Еве што не сте знаеле дека е потребно да користите.

Q10, познат и како коензим Q10, стана клучна состојка во многу производи за нега на кожата против стареење. Овој моќен антиоксиданс игра витална улога во одржувањето на здравјето и виталноста на нашето тело. Еве ги клучните причини зошто треба да размислите за додатокот Q10:

Ја зголемува енергијата

Q10 помага во производството на аденозин трифосфат (ATP), молекула која им обезбедува на клетките енергија потребна за хемиски реакции, регенерирање, раст и други витални процеси.

Го поддржува здравјето на срцето

Може да помогне во превенирањето на срцеви заболувања со зголемување на енергијата потребна за работата на срцето.

Ја заштитува кожата

Помага во одржувањето здрав раст на клетките на кожата и ја штити од слободните радикали и предвременото стареење предизвикано од УВ зраците.

Ја подобрува циркулацијата

Како моќен антиоксиданс, Q10 ја подобрува циркулацијата и снабдувањето на ткивата со кислород, што може да им помогне на спортистите да се борат со заморот и да ја намалат болката во мускулите.

Го штити нервниот систем

Има заштитен ефект врз нервниот систем и мозокот, што може да помогне во спречувањето на невродегенеративни болести.

Според фармацевтот Шабир Даја, креатор на брендот за додатоци DoSe и коосновач на британската компанија за здравје и убавина Victoria Health, Q10 е присутен во секоја клетка од нашето тело и помага во производството на енергија потребна за растење и одржување на телото. Највисоки концентрации на Q10 се наоѓаат во срцето, црниот дроб, бубрезите и панкреасот, органи со високи енергетски потреби.

Можни контраиндикации

Сепак, постојат неколку контраиндикации. Во високи дози (над 100 mg на ден) може да предизвика гадење и дијареа, не се препорачува за време на бременост и доење и може да го попречи дејството на некои лекови. Исто така, количината на Q10 во телото се намалува со возраста, при што земањето на овој суплемент може да биде корисно, особено ако сте склони кон одредени здравствени состојби.

Даја препорачува Q10 особено за луѓе над 40 години, оние со ниско ниво на енергија, како и за сите што сакаат да ја одржат својата кожа здрава и да ја заштитат од предвремено стареење. Исто така, Q10 често се пропишува на луѓе со срцева слабост, висок крвен притисок, болести на непцата, Паркинсонова болест, инфекции на крвта, одредени мускулни заболувања и ХИВ инфекција, поради потенцијално пониските нивоа на Q10 во нивните тела.

Пред да започнете со земањето на овој производ, консултирајте се со вашиот лекар за да бидете сигурни дека Q10 е вистинскиот избор за вас.

Извор: srecna.republika.rs

Полицијата на северот на Швајцарија денеска соопшти дека се уапсени неколку лица и дека е отворена кривична постапка во врска со сомнителната смрт на едно лице во т.н. комора за самоубиство, или како што се нарекува „charco капсула“, која се користи за евтаназија.

Sarco euthanasia pod ARRESTS: Swiss police take 'several people' into custody for 'accessory to suicide' after tip-off the device has been used for the first time 'near forest cabin' https://t.co/cHMQakcjNR pic.twitter.com/seNHBCJzGj

— Mail+ (@DailyMailUK) September 24, 2024

Таканаречената капсула Сарко, комора за самоубиство која никогаш досега не била користена, е дизајнирана да му овозможи на лицето во затворен простор да притисне копче што го активира вбризгувањето на азотниот гас, од кој лицето набрзо заспива, а потоа за само неколку минути, умира од задушување, пренесува Еуроњуз.

„Обвинителите во кантонот Шафхаузен беа известени од адвокатска канцеларија дека во понеделникот во близина на шумска кабина во Мерсхаузен се случил потпомогнат самоубиствен чин со капсула Сарко“, соопшти полицијата.

Во соопштението се наведува дека се уапсени „неколку лица“ и дека обвинителството отворило истрага поради сомнение за поттикнување и соучесништво во самоубиство.

10-годишната Пејтон Сентињан исчезнала од својот дом и последен пат била видена на 14 септември пред спиење облечена во сини пижами на тема Frozen и без чевли, објави Дејли Мејл.

Шерифот на округот, Џејсон Паркер рече дека девојчето залутало од дома и било најдено од дрон додека шетала во шумска област.

Полицијата започна голема потрага на 15 септември со голем број волонтери и полицајци, кога им биле понудени услугите на Drone Management Services LLC од Арканзас.

Користејќи беспилотни летала на компанијата опремени со камера за термичка слика, полицијата го пронашла девојчето свиткано како спие на земја во шумата.

„Таа беше во густа шума на околу 300 метри од местото каде што камерата ја фати порано во неделата наутро“, рече Паркер.

Како што рекол, девојчето спиело кога ја нашле.

„Ја проверивме и беше добро, но гладна“, додаде тој.

На видеото од дронот се гледа како спасувачите го разбудиле девојчето и ја однеле на безбедно околу 23 часот.

„Службата за контрола на дронови ја имаше честа да учествува во операцијата за пребарување и спасување. Сведочејќи го моментот кога Пејтон беше пронајдена, мирно спиеше во шумата.“, велат од компанијата.