Мицкоски: Иднината на регионот е економската соработка и инвестициите

Балканот помина тежок период на предизвици кои покажаа дека единствено соработката носи подобар живот, опструкциите треба да останат во минатото и од нив да се извлечат поуки.

Балканот помина тежок период на предизвици кои покажаа дека единствено соработката носи подобар живот, опструкциите треба да останат во минатото и од нив да се извлечат поуки, посочил премиерот Христијан Мицкоски на средба со американски сенатори и претседателите на Албанија и Црна Гора, Еди Рама и Милојко Спајиќ. На третиот ден од постета на САД од владата информираат дека македонскиот владин тим одржал низа состаноци на маргините на самитот во Вашингтон кадешто разговарале и за важноста на економската соработка и борбата со корупцијата.

„ Блокадите, кочењето и опструкциите треба да бидат реликвија на едно минато време од кое регионот треба да извлече поуки како се заглавува во неразумни спорови и се создаваат стереотипи и раздор меѓу граѓаните. Секоја иницијатива која е за поголема соработка на регионот и која може да донесе подобар живот е добредојдена. “-Христијан Мицкоски - премиер на Македонија.

Покрај владината, на НАТО самитот е и собраниската делегација предводена од спикерот Африм Гаши. Во изјава за Гласот на Америка околу спроведувањето на Преспанскиот договор рече дека со самата заклетва на премиерот и министрите со придавката „северна“ тоа прашање било затворено. Уставните измени пак Гаши смета дека се обврска која треба да се оствари, но како што вели, тогаш кога ќе дојде време.

„Нема некоја промена на ставот на нашите партнери. САД остануваат наш силен стратешки партнер. Наша обврска и наш предизвик е да ги оствариме тие уставни измени, но нормално кога ќе дојде време. И, тоа под услови под кој ќе се загарантира идентитетот, културниот, етничкиот и јазичен идентитет на Македонците првенствено, но и на сите граѓани на државата“.-Африм Гаши – претседател на Собрание.

Се уште останува неизвесно дали Вашингтон ќе биде локацијата кадешто премиерите Мицкоски и Мицотакис за првпат ќе ги соочат аргументите на директна средба. Засега од двете влади велат дека на нивните агенди нема таков план, но не ја исклучуваат можноста тоа да се случи на маргините деновиве додека трае самитот.

Вонредни контроли во Дојран, Охрид, Струга и Преспа, уништени 8,7 тони небезбедна храна

Со контролите се проверуваше имплементацијата на добра производствена и хигиенска пракса (ДПП/ДХП) базирана на НАССР принципите, инфраструктурните услови во објектите, а се спроведуваа и контроли на активностите согласно регистрацијата.

Инспекциски тимови на Агенцијата за храна и ветеринарство (АХВ) во периодот од 16 до 19 јули спроведоа вонредни засилени контроли во објекти и оператори со храна (хотели, ресторани, времени - кетеринг објекти, месарници и маркети) во туристичките центри Дојран, Охрид, Струга и Преспа со кои беа опфатени 112 објекти. При тоа беа изречени 54 глоби на 54 оператори со храна, од кои на осум им беше изречена забрана за работа до отстранување на констатираните недоследности.

-Со контролите се проверуваше имплементацијата на добра производствена и хигиенска пракса (ДПП/ДХП) базирана на НАССР принципите, инфраструктурните услови во објектите, а се спроведуваа и контроли на активностите согласно регистрацијата на операторите со храна. Во услови на високи надворешни температури, акцент со контролите беше ставен на условите на чување и складирање на производите и роковите на употребливост на храната, соопшти АХВ.

Со контролите, се посочува во соопштението, беше утврдено неисполнување на општите и посебните хигиенски барања во сите фази на производство ,преработка и дистрибуција на храна, неимплементирање на сите процедури на ДПП/ДХП базирани на НАССР принципите, храна со поминат рок на употреба, промет на храна без декларација и означување согласно Законот за безбедност на храна и подзаконските акти според кои ваквите производи се прогласуваат за небезбедни за човечка употреба и нештетно се уништуваат.

-Од страна на инспекторите за храна и официјалните ветеринари констатирана беше и работа на објекти - оператори со храна кои не се регистрирани или одобрени за работа од страна на АХВ, поради што беа изречени мерки забрана за работа, а затекнатите производи беа забранети за промет и нештетно уништени. Утврдени беа и лоши инфраструктурни и хигиенски услови во кујните, производствените простории, за што некои оператори добија времена мерка забрана за работа, се наведува во соопштението.

Како што нагласуваат од АХВ, од промет беа отстранети 8.700 килограми небезбедна храна која беше нештетно уништена.

Од АХВ најавуваат дека и во наредниов период ќе продолжат со спроведување на вонредни контроли и во другите туристички центри, а поради високите температури, како што велат, на сила останува мерката за засилени контроли кај операторите со храна на целата територија на земјава.

Фото: Севе во секси бикини

Мегапопуларната пејачка Северина  повторно ги воодушеви и израдува фановите на социјалните мрежи со свои фотографии и видеа.

Атрактивната Севе овој пат воодушеви со фотки во бикини.

Хрватската музичка ѕвезда објави фотки на кои таа позира во секси бикини на островот Врник.

Севе изгледа совршено во интересниот бел костим за капење во кој ја покажа нејзината импресивна фигура.

Пејачката носи голема капа на главата, а на нозете има скапи сандали од брендот Гучи.

-Шеширот го штити телото...“, напиша пејачката во описот на објавата.

Пет лица убиени во дом за стари лица во Дарувар, Хрватска

Пет лица загинаа во дом за стари и изнемоштени лица во Дарувар, 130 километри југоисточно од Загреб, јавија хрватските медиуми.

Според нив, маж влегол во домот за стари и изнемоштени лица и почнал да пука во луѓето. Пет лица загинаа на лице место, а на некои се уште им се укажува лекарска помош.

Напаѓачот потоа побегнал, но полицијата набрзо го уапсила во близина на кафуле во градот. Низ градот одекнуваат сирени на служби за итна медицинска помош.

притисни ентер