Македонија

Министерот Трипуновски потпиша договор со Факултетот за ветеринарна медицина – Скопје

Министерот Трипуновски потпиша договор со Факултетот за ветеринарна медицина – Скопје за користење на финансиска поддршка од околу 13.500.000 денари.

Министерот за земјоделство, шумарство и водостопанство, Цветан Трипуновски со деканот на Факултетот за ветеринарна медицина – Скопје, проф. д-р Деан Јанкулоски потпиша Договор за користење на финансиска поддршка за инвестиции за подобрување на генетскиот потенцијал на млечни крави во земјава преку употреба на сексирано семе и ембрио-трансферот во износ од 13.500.000 денари.

Финансиската поддршка, како што информираат од МЗШВ, се доделува во висина од 100% од вредноста на инвестицијата, но не повеќе од 13.500.000 денари со вклучен ДДВ.

Истата се доделува согласно дел II став (2) мерка „Техничка поддршка во земјоделството и руралниот развој“ точка 1.8 „Други трошоци и инвестициони вложувања за воспоставување и спроведување на мерките за финансиска поддршка во земјоделството и руралниот развој“ подточка 1.8.7 „Инвестиции за подобрување на генетскиот потенцијал на млечни крави во државата преку употреба на сексирано семе и ембрио-трансферот“ од Програмата за финансиска поддршка на руралниот развој за 2024 година.

Соработката помеѓу Министерството и Факултетот за ветеринарна медицина – Скопје, се вели во соопштението, ќе продолжи затоа што преку нивната работа се поттикнува технолошкиот развој во говедарството како сточарска гранка и ветеринарството.

Покрај грижата за здравјето на животните, Факултетот игра значителна улога и во јавното здравство и тоа преку обезбедување здрава и квалитетна храна од анимално потекло.

Скијање

Видео: Одермат најбрз на велеслаломот во Алта Бадија

Најдобриот скијач на денешницата, Швајцарецот Марко Одермат триумфираше на денешниот велеслалом од Светскиот куп во алпско скијање во Алта Бадија.

Второто место го освои младиот Французин Тео Ангуено со 85 стотинки заостанување, а место на победничкиот пиедестал имаше и за третопласираниот Норвежанецот Александар Стин Олсен, кој заостана 88 стотинки зад победникот.

Водечката позиција во поредокот во велеслалом ја презеде Одермат со 200 бодови, а Швајцарецот води и во генералниот пласман со 540 бодови.

Свет

Зеленски: Членството на Украина во НАТО е остварливо

 Членството на Украина во НАТО е остварливо; САД во наредните денови ќе објават последен пакет помош за Киев.

Членството на Украина во НАТО е „остварливо“, но Киев ќе мора да се бори за да ги убеди сојузниците да го остварат тоа, изјави украинскиот претседател Володимир Зеленски.

„Сите разбираме дека поканата на Украина да стане членка на НАТО може да биде само политичка одлука. Членството е остварливо, но само ако се бориме за тоа на сите неопходни нивоа“, рече Зеленски денеска за време на дипломатскиот собир во Киев.

Зеленски минатата недела ги повика европските земји да обезбедат гаранции за заштита на Украина по завршувањето на војната со Русија и рече дека на Украина на крајот ќе и треба поголема заштита преку членството во алијансата.Тој нагласи дека сојузниците треба да знаат што може да донесе Киев во НАТО, како и како неговото членство во алијансата ќе ги стабилизира глобалните односи.

Администрацијата на Бајден во наредните денови ќе го објави својот последен пакет безбедносна помош за Украина, искористувајќи ги преостанатите средства одвоени за купување ново оружје за Украина, јавија американски медиуми повикувајќи се на извори.

Пакетот ќе вклучува пресретнувачи за ПВО и артилериска муниција, но точната содржина се очекува кога пакетот ќе биде објавен во наредните денови. Пакетот ќе биде вреден околу 1,2 милијарди долари, велат изворите.

Според УСАИ, воената опрема се набавува од одбранбената индустрија или партнери, наместо да се црпи од американски залихи, што значи дека може да бидат потребни месеци или години за да пристигне на бојното поле.

Пакетот на УСАИ би можел да биде меѓу последните чекори што САД ги преземаат за да обезбедат директна воена поддршка за Украина додека Киев се подготвува за враќање на новоизбраниот претседател Доналд Трамп, кој јавно ја доведе во прашање воената помош и вети дека ќе стави крај на војната во Украина во рок од 24 часа откако ќе ја преземе функцијата на 20 јануари.

Од инвазијата на Русија врз нивниот сосед во февруари 2022 година, САД издвоија 175 милијарди долари помош за Украина, вклучувајќи приближно 61,4 милијарди долари за безбедност помош.

Околу половина од таа безбедносна помош дојде преку програмата на УСАИ.

Забава

Словенечкиот јавен сервис бара забрана за учество на Израел на Евровизија поради војната

 Словенечкиот јавен сервис - Радио телевизија на Словенија - побара на Израел да му се забрани учество на Евровизија во 2025 година поради војната во Појасот Газа.

Раководството на РТВ Словенија минатата недела гласаше да побара од Европската радиодифузна унија (ЕБУ) да му забрани на Израел да учествува на натпреварот следната година во Швајцарија, објави денеска Тајмс оф Израел.

Истовремено, не беше прифатен предлогот Словенија да се повлече од тоа натпреварување, доколку се дозволи учество на Израел, ниту пак Словенија да игнорира евентуален израелски настап.

ЕБУ посочи дека нема да ги исполни барањата за забрана на учество на Израел следната година.

Оваа недела, сепак, имаше предупредувања дека затворањето или приватизацијата на израелскиот јавен радиодифузен сервис Кан може да го загрози неговото идно учество на натпреварот.

притисни ентер