Македонија

НБРМ: Следната недела ќе се одржи осмото издание на Деновите на финансиската писменост

Следната недела, од 26 до 28 ноември, ќе се одржи осмото издание на Деновите на финансиската писменост, коишто ги организираат финансиските регулаторни институции во соработка со приватниот финансиски сектор и граѓанските здруженија.

Конкретно, организаторите се Народната банка, Министерството за финансии, Комисијата за хартии од вредност, Агенцијата за супервизија на капитално пензиско осигурување ‒ МАПАС и Агенцијата за супервизија на осигурување.

Деновите на финансиската писменост ќе бидат организирани главно како едукативни предавања. Сите институции коишто учествуваат во годинешното издание, преку своите веб-страници и преку страниците на социјалните мрежи, ќе ги информираат граѓаните за активностите и за настаните што се планираат, известувајќи и за начинот на пријавување на секој заинтересиран граѓанин.

Финансиските регулаторни институции ги повикуваат граѓаните да ги следат информациите за планираните активности и активно да се вклучат во годинешното издание на Деновите на финансиската писменост. Целта на оваа акција е да се зајакне финансиската едукација, да се поттикне финансиската инклузија и да се зголемат свесноста и заштитата на потрошувачите на финансиски услуги.

Конкретно, Народната банка организира Јавен повик до јавноста за земање учество на повеќе едукативни активности. На првиот ден, Народната банка ќе ги отвори вратите за сите заинтересирани лица коишто ќе можат да се информираат за правата на потрошувачите на финансиските услуги. Вториот ден ќе бидат организирани три он-лајн предавања на три теми: „Во светот на финансиите - Финансиска едукација за средношколци“, „Заштитни елементи на македонските пари“ и „Платежна сметка со основни функции“. Во текот на третиот ден ќе биде организиран студентски час во просториите на Народната банка наменет за студентите од факултетите во земјата на следните три теми: „Монетарната политика на Народната банка“, „Улогата и значењето на статистичките податоци на Народната банка“ од страна на претставници на Народната банка и „Младите и финансиската едукација“ во соработка со Здружението Алпбах.

Во текот на годинава, финансиските регулаторни институции спроведоа голем дел од планираните активности во сферата на финансиската едукација и финансиската инклузија. За следниот период се очекува дополнително засилување на ваквите активности, имајќи го предвид спроведувањето на Националната стратегија за финансиска едукација и финансиска инклузија.

Народна банка

Регион

Ужас во Хрватска: Во двор се најдени закопани телата на две бебиња, родителите во притвор

Родителите на две бебиња, чии тела биле пронајдени закопани во дворот на семејна куќа во Љубље Калнички во близина на Вараждин, времето во притвор го минувале читајќи ја Библијата.

Родителите на две бебиња, чии тела биле пронајдени закопани во дворот на семејна куќа во Љубље Калнички во близина на Вараждин, времето во притвор го минувале читајќи ја Библијата, не зборувајќи и молејќи се, дознаваат од извори блиски до истрагата.

Таткото е од Сплит, роден 1982 година, мајката е од Загреб, а немаат исто презиме, дознава Јутарњи. Брачниот пар во четириесеттите години не е регистриран на подрачјето на општината каде што живее, а градоначалникот на Љубешчица, Ненад Хорватиќ, за Јутарњи вели дека „никогаш не ги видел ниту слушнал за нив во животот“.

Бидејќи тоа е област каде што сите луѓе се познаваат, барем од видување, очигледно е дека се работи за многу таинствени луѓе. Тие не го пријавиле раѓањето на двете деца, што укажува дека тие не се родени во болница.

„Сакам да им порачам на моите сограѓани дека нема место за паника, дека не се работи за сериски убиец, како што веќе беше кажано, туку се работи за индивидуален случај во кој се познати сторителите“, заклучува градоначалникот Хорватиќ.

Свет

Вонредна состојба во Јужна Кореја: Пред парламентот се судрија демонстрантите и војската(ВИДЕО)

Откако јужнокорејскиот претседател Џун Сук-Јол денеска прогласи вонредна состојба во земјата и ја обвини опозицијата за „антидржавни активности“, во Сеул настана хаос.

Претседателот ја обвини опозицијата дека „го контролира парламентот, сочувствува со Северна Кореја и ја парализира владата со антидржавни активности“.

Министерот за одбрана свика итен состанок на Советот за безбедност, а армијата е ставена во борбена готовност

Парламентот на Јужна Кореја веднаш потоа гласаше да го блокира потегот на претседателот Џун Сук-јеол за да прогласи вонредна состојба

Пред парламентот се судрија војници и демонстранти.

Снимките од јужнокорејските медиуми кои кружат на социјалните мрежи покажуваат дека инцидентот се случил пред парламентот. Според информациите, војниците кои во тој момент влегувале во собранието на Јужна Кореја се судриле со демонстрантите. Засега не се знае дали има повредени.

Ова е моментот кога војниците излегоа од јужнокорејскиот парламент.

Автомобилизам

Се заканува драстично поскапување на автомобилските гуми, поради новата уредба на ЕУ

Еколошките прописи на Европската Унија продолжуваат да влијаат на секојдневниот живот на граѓаните, а најновиот пример доаѓа од сферата на гумената индустрија.

Најновата регулатива, која има за цел да го спречи уништувањето на шумите во Азија, предвидува ограничувања на производството на производи поврзани со уништувањето на шумите, вклучително и гумата, клучната суровина за автомобилски гуми, објави Ауто Клуб.

Гуменото дрво, дрво чија млечна течност произведува незаменлив материјал за производство на гума, е особено загрозено од зголемената побарувачка и плантажите кои зафаќаат огромни површини во Југоисточна Азија. Сепак, новите правила на ЕУ бараат од сите производители геолокација на постоечките насади за да се спречи натамошното уништување на шумите. Трговците кои ќе ги прекршат правилата може да се соочат со парични казни до 4% од годишниот промет.

Иако целта е да се зачува прашумата, аналитичарите предупредуваат дека намалената достапност на гума и растот на побарувачката до 2030 година, која се проценува на 30%, драстично ќе ги зголеми цените на гумите на европскиот пазар.

Европската унија долго време води кампања за намалување на емисиите на CO2, што веќе резултира со зголемување на цените на новите автомобили за околу 20% во последните неколку години. Сега на ред е секторот за гума, кој дополнително ги оптоварува возачите. Се проценува дека веќе во текот на 2024 година, пред стапувањето во сила на регулативата, цените на гумите ќе се зголемат за најмалку 5%.

Иако регулативата стапува на сила на крајот на декември 2024 година, нејзината имплементација е одложена една година за да им се даде време на производителите да се прилагодат. Сепак, правилата ќе важат само во рамките на ЕУ, додека остатокот од светот, вклучувајќи ги Азија и Америка, ќе продолжат според старите стандарди.

Скептиците тврдат дека влијанието на регулативата врз зачувувањето на шумите ќе биде минимално, додека економскиот товар ќе падне на крајните корисници. Со оглед на тоа што големата побарувачка на гума останува непроменета, прашање е колку ваквите иницијативи навистина ќе придонесат за глобалната еколошка рамнотежа.

Додека европските возачи плаќаат сè поскапо гориво, автомобили и гуми, останува неизвесно дали високите еколошки стандарди на ЕУ навистина ќе доведат до конкретни резултати или само ќе ги зголемат трошоците за живот.

притисни ентер