Македонија

Митрополит г. Петар: Денес се роди оној што ја носи љубовта и мирот

Денес се роди оној кој ја носи љубовта во својата суштина, и мирот во своето битие, се роди Христос нашиот Бог и спасител, истакна митрополитот преспанско-пелагониски и администратор австралиско-новозеландски г. Петар.

На утринската архиерејска Божествена Литургија што се одржа во храмот Свети Великомаченик Димитриј во Битола, митрополитот г. Петар посочи дека Христовото раѓање во скромната Витлеемска пештера е доказ за неограничената Божја љубов кон човечкиот род.

-Светот, кој постојано потонува во неслога и војни, денес е повикан да се сети дека љубовта е неговото вистинско постоење. Вашите мисли нека бидат како благопријатен темјан, вашите зборови како злато, а вашите дела како миро принесено на оној што ни донесе живот вечен. Да ја славиме Божиќната радост не само во деновите на празникот, туку и во секој миг од нашиот живот, порача митрополитот г. Петар.

Пред верниците во Битола меѓу кои беше и градоначалникот Тони Коњановски, митрополитот г. Петар нагласи дека денешниот настан е еден од најголемите чудеса на Божјата љубов, Бог, кој го создаде светот.

-Христос не доаѓа да владее, туку да служи, не доаѓа да се издигне, туку да се понижи. Таа Божја љубов, не се открива во величината на неговото божество, туку во понизноста и болката на неговото човечко постоење, истакна утрово во храмот Свети Велиомаченик Димитриј, митрополитот преспанско-пелагониски и администратор австралиско-новозеландски г. Петар. /МИА

Македонија

Видео: Сашо Мијалков снимен во Монте-Карло со луксузен автомобил вреден над 600.000 долари

Сашо Мијалков, поранешен директор на УБК и осуденик е снимен во Монако со луксузен автомобил „Ферари“, пред скап хотел.

Според објавувачот, снимката, е направена во Монте-Карло и истата е објавена пред 14 часа.

Според податоците достапни на интернет, автомобилот „Ферари“ со кој е забележан Мијалков, може да чини од 629,990 до 709,900 долари.

На видеото може да се забележи како тој пристугнува, го остава возилото на паркирање и со женска личност влегува во хотелот.

Мијалков беше гонет, но многу дела му застареа, додека граѓаните чекаа правда. Тој доби 24 години затвор и тоа: три години за „Империја“, 12 години за прислушувањето односно „Таргет-Тврдина“, осум години за „Трезор“, 1,3 месеци затвор за „Плацови на Водно“. Од сите, ја одлежа само таа за „Империја“ и тоа во затворот во Струга, каде можеше по цели денови да биде надвор и да работи, а навечер да се враќа.

Извор: Скопје 1

Фудбал

Артета: Топката во Лига купот е многу различна од топката во Премиер лигата

Тренерот на Арсенал, Микел Артета, по синоќешниот пораз од Њукасл (0:2) во првиот натпревар од 1/2 финалето на англискиот Лига куп, истакна дека во Премиер лигата тимовите играат со топки од различен производител.

- Едноставно е различно, многу различно од топката во Премиер лигата и треба да се прилагодите на неа бидејќи се движи поинаку. Кога ќе ја допрете, стисокот е исто така многу различен, така што треба да се навикнете, изјави Артета.

Реваншот ќе се одигра во Њукасл на 5 февруари.

Во другата полуфинална пресметка ќе се соочат Тотенхем – Ливерпул./МИА

Свет

Повторно издаден налог за апсење на претседателот на Јужна Кореја

Судот во Сеул синоќа повторно издаде налог за апсење на претседателот на Јужна Кореја, Јун Сук-јол, кој е обвинет за бунт и беше изгласано негово отповикување. Демонстрантите и поддржувачите на Јун и денеска се пред претседателската палата.

Претседателската безбедносна служба минатата недела постави бодликава жица и барикади пред претседателската палата, блокирајќи го пристапот до Јун, кој одбива да се појави на распит.

Јун е под истрага за бунт поради неговото прогласување воена состојба на 3 декември, што ја шокираше Јужна Кореја и доведе до првиот налог за апсење на актуелен претседател. Против Јун се води уште еден судски процес пред Уставниот суд откако на 14 декември му беше изгласан отповик поради прогласувањето воена состојба.

Директорор на Канцеларијата за истраги за корупција на високо ниво О Донг-вон синоќа се извини за неуспешнит обид за апсење на Јун на 3 јануари. Тој ја прекин акцијата за апсење на Јун откако човечки синџир од стотици членови на претседателското обезбедување и припадници на армијата спречија да влезе во претседателската палата.

Се што е можно ќе направиме за да ја постигнеме нашата цел и овојпат ќе се подготвиме темелно и со голема решителност, така што вториот обид за извршување на наредбата да биде последен, наведе О пред парламентарната комисија.

Но, не е познато колку време ќе биде потребно да се изврши новиот налог за апсење на Јун. /МИА

притисни ентер