Понеделник почнуваше со класен час, сега почнува со

НА КАВГА СО ИВАН

каде гостува ЗНАМовката Весна Бендевска

Вистинска дама која како да има само едно USB во нејзиниот политички MP3 плеер - Не за Бугари во Устав, со дигнитет во ЕУ, не против шовинистичките уцени на Бугарија…има ли некој во ЗНАМ да и даде USB со песната Bella Ciao и да ја потсети што зборуваше пред повеќе од 10 год. во Собранието?

До кога партијата ќе ја именуваат како движење, небