Путин вчера изјави дека Русија изврши ракетен напад со нов проектил со среден дострел врз украинска воена локација како одговор на украинските напади во изминатите денови со западно оружје со голем дострел. Тој истакна дека Москва „има право“ да ги нападне западните земји кои го снабдувале Киев со оружје против цели во Русија.

Портпаролот на НАТО, Фарах Дахлалах изјави дека тоа нема да го промени текот на конфликтот или да ги одврати сојузниците на НАТО да ја поддржат Украина.

Додека претседателот на Украина, Володимир Зеленски наведе дека нападот врз Дњепар е „уште еден доказ дека не е заинтересирана за мир.

Русија треба да биде принудена на вистински мир, кој може да се постигне само со сила, посочи Зеленски.

Неименувани дипломати денеска најавија дека претставници на НАТО и на Украина следната недела во Брисел ќе разговараат за руското лансирање на експериментална хиперсонична ракета со среден дострел.

Просечниот годишен раст на јавниод долг во период од 2008 до 2024 година изнесува 7% или 66,4 % од БДП, со можен ризик да достигне и 70% поради доспеани обврски - покажува последната анализа на институтот за економски истражувања и политики Фајненс Тинк. Со ова се надминуваат фискалните правила за обезбедување на финансиска стабилност воведени со Законот за буџети од 2022, кои дефицитот го ограничуваат на 3%, а јавниот долг на 60% од БДП. Анализата покажала дека експанзивно се трошело дури и додека економијата била во лоша состојба, буџетскиот дефицит останал висок и не се штедело во периоди кога економијата закрепнувала.

- Идентификувавме дека во целиот анализиан период фискалната политика била експанзивна, дополнително истата била проциклична односно кога на економијата и одела добро наместо штедење, напротив имало поголемо креирање на повисоки дефицити. Една од клучните препораки е кога економијата е во подем да генерираме бафери и да штедиме повеќе за истите да ги трошиме во периоди кога на економијата ќе и оди лошо. - Благица Петсески – фајненс тинк

Според министерката за финансии Гордана-Димитривска Кочоска надминувањето на дадениот лимит од 3% не е страшен, бидејки како што кажа Македонија била земја во развој. Проблемот вели не е тоа што било потрошено повеќе, туку дека се трошело за непотребни проекти, а според неа еден од нив бил проектот Скопје 2014. Според неа сериозен проблем било и тоа што во дел од институциите немало разбирање за финансиите, за што била формирана Академија за финансиска политика..

- Последните пресметки со оглед на тоа дека имаше корекции на БДП за 2023та велат дека на крајот на 2024та јавниот долг ќе биде 62,7%, да оставиме да видиме во тој дел. Сум ви кажала во повеќе наврати јавниот долг во многу голема мера зависи и од тоа колку останатите институции, акционерски друштва и.т.н ќе повлечат од веќе договорени кредити, ако не ги повлечат може нема да е ни 62,7.- Гордана Димитриеска – Кочоска

Согласно буџетот за 2025 година предвиден е раст на БДП од 3,7%, а буџетскиот дефицит е проектиран на 4%.

Во меѓувреме, поради колапсот со јавниот транспорт кој се случи во тек е и протест кој се одржува пред Град Скопје.

Таму е Дејан Трајкоски.

Кои се барањата на демонстрантите?