Култура

Носијата за млада невеста од Струшко првонаградена на фестивал во Нови Сад

Носијата за млада невеста од збирката на стружанецот Љупчо Милошески ја добри првата награда на фестивалот „Бисерна грана“ во Нови Сад, Србија во категоријата „Награди за странски држави“.

Носијата, како што информира за МИА, Милошески, е од етничкиот предел Струшки Дримкол и припаѓала на етничката група Власи „Фашарјоти“, од селото Горна Белица.

На 17. издание на Фестивалот во Нови Сад, учесниците се натпреварувале во две категории, односно за народни носии од Србија и за народни носии од други држави.

- Задоволство ми е што во конкуренција со сериозни колекционери и собирачи на народни носии, меѓу 50-тина ревијалци, токму носијата од мојата колекција го освои првото место, изјави Милошески.

Носии од неговата колекција, трет пат се дел од фестивалот „Бисерна грана“, а втор пат се враќа со награда.

- Се работи за една сериозна манифестација, на која главниот збор го има четири члена жири комисија од етнолози и познавачи на народните носии, позната во Србија и регинот меѓу собирачите на народни носии, истакна Милошески, нагласувајќи дека е убаво чуството кога се вреднува и препознава трудот.

Покрај наградената носија, на Фестивалот во Нови Сад, биле презентирани и презентирав и носии за невести од етничките предели: Дебарско Поле и Голо Брдо - село Дренок од колекцијата на Милошески.

Култура

Поезија од младата Милица Пауновска од Неготино промовирана во Данска

Книгата поезија „Нецелосна" од младата Милица Пауновска од Неготино изминативе неколку дена беше промовирана во Данска, информираа вечерва од нејзиниот тим во Неготино. Притоа потсетија дека е ова прва книга на Пауновска, преведена на данскa

Книгата поезија „Нецелосна" од младата Милица Пауновска од Неготино изминативе неколку дена беше промовирана во Данска, информираа вечерва од нејзиниот тим во Неготино. Притоа потсетија дека е ова прва книга на Пауновска, преведена на дански јазик.

- Вљубеници во пишаниот збор беа на промоцијата на книгата. Тие истовремено можеа да другаруваат со уште еден македонски производ, дегустирајќи квалитетно тиквешко вино. Знаете, да се направи извонредно вино е исто така уметност, подвлекоа од тимот на Пауновска.

Притоа нагласија дека следува промоција на оваа книга и во Германија и Швајцарија, каде исто така ќе се има можност да се дегустираат и македонски вина, нагласувајќи дека младата поетеса е своевиден амбасадор на државата, македонскиот збор и нашите квалитетни вина. /MИА

Регион

Физичка пресметка меѓу пратениците од власта и опозицијата во српското собрание

Денешната расправа на пратениците во собранието на Србија наменета за предлог-буџетот за 2025 година прерасна во општ хаос и физичка пресметка меѓу пратениците од власта и опозицијата.

Хаосот во српскиот парламент настана во моментот кога министрите од владата на Србија влегоа во салата.

До инцидент дојде кога пратениците на владејачката коалиција и на опозицијата дојдоа на говорницата држејќи транспаренти, по што имаше извици, меѓусебно туркање и фрлање хартии и вода. Потоа, опозицијата внесе голем бел транспарент со „крвава рака“ во салата, кој го поставија пред говорницата, додека еден пратеник не се обиде да им го грабне транспарентот, по што повторно избувна конфликт, а седницата извесно време беше прекината.

Македонија

Андоновски: До јануари 2025 година ќе имаме нацрт закон за сајбер безбедност

До јануари биде подготвен нацрт законот за сајбер безбедност, вели министерот за дигитална трансформација, Стефан Андоновски, пред почетокот на средбата на работната група за подготовка на овој закон.

Целосната изјава погледнете ја во видеото.