Роган во својот подкаст ја коментираше одлуката на Џо Бајден за одобрување на користење на американски ракети со долг дострел од украинската армија против руските сили во регионот Курск.

- Зеленски вели дека Путин е исплашен. Ма, прекинете! Ќе започнете Трета светска војна, изјави Роган, додавајќи дека „би било добро нашиот претседател во умирање да не вовлече во тоа“.

Кличко на платформата Икс му одговори: „Вашите зборови ја повторуваат руската пропаганда. Русија сака да го замолчи Западот додека ние Украинците се бориме за слободата.“

Зборувате за испраќање американско оружје во Украина, што верувате дека ќе доведе до Трета светска војна. Затоа, дозволете ми да кажам дека ја повторувате руската пропаганда. Русија на Путин е во неволја. Тие сакаат да ве исплашат. Неговата војна требаше да трае три дена, а трае три години благодарение на хероизмот и пожртвуваноста на нас Украинцит“, рече Кличко.

- Вие го користите единственото оружје што Путин навистина има намера да го користи: пропагандата. Ова оружје ги ослабува нашите демократии. Русија на Путин сака тивко да ја уништи Украина, тие сакаат Америка да молчи, а не да биде голема. Големата Америка не е Америка која ги напушта земјите кои со своите животи ја бранат слободата, рече тој.

Кличко, исто така, понуди да се појави на подкастот на Роган за да можат да разговараат за различни перспективи на нештата.

СДС вчера со партиски Конгрес потврди дека партијата ја води Зоран Заев, преку неговиот неврохирург Венко Филипче и 40-те потрчковци.

Венко Филипче е во сенка на Заев. Филипче беше министер за здравство, во чие време се случи катастрофата во Тетово, каде луѓе живи изгореа во модуларната болница, а тој не понесе одговорност. По тој настан секој човек со грам одговорност засекогаш ќе се повлечеше од функцијата, но не и Филипче.

Истиот тој Филипче, неврохирургот на Заев, кој очигледно е опериран од срам и доблест, вчера за заменик претседател ја назначи Фани Каранфилова Пановска, поранешен претседател на Сорос Македонија.

Фани Каранфилова Пановска за која неврохирургот на Заев, Филипче кажа дека ги има во себе социјалдемократските вредности во Сорос имала месечни примања од 3.400 евра. Толку треба да знаеме за социјадемократијата на Каранфилова Пановска.

Според јавно достапните информации од Фондацијата Сорос Македонија за 2014-та година земала бруто во износ од 2.030,118 денари.

Тоа за кое што народот работи 5 години, Каранфилова Пановска го заработува за 1 година.

Каранфилова Пановска е дел од луѓето кои се бореа Зоран Заев да дојде на власт уште во 2017 година, преку таканаречената Шарена револуција од 2014 и 2015 година.

Каранфилова Пановска не е никакво ново лице на СДС, таа е дел од 40-те потрчковци на неврохиругот на Заев, Филипче.

Со Венко Филипче и Фани Каранфилова Пановска СДС е само продолжение на партијата која ја водеше Заев, која донесе многу порази за Македонија, криминал и стагнација.

Центар за комуникации на ВМРО-ДПМНЕ

Општина Центар информира дека 1500 пензионери досега се имаат пријавено на јавниот повик за доделување еднократна парична помош во висина од 2.500 денари за пензионери со старосна, семејна, инвалидска или социјална пензија не повисока од 23.758,00 денари.

Градоначалникот на Општина Центар Горан Герасимовски потенцира дека јавниот повик којшто се имплементира трета година по ред се одвива по принципот „прв дојден - прв услужен“, сѐ до исцрпување на средствата предвидени за оваа намена.

„Еднократната финансиска поддршка ја доделуваме на граѓани кои имаат постојано живеалиште на територијата на Општина Центар и кои се приматели на старосна, семејна, инвалидска, социјална пензија (корисници на правото на социјална сигурност на стари лица) чиј износ не е повисок од 23.758,00 денари. Ги повикувам сите пензионери од Општина Центар кои ги исполнуваат условите да се пријават на повикот, со паричната помош помагаме во семејните трошоци во пресрет на новогодишните празници“, истакнува Герасимовски.

Јавниот повик трае до 29 ноември, односно додека финансиските средства предвидени за оваа намена не се исцрпат.

Заинтересираните граѓани треба да достават барање за доделување финансиска поддршка на пензионери во социјален ризик, копија од лична карта, копија од трансакциска сметка, за корисниците на старосна, семејна или инвалидска пензија – доказ од последна примена пензија (потврда/чек издаден од Банката во која се прима пензијата – за примена пензија во последните 2 месеци, односно за септември или октомври 2024 година), а за корисници на социјална пензија (корисници на правото на социјална сигурност на стари лица) – Потврда / Решение издадено од надлежниот Центар за социјална работа (ЦСР-Центар).

Барањето е достапно во Архива на Општина Центар-Скопје, барака 6 и на веб страната на општината https://www.centar.gov.mk/?p=23162. Потребната документација може да се достави секој работен ден од 09.00 до 14.00 часот.

Комисијата за селекција, формирана од Градоначалникот на Општина Центар Горан Герасимовски, ќе ги разгледува и ќе одлучува по поднесените барања за остварување на правото за финансиска поддршка. На пензионерите во социјален ризик што аплицирале и ги исполниле потребните критериуми, Општина Центар ќе им изготви Решение за доделување на финансиска поддршка. Исплатата ќе се изврши директно на трансакциските сметки на барателите и ќе биде реализирана до крајот на тековната година.

Линк: https://www.centar.gov.mk/?p=23170

Со почит,

Општина Центар