Македонија

Мицкоски на вечера во Белата куќа приредена од претседателот Бајден

Присуствував на вечерата во Белата куќа која ја организираше претседателот на САД, Џо Бајден за шефови на влади и држави по повод 75 годишнината од НАТО.

Премиерот Христијан Мицкоски која ја предводи владината делегација во Вашингтон на НАТО Самитот по повод 75 години од формирање на Алијансата, вчера присуствуваше на вечерата во Белата куќа организирана од американскиот претседател Џо Бајден за шефовите на држави и влади учесници на Самитот.

-Присуствував на вечерата во Белата куќа која ја организираше претседателот на САД, Џо Бајден за шефови на влади и држави по повод 75 годишнината од НАТО. Оваа можност ја искористив да лобирам за Македонија и да испратам порака дека регионот наместо со минато потребно е да се занимава и гради иднина. Потребен е нов пристап и политика на аргументи, напиша Мицкоски на неговиот Фејсбук профил.

Мицкоски на социјалните мрежи објави дека на маргините на НАТО Самитот имал динамичен ден со многу средби при што разговарал со црногорскиот премиер, хрватскиот претседател, унгарскиот премиер, Милојко Спајиќ, Зоран Милановиќ и Виктор Орбан, а ги издвои и состаноците и средбите со италијанската премиерка Џорџа Мелони, со шпанскиот премиер Педро Санчез, како и со соседите, бугарскиот и албанскиот премиер, Димитар Главчев и Еди Рама. Во разговорите втората порака која ја испратил е дека помина времето на корумпирани политичари кои што доаѓаат од земјава и дека мораме да зборуваме како вистински партнери, како соседи, бидејќи партнерството и добрососедството е двонасочна улица.

На средбата со Главчев било констатирано дека треба да се релаксираат односите, при што, како што наведува во објавата на Фејсбук, Мицкоски посочил дека треба да се гледа на иднината и да се користат можностите за соработка.

-Темите од минатото и отворањето на нови препреки нема да ги зближат двата народи и дека треба да се направат напори и чекори кои ќе влеат доверба меѓу државите како во периодот пред ветото и отпочнувањето на политиката на опструкции, наведува Мицкоски.

[Премиерот Христијан Мицкоски на Фејсбук објабви дека на маргините на официјалната фотосесија на лидерите на влади и шефови на држави на НАТО самитот во Вашингтон остварил кус разговор со прем]

За разговорот со Мицоски се огласи и Главчев, кој посочи станало збор за потребата од нормализација на меѓусебните односи и за нивно враќање на нивото од 2017 година кога беше потпишан Договорот за добрососедство.

Според него, кога соработката ќе биде на задоволително ниво треба да почне да се развива и поврзувањето во сите аспекти, како во транспортот, економијата...

- Но, треба да се исполнат и обврските кои што се преземени. Тука не говорам само за Северна Македонија, туку и за сите земји од Западниот Балкан. Гледате дека не ги делиме. Нашата позиција е и европската позиција дека сите држави кандидати за членство во ЕУ треба да ги исполнат барањата што им се поставени, додаде Главчев.

Во фокусот на средбата со Рама бил на развојот на регионот и градењето добри односи низ рамноправен дијалог.

-Остварив средба со премиерот на Албанија, Еди Рама. Регионот може да се развива само доколку забрзано се работи за иднината и просперитетот на сите граѓани. Да се фокусираме околу точките кои не обединуваат и се основа за развој и градење на добри односи. Време е да се отпочне ново време на рамноправен дијалог и искрени пријателства, порачал Мицкоски.

Тој и со порака дека ќе дадат се од себе да го повратат загубеното достоинство.

-Уште еднаш би сакал да ви посакам едно големо Македонијо ве сакаме и бидете горди бидејќи навистина даваме се од себе да го повратиме она изгубено достоинство кое што изминатите седум години, за жал го немавме, не се само овде во Вашингтон, туку насекаде во Светот бидејќи не претставуваа политичари, кои за среќа на граѓаните се сега веќе минато.

