека доказите може да бидат уништени.

Германец си ја убил и ограбил сопругата и избегал со љубовницата од Романија, ги уапсиле

Германец, осомничен дека заедно со љубовницата од Романија ја убил сопругата во Германија, бил уапсен на граничниот премин меѓу Романија и Унгарија, кога се обидел да побегне од земјата.

Според медиумите, Германецот (39) живеел со сопругата (68) во германскиот град Трир. Тие двајца често изгледале како совршено семејство, но реалноста била поинаква, објавија романските медиуми.

Германецот водел двоен живот и имал љубовница, жена (36) од Романија, со која смислил план да ја убие сопругата.

Телото на несреќната жена го пронашол роднина пред една недела во нејзиниот стан и веднаш повикал полиција. Обдукцијата покажала дека се работи за убиство.

За убиството се осомничени нејзиниот сопруг и неговата љубовница, кои веднаш по злосторството побегнале во Романија.

Окружниот суд во Трир издал европска потерница поради сомневање за заедничко убиство. Во соработка меѓу германските и романските власти, осомничените биле уапсени во Романија минатиот петок.

Јавното обвинителство во Трир, наводно, побарало екстрадиција на обвинетите во Германија. Одлуката сега е на романските судски власти.

Според романските медиуми, двајцата по убиството се сокриле во стан во романскиот град Сату Маре. Меѓутоа, кога мажот се обидел да ја напушти земјата преку граничниот премин со Унгарија, едноставна контрола му ги расипала сите планови. Згора на тоа, по проверка на багажот на осомничениот, полицијата пронашла сто грама дрога.

Неговата љубовница и соучесничка набрзо биле фатени од агентите и двајцата сега се зад решетки.

Се сомнева дека ја убиле жената од алчност. Од станот се украдени пари, накит и други вредни предмети, додека истрагата продолжува.

Снимката од полноќ на Антарктикот е сензација, има милиони прегледи (ВИДЕО)

Мети Џордан работи во една од истражувачките лаборатории на Антарктикот и редовно објавува видеа на TikTok.

Неодамна на следбениците им откри „како изгледа полноќ“ на најстуденото место на планетата – и ги остави сите без зборови.

Многу истражувачи го нарекуваат Антарктикот „најважната природна лабораторија“, како и место со „голема убавина и чудо“.

Настаните на најјужната точка на земјата се мистерија за голем дел од населението, а Џордан сака да ги информира луѓето за најинтересните работи.

Така стигнуваме до поларниот ден или полноќното сонце, природен феномен што се случува северно од арктичкиот круг.

За време на овој феномен, Сонцето е видливо 24 часа на ден.

Времетраењето на чудесниот период зависи од географската положба, варира од 20 часа на самите кругови до шест месеци на половите. Спротивниот феномен се нарекува поларна ноќ - кога Сонцето воопшто не изгрева.

Џордан го покажа часовникот на својот телефон - кој покажува шест минути по полноќ - а потоа излезе надвор. Веднаш беше „удрен“ од најсветлата сончева светлина што можете да ја видите.

Многу гледачи останаа збунети, а особено ги интересираше како некој може да спие кога нема темнина, пренесува LadBible.

Еден корисник на шега напиша: „Барем имате сонце, во Британија имаме неколку часа сиво небо, а потоа повторно е темно“.

@mattykjordan This is what Antarctica looks like at midnight during 24 hour sun #antarctica #24hoursun #midnightsun ♬ original sound - Matty Jordan | Antarctica

За кратко време видеото „собра“ повеќе од 6,7 милиони прегледи.

притисни ентер