Македонија

Нова Влада до 20 јуни, објавени дел од имињата на министрите

Преговорите за кадровските решенија во идната Влада помеѓу ВМРО-ДПМНЕ, Вреди и ЗНАМ финишираат и се очекува деновиве да падне и конечниот договор, брифираат партиски извори за Канал 5.

Очекувањата на дел од лидерите на Вреди се дека новата Влада ќе се формира идната недела на 19-ти или 20-ти јуни. Од ВМРО-ДПМНЕ за Канал 5 посочија дека мандатарот Христијан Мицкоски предлог владиниот состав и програмата за работа ќе ги достави до Собранието во текот на следната недела, а најверојатно тоа ќе биде в понеделник на 17-ти јуни, но и понатму тврдат дека конечен договор за кадровските решенија се уште нема.

-Нема дефинитивни кадровски решенија. Предлог владиниот состав ќе биде доставен до Собранието следната недела. - ВМРО-ДПМНЕ

Од Вреди пак веќе и официјално ги соопштија дел од кадрите кои ќе седнат во министерските и вицепремеирските фотељи. Арбен Таравари во Утринската програма на Канал 5 потврди дека повторно ќе го превземе ресорот здравство и најави укинување на екононмските директори на клиниките уште на првиот работен ден. А откри и кој ќе раковории со дел од другите ресори.

„Ексклузивно би кажал дека од вечра имам дефинитивна одлука ако се избере идната недела Влада јас ќе земам одговорност да го продолжам тоа што го оставив во 2017-та и да бидам министер за здравство. Министер за екологија ќе биде Изет Меџити, министер за добро владеење и транспарентност ќе биде Арбен Фетаи којшто е роден и живее во Брисел и ќе се врати специјално да биде неколку години во Македонија. Фатмир Лимани најверојатно ќе биде министер за социјална политика. Тоа се имињата кои што дефинитивно ги знам. Уште за министерот за економија не сум сигурен чекаме вечерва дефинитивно да се знае“, посочи Тараври.

Од петте ресори кои ги добива Вреди во владиниот состав останува да се допрецизира само кој ќе раководи со вицепремиерското место за евроинтеграции, каде треба да седне кадар од Алтернатива. Во распределбата на министерските позиции ВМРО-ДПМНЕ како победничка партија на избори, добива најмногу 13 ресори, меѓу кои и клучните места поврзани со безбедноста, надворешната политика и Министерството за внатрешни работи. На контото на партијата на Максим Димитреивски одат Минситерствата за првда и администрација, но и од таму се уште не ги откриваат кадрите кои ќе раководат со нив. Владата на Мицкоски наместо досегашните 16 ќе брои 20 ресорни министерства, а ќе има и тројца министри без ресор. Мандатот на Мицкоски за формирање влада му беше доверен на 6-ти јуни, а крајниот рок за нејзино составување истекува на 26-ти јуни.

Свет

Либанската телевизија ЛБЦИ јави дека Калед Машал е именуван за в.д. лидер на Хамас

Еден од лидерите на Хамас, Калед Мешал е назначен за вршител на должноста лидер на ова милитантно движење по ликвидацијата на Јахја Синвар, јавува либанската телевизија ЛБЦИ, повикувајќи се на свои извори.

Машал сега е одговорен за сета комуникација со клучните страни вклучени во преговорите и прашањата за затворениците, пренесува либанската телевизија.

Извори потврдија за ЛБЦИ дека раководството на Хамас ги информирало турските, катарските и египетските власти за смртта на Синвар за време на операцијата во Тел ал Султан.

Покрај тоа, наведуваат дека за убиството на Синвар и неговото влијание врз преговорите и потенцијалниот прекин на огнот разговарале американскиот државен секретар Ентони Блинкен и катарскиот премиер и министер за надворешни работи шеикот Мохамед бин Абдулрахман Ал Тани.

Хамас најави дека по убиството на Синвар, преговорите за размена на заробеници и завршување на војната „ќе стануваат сè потешки и сложени“.

Израелските одбранбени сили (ИДФ) вчера официјално соопштија дека Синвар, за кој се верува дека е организаторот на нападот врз Израел на 7 октомври 2023 година, бил убиен од израелската армија во Појасот Газа.

Свет

Блинкен: Вашингтон двојно ќе ги зголеми напорите за прекин на конфликтот во Газа

Вашингтон двојно ќе ги зголеми напорите за прекин на конфликтот во Газа по убиството на Синвар.

Шефот на американската дипломатија, државниот сектретар Ентони Блинкен, изјави дека Вашингтон во наредните денови двојно ќе ги зголеми напорите за прекин на конфликтот во Појасот Газа по смртта на водачот на палестинската вооружена група Хамас, Јахја Синвар, пренесоа британските медиуми.

-Во последниве месеци Синвар постојано ги отфрлаше напорите на САД и нашите партнери за прекин на оваа војна преку договор што ќе ги врати заложниците кај нивните семејства и ќе ги олесни страдањата на палестинскиот народ, рече Блинкен.

Советникот за национална безбедност на Белата куќа, Џејк Саливан, во изјава дадена во претседателовиот авион „ЕР Форс 1“ на пат за Германија, изјави дека „работата мора да продолжи за да се осигура дека смртта на лидерот на Хамас, Јахја Синвар,навистина ѝ го нанесе долгорочниот удар на оваа милитантна група, што сите би сакале да го видиме“.

Саливан додаде и дека израелскиот премиер Бенјамин Нетанјаху не ги постигна зададените цели бидејќи заложниците киднапирани од милитантите на Хамас минатата година, сè уште не се вратиле во своите домови.

Портпаролот на Стејт департментот, Метју Милер, рече дека САД ќе се обидат да го истуркаат предлогот за прекин на огнот во Појасот Газа и ослободување на заложниците.

Милер на редовен брифинг со новинарите потврди дека Вашингтон видел можност да го прекине конфликтот по смртта на Синуар.

-Во изминатите неколку недели немаше преговори за завршување на војната бидејќи Синуар одби да преговара, додаде тој.

Свет

Нетанјаху: Војната може да заврши уште утре доколку Хамас го положи оружјето

 Војната може да заврши уште утре доколку Хамас го положи оружјето и ги врати заложниците.

Израелскиот премиер Бенјамин Нетанјаху во изјава на англиски јазик го нарече убиството на лидерот на Хамас, Јахја Синвар, „почеток на крајот“ на војната во Газа.

-Имам едноставна порака до жителите на Газа - оваа војна може да заврши уште утре. Може да заврши доколку Хамас го положи оружјето и ги врати нашите заложници. Израел ќе ја гарантира безбедноста на сите оние кои ќе ги вратат нашите заложници. Ако некој им наштети на заробениците Израел ќе ги лови и ќе ги изведе пред лицето на правдата, рече Нетанјаху.

Израелскиот премиер додаде дека оската на теророт изградена од Иран „се урива пред нашите очи“.

-Владеењето на теророт што го наметна иранскиот режим врз својот народ и народите на Ирак, Сирија, Либан и Јемен ќе заврши, рече Нетанјаху.с

притисни ентер