Во видео обраќањето од Вашингтон Мицкоски вели дека долго време регионот и Македонија како држава биле заложници на минатото.

-Потребно е да се фокусираме на иднината и она кое што следи со иднината. Да ја направиме Македонија повторно горда, но и да го направиме Балканот повторно горд. Да бидеме добри соседи, да се разбираме и да соработуваме. Тоа е она кое што го очекуваат граѓаните од нас, и тоа е она на кое што јас како претседател на Владата ќе бидам фокусиран во годините кои што следат, изјави Мицкоски.

Тој информираше дека македонската делегација поминала еден навистина динамичен ден, исполнет со многу состаноци и средби кои што ги ималее на маргините на НАТО Самитот. Денеска разговаравме со црногорскиот премиер, зборувавме со хрватскиот претседател, унгарскиот премиер, нормално тука би ги издвои и состаноците и средбите со италијанската премиерка Мелони, со шпанскиот премиер Санчез кој што беше заедно со мене, би рекол до мене на вечерата која што ја организираше претседателот на САД Бајден, неговата сопруга Џил Бајден, рече Мицкоски.

Живот

Аеродром на Нов Зеланд воведе чудно правило- забрането е гушкање подолго од три минути

Аеродромот Данедин (ДУД) во Нов Зеланд предизвика дебата ширум светот со објавување на нов знак кој го ограничува гушкањето во полето за поаѓање.

Додека едни ја критикуваат одлуката на аеродромот, други сметаат дека мерките се оправдани и праведни за сите патници.

Оние што ќе ги пречекаат најблиските на аеродромот Данедин во Нов Зеланд ќе мора да се прегрнат и да се збогуваат исклучително брзо откако се воведени новите правила во областа на поаѓања. На новата табла поставена пред зградата на терминалот пишува „Максималното време за гушкање е три минути. За поискрено збогум, искористете го паркингот“.

Иако пораката звучи „ладно“ и очигледно не ги зема предвид емоциите на патниците и нивните најблиски, аеродромот има објаснување за новововедените мерки.

Директорот на аеродромот Ден Де Боно изјави за Радио Нов Зеланд (RNZ) дека во минатото, многу луѓе долго се задржувале пред терминалот и дека немало место за сите што требало да излезат од своите автомобили и да влезат на аеродромот. Воведени се нови мерки за да им се овозможи на сите да се збогуваат со пријателите и семејството пред да се качат на нивниот лет.

Според него, Данедин не сакал да воведе порестриктивни политики како казни како другите аеродроми. Тој рече дека нема да има „специјална полициска единица за гушкање“ која ќе го спроведува правилото, но персоналот може учтиво да ги замоли оние што се задржуваат подолго да ги преместат своите возила на паркингот, пишува „Гардијан“.

Одлуката на аеродромот предизвика различни реакции на социјалните мрежи. Некои ги критикуваат мерките како „нехумани“, додека други се согласуваат дека треба да има временско ограничување за да им се дозволи на сите да се збогуваат со пријателите и семејството.

Македонија

Силјановска-Давкова помилува член на кланот „Барон“, поранешен градоначалник, вмешан во „Шпион“

Претседателката на Македонија, Годрана Силјановска – Давкова на 21 октомври 2024 донела одлука за  помилување на 10 осудени лица.

Извршувањето на изречената казна им се заменува со условна осуда за време од 3 години, на осудените лица: Акиф Равмановски од с. Арачиново, во траење од 1 година и 3 месеци; Никола Трпчески од Охрид, во траење од 1 година и Шенол Маслани од Арачиново, во траење од 6 месеци.

Акиф Рвамановски е всушност член на наркокланот „Барон“, а Шенол Маслани е брат на познатиот Шенки, кој од глава до пети бил облечен во „версаче“. Шенол Маслани во 2019 година беше уапсен во голема полициска акција кога полицијата заплени пушки, пиштоли, луксузни автомобили, пари и дрога.

