Тенис

Надал ја допира Сабаленка, сите го коментираат однесувањето на Шпанецот (ВИДЕО)

Квалификациите за вториот грен слем годинава се на добар пат, а бурата се уште не стивнува по одлуката на Доминик Тием да не му се додели специјална покана за збогување, а тој веќе е елиминиран во второто коло од плеј-офот.

Додека дел од играчите бараат пат до главната ждрепка преку квалификациите, поради заштитениот пласман Рафаел Надал влезе во главната ждрепка и се подготвува за предизвиците кои го очекуваат во Париз. Освојувачот на четиринаесет пехари на Ролан Гарос вчера беше фотографиран на истиот терен на кој тренираше Арина Сабаленка, а дежурните твитерџии не пропуштија ниту еден детал.

Надал помина покрај Белорусинката, ѝ кажа нешто и ја насмеа, а потоа со прстот ја допре за грбот, на што Арина не ни реагираше, но имаше интересен одговор на еден од коментарите.

„Благословен да победиш“, гласи една објава на мрежата Х, на која Сабаленка само накратко напиша:

- Хахахаха да видиме - со емотикони со насмевка и вкрстени прсти.

Имаше многу различни коментари како „Рафа е срамежлив тип“ или „Допрен од раката Божја“ за некои не толку учтиви.

Белорусинката го освои својот втор Грен слем трофеј оваа година, повторно во Австралија. На Ролан Гарос никогаш не „отиде“ подалеку од полуфиналето, каде лани беше поразена од Каролина Мухова.

Свет

Роб Бауер: Сојузниците на НАТО ќе треба да инвестираат близу три отсто од својот БДП во одбрана

Сојузниците на НАТО во иднина ќе треба да одвојуваат средства за своите армии во висина од близу три проценти од бруто домашниот производ (БДП), за да ги спроведат новите одбранбени планови на Алијансата, изјави денеска претседавачот на Воениот к

Сојузниците на НАТО во иднина ќе треба да одвојуваат средства за своите армии во висина од близу три проценти од бруто домашниот производ (БДП), за да ги спроведат новите одбранбени планови на Алијансата, изјави денеска претседавачот на Воениот комитет на НАТО, Роб Бауер.

Со тоа трошоците би ги надминале сегашните два отсто од БДП вложувања во армиите на земјите-членки, што беше поставено како актуелна цел на НАТО.

Бауер во Брисел истакна дека вкупниот процент од одвојувањето за одбрана, кој е неопходен за да се направат новите планови остварливи, е многу поблиску до издвијувањето на три отсто од БДП отколку два отсто./МИА

Свет

Израелската влада забрани рекламирање во Хаарец, весникот познат по критиките

Владата на Израел денеска им нареди на сите јавни институции да престанат да се рекламираат во весникот Хаарец, познат по критиките за израелските акции на палестинските територии.

Министерот за комуникации Шломо Кархи рече дека владата го одобрила неговиот предлог откако издавачот Хаарец повика на санкции против Израел и ги нарече палестинските екстремисти како „борци за слобода“.

„Ние се залагаме за слободата на печатот и изразувањето, но и слободата на владата да одлучи да не финансира подбуцнување против државата Израел“, објави Кархи на платформата X.

Ноа Ландау, заменик уредник на Хаарец, го обвини израелскиот премиер Бенјамин Нетанјаху дека „работи на замолчување на независните и критички медиуми“, споредувајќи го со автократски лидери во други земји.

Хаарец редовно објавува колумни во кои ја критикува полувековната окупација на земјата од страна на Израел на која Палестинците сакаат да основаат независна држава.

Весникот исто така го критикуваше водењето на војната во Газа во време кога повеќето локални медиуми ја поддржуваа војната и претежно ги игнорираа страдањата на палестинските цивили. /МИА

Свет

Хјуман рајтс воч: Убиството на тројца новинари во израелски напад во Либан е воено злосторство

Меѓународната организација за човекови права Хјуман рајтс воч (ХРВ) денеска оцени дека израелскиот напад во Либан во октомври, во кој беа убиени тројца новинари, најверојатно е намерен напад врз цивили и очигледно воено злосторство.

Тројца новинари загинаа, а неколку беа ранети додека спиеле во гостилница во јужен Либан. Тоа беше еден од најсмртоносните напади врз медиумите од почетокот на конфликтот меѓу Израел и Хезболах пред 13 месеци.

Оттогаш, уште 11 новинари се убиени, а осум се ранети, изјави либанскиот министер за здравство Фирас Абијад.

ХРВ заклучи дека израелските сили користеле бомба од американско производство со систем за наведување JDAM во нападот на 25 октомври.

ХРВ оцени дека американската влада треба да ја прекине испораката на оружје за Израел поради повторените „незаконски напади врз цивили, во кои американски официјални лица би можеле да бидат соучесници во воени злосторства“.

Израелската војска веднаш не го коментираше извештајот.

ХРВ пронашла остатоци од бомбата на местото на нападот и прегледала фотографии од деловите собрани од сопственикот на гостинската куќа и заклучила дека тие одговараат на комплетот за наведување бомби JDAM кои ги составува и продава американската компанија Боинг./МИА

притисни ентер