Одлука за прераспределба на средства помеѓу буџетските корисници на собраниска седница

Пратениците треба да одлучуваат и за Предлог-одлука за испраќање на припадници на Армијата на Република Македонија за учество во меѓународната операција на Европската Унија „АЛТЕА“, во Босна и Херцеговина

Собранието денеска треба да ја почне 126. пленарна седница на која на дневен ред, меѓудругите, се и Предлог на одлука за прераспределба на средства помеѓу буџетските корисници на централната власт и помеѓу фондовите и измените и дополнувањата на Законот за извршување на Буџетот на Република Македонија за 2023 година, по скратена постапка. За 13:00 часот е закажано продолжение на 120. седница, на која се очекува пратениците да гласаат за закони за коишто е веќе завршена расправата.

На предложениот дневен ред се законите за ратификација на Спогодбата помеѓу Советот на министри на Босна и Херцеговина, Владата на Република Бугарија, Владата на Република Хрватска, Владата на Унгарија, Владата на Република Македонија, Владата на Црна Гора, Владата на Република Србија, Владата на Словачката Република и Владата на Република Словенија за соработка и координација на потрагата и спасувањето во областа на воздухопловството, на Договорот меѓу Владата на Република Македонија и Владата на Романија за зајакнување на соработката во областа на внатрешната контрола и спречување и борба против корупцијата и на Протоколот меѓу Владата на Република Македонија и Швајцарскиот Федерален Совет за изменување на Спогодбата од 14 април 2000 година помеѓу Македонската Влада и Швајцарскиот Федерален Совет за одбегнување на двојното оданочување по однос на данокот на доход и данокот на капитал.

Пратениците треба да одлучуваат и за Предлог-одлука за испраќање на припадници на Армијата на Република Македонија за учество во меѓународната операција на Европската Унија „АЛТЕА“, во Босна и Херцеговина, за одлуката за изменување и дополнување на Националната стратегија за спречување на корупцијата и судирот на интереси 2021-2025, како и за Предлог на одлука за прераспределба на средства помеѓу буџетските корисници на централната власт и помеѓу фондовите.

На дневен ред на седницата се и Предлог на закон за изменување и дополнување на Законот за здравствената заштита, по скратена постапка, Предлог на закон за адвокатурата, Предлог на закон за дополнување на Законот за семенски и саден материјал за земјоделски растенија, Предлог на закон за изменување и дополнување на Законот за семејство, сите во второ читање, како и Предлог на закон за изменување и дополнување на Законот за приватизација и закуп на градежно земјиште во државна сопственост, по скратена постапка. На оваа седница се и неколку автентични толкувања.

Во рамки на продолжението на 120. седница закажана за 13.00 часот се очекува да е гласа за закони за кои е завршена општата расправа. Меѓудругите, на дневен ред на оваа седница се и Предлог на закон за данокот на солидарност, Предлог на закон за изменување и дополнување на Законот за данокот на додадена вредност и Предлог на закон за изменување и дополнување на Законот за данокот на добивка, трите по скратена постапка.

МВР влезе во Академијата за судии и јавни обвинители, се одземаат досиеја на судии

По барање на Основно јавно обвинителство за гонење на организиран криминал и корупција (ОЈО ГОКК), а со наредба од судија на претходна постапка полицијата попладнево влегла во Академијата за судии и јавни обвинители, дознава МКД.мк.

Од МВР ја потврдија информацијата и велат дека акцијата сѐ уште трае.

„Се одземаат електронски податоци од компјутерски системи, мобилни телефони и досиеаја од веќе избрани судии и обвинители. Дејствијата се во тек“, велат од МВР за МКД.МК.

Величковски: Што ако ДУИ тргне во преговори за промена на уставот?

„Мицкоски со порака од Илинден во соодветен правец може да добие многу повеќе да добие за сопствената држава“

Што ако ДУИ тргне во преговори за промена на уставот? Прашањето околу територијалната организација, за кое зборувавме пред 10 години. Нашиот пристап на движењето за Нова република не е дали одиме кон федерализација или не, двостепената локална самоуправа може да значи и подобра функционалност, не разговараме за тоа што може да биде предност, сомнеж ќе има додека на зборуваме за темите. Етничка заедница, заедница на општини со функционални надлежности и во Косово, и во Македонија и во Србија може да постои, но доколку стане на едно место ќе се мултиплицира на цел Западен Балкан. Ние денеска практично сме меѓу два концепта и тоа започна со Руската агресија во Украина каде се судираат два концепта, на прифаќање на поредокот со завршувањето на студената војна и таа безбедносна архитектура се заснова на принципот „нема територијални решенија за етнички прашања“. Наспроти она кое што доаѓа од Кремљ и кој што етничките прашања ги користи за растурање на безбедносната архитектура на цела Европа за да може тука да го прошири своето влијание.

Она што треба политичарите од владата јавно да им го кажат на граѓаните е предизборната реторика заврши, а преговарачката рамка не може да се смени, рече Ивон Величковски во Само Интервју. „Мицкоски со порака од Илинден во соодветен правец може да добие многу повеќе да добие за сопствената држава“, порача тој.

Германија и Турција водат правен спор за ќебаб- кавгата трае од почетокот на април

Германија и Турција се судрија околу традиционалниот специјалитет ќебаб, при што Берлин вложи жалба на обидот на Турција да и даде заштитен статус на популарната улична храна во ЕУ, како што се шпанската шунка серано или неаполската пица.

Спорот околу специјалитетот започна во април кога Турција поднесе барање за регистрирање на името „донер“ како „загарантиран традиционален специјалитет“ низ Европа, што значи дека етикетата може да се користи само од производители кои се придржуваат до одредени методи на производство и спецификации за месото од кое што се прави ќебабот, пренесува АП.

Германија тврди дека тоа ќе создаде огромни бирократски пречки и ќе ја зголеми цената на популарното јадење.

Со оглед на тоа што прашањето за трошоците за живот ги загрижува гласачите пред клучните регионални избори во Германија во септември, официјален Берлин стави вето на

притисни ентер