Со истата одлука за помилување, делумно се ослободуваат од понатамошно извршување на неиздржаниот дел од казната затвор осудените лица: Мухарем Али од Скопје, во траење од 2 месеца; Тодор Попов од с. Миравци во траење од 3 месеци; Томислав Симеонов, од Скопје, во траење од 3 месеци; Перо Кузмановски од Градско, во траење од 3 месеци; Живко Делиџаков од с. Богородица, во траење од 3 месеци; Владимир Талески од Битола (поранешен градоначалник на Битола), во траење од 1 година; и Марјан Ефремов од Скопје, во траење од 3 месеци.

Владимир Талески беше во затвор по пресуда за случајот „Транспортер“ и требаше да одлежи уште една година. Комисијата, по барање на Талевски и неговите адвокати, го уважила нивното барање во делот на намалување на казната и целосно ослободување и прифатиле делумно намалување на остатокот од затворската казна.

Талевски по вторпат е помилуван од претседател на државата. Во 2016 година, претседателот Иванов колективно потпиша аболиција на 56 лица, главно политичари и функционери меѓу кои беше и тогашниот градоначалник на Битола. Талевски се сомничеше за финансиски злоупотреби за превоз на ученици од тогашното СЈО, за што беше формиран и предмеот „Транспортер“.

По измените на законот за аболиција, тој сам побара да се повлече одлуката за негова аболиција. Во меѓувреме поднесе претставка до Европскиот суд за човекови права во Стразбур, а судот ги отфрли наводите на Талевски во насока да се исцрпат сите правни средства во Македонија.

Марјан Ефремов е првоосомничениот во аферата „Шпион“. Во истрагата за случајот „Шпион“, полицијата утврди дека тој бил вработен во Агенцијата за разунавање, но во 2009 година откако добил отказ формирал злосторничка група во која влегле поранешни или тогаш сè уште активни вработени во УБК, Јавна безбедност, Агенцијата за разузнавање, Воената полиција, Државниот архив и сопственици на медиуми… При претресот во неговиот дом биле пронајдени поголеми количини оружје, експолозив и најобемна документација со класифицирани информации од случајот „Шпион“.

Во составот на Комисијата која одлучува, односно ѝ препорачува на претседателката лица кои треба да бидат помилувани се: проф. д-р Методија Каневчев, како претседател на комисијата, додека за членови се именувани – проф. д-р Гордан Калајџиев, проф. д-р Арлинда Кадри Шахиновиќ, д-р Зора Митиќ, м-р Ана Ѓорѓиева Ивановска и Ајтен Шаќири, објави МКД.МК.

Свет

Дали лидерот на Хамас, Јахја Синвар пред убиството наредил ликвидација на заложниците?

Лидерот на Хамас, Јахја Синвар можеби наредил ликвидација на сите преживеани израелски заложници во случај на негова смрт, предупреди висок израелски функционер вклучен во преговорите со палестинските терористи.

Синвар беше ликвидиран минатата среда, кога израелските одбранбени сили (ИДФ) случајно го открија во Појасот Газа, објави „Дејлимејл“.

Сега Гершон Баскин, израелскиот преговарач кој го надгледуваше ослободувањето на Синвар од израелскиот затвор во 2011 година, заедно со уште 1.026 палестински затвореници во замена за ослободувањето на киднапираниот израелски војник Гилад Шилат, вели дека неговата смрт е „или можност за ослободување на заложниците или момент на очај.“

„Смртта на Синвар е момент на пропаст бидејќи има гласини дека тој им наредил на луѓето што ги криеле киднапираните заложници да ги ликвидираат во случај да биде убиен“, рече Баскин.

Се верува дека околу сто израелски заложници сè уште биле во Појасот Газа во моментот кога бил убиен Синвар. Околу 60 од нив се уште се живи.

