Ништо слично не сме виделе во Европа, но речиси сигурно е дека сме сведоци на создавање на нов тренд кој оригинално доаѓа од Кина.
Volvo веќе го објави својот адут, а прашање на време е кога и другите премиум производители ќе понудат нешто слично. Кога станува збор за Lexus, планирани се две конфигурации. Првата е онаа која што нуди кралски луксуз, а доволно е да се каже дека нуди само четири седишта во должина од преку пет метри.
Во исто време, двајца привилегирани патници во задниот дел ја имаат буквално удобноста на првата класа: седиштата се фотелји кои лесно може да се преклопат во кревет, а нивниот дизајн е инспириран од оние во авионскиот транспорт од прва класа. Пред нив е 48-инчен екран, додека нивните аудитивни сетила се разгалени од Mark Levinson 3D Surround системот со 23 звучници.
Активен систем за држење на телото во седиштето, активен систем за намалување на бучавата и материјали со врвен квалитет се само некои од посебните карактеристики на овој модел. Овде да споменеме уште една опција со седум седишта, која нуди нешто помал комфор, но сепак е една од најдобрите во автомобилскиот свет.
Планирана е само една опција за возење, а тоа е LM 350h. Комбинира хибриден погон кој е придвижуван од 2,5 бензински мотор и синергетски 250 КС и 239 Nm. Погонот на сите тркала е стандарден, а овој крстосувач вози до 190 km/h со забрзување до 100 km/h за 8,7 секунди (FWD за 9,1 секунди).
Акцентот е ставен на мазноста, па покрај активната шасија, овој модел го нуди и системот за контрола на положбата на сопирање, каде силата на сопирање се распределува со текот на времето, така што силите врз телата на патниците се што помали. Позната е и цената, па на британскиот пазар ќе стартува од 89.995 фунти и ќе оди до 112.995.