„Оние кои преживеаја се изложени на ризик никогаш да не бидат вратени во нивните семејства“, пренесува Хаарец, кој во неделата објави дека високи американски претставници, вклучително и државниот секретар Ентони Блинкен, оцениле дека има „мали шанси да се постигне договор“, со оглед на тензиите меѓу Израел и Хамас.

Ова го потврдил и висок израелски функционер, неколку дена по смртта на Синвар:

„Во моментов нема сериозни преговори за примирје, а Блинкен е целосно свесен за тоа. Нејасно е како смртта на Синвар ќе влијае на какви било потенцијални преговори, доколку ги има во овој момент.“

Гершон Баскин, исто така, наведува дека не е можно да се потврди дали Синвар дал наредба да се убијат заложниците, но дека гласините треба да се сфатат сериозно, со оглед на тоа колку Хамас се чини дека не е загрижен за нив.

Како пример, тој го наведе ужасното убиство на шест заложници во тунелите под Рафа, што се случило на крајот на август.

Портпаролот на израелската војска контраадмирал Даниел Хагари рече дека шесте заложници биле „сурово убиени од Хамас, непосредно пред израелските војници да стигнат до нив“.

Тие се идентификувани како Еден Јерушалми (24), Кармел Гат (39), Алмог Саруси (26), Алекс Лубнов (26), Ори Данино (25) и Херш Голдберг-Полин (23). Петмина од нив биле киднапирани на музичкиот фестивал „Нова“, додека Кармел Гат била киднапирана од куќата во кибуцот каде што живеела.

Херш Голдберг-Полин ја загубил раката во експлозија на граната за време на масакрот на музичкиот фестивал.

„Видовме шест убиени заложници кога ИДФ влегуваше во тунелот. Таква може да биде ситуацијата сега. Едноставно не знаеме“, рече Баскин.

Тој рече дека враќањето на заложниците зависи исклучиво од тоа дали Израел може да постигне договор со Хамас.

„Тоа е погоден момент во кој Израел треба да издаде многу јасна порака дека секој што ќе држи заложници и ќе ги ослободи ќе добие бесплатен премин за себе и за нивните семејства од Газа во друга земја, како и многу пари“, рече тој и продолжува:

„За да ги охрабри да го сторат тоа, Израел треба да допре до Египет и Катар и да им каже брзо да ги продолжат преговорите, не за договор за кој се преговара речиси четири месеци без успех, туку за договор што ќе донесе побрзо враќање на заложниците и што очигледно би барало Израел да ја прекине војната“.

Тој рече дека договорот најверојатно ќе значи ослободување на палестинските затвореници, што е точка на спор за многу Израелци, кои веруваат дека нивното ослободување едноставно ќе доведе до друг напад во иднина, сличен на оној на 7 октомври.

Но, Баскин рече дека е грешка да се размислува на тој начин:

„Нападот на 7 октомври не беше поради Синвар. Тоа беше затоа што окупиравме народ веќе 56 години, не дозволувајќи им да веруваат дека некогаш ќе бидат ослободени, или затворавме два милиони луѓе во Газа во сиромаштија и им кажувавме дека тие никогаш нема да бидат слободни да ја напуштат Газа“.

Тој рече дека се надева оти смртоносниот напад на крајот ќе ги принуди Израелците „да се соочат со заблудата да ја засноваат својата политика кон Палестинците на воена сила“.

„За Палестинците, лекцијата што треба да ја научат е дека мора да се откажат од вооружената борба како дел од нивната стратегија за ослободување. Правилно или погрешно, вооружената борба првенствено носи смрт и уништување. Секој човек што живее меѓу реката и морето мора да ги има истите права како и сите други, врз основа на тој принцип, можеме да напредуваме со слобода, самоопределување, безбедност и достоинство за секого“, заклучува Баскин.

притисни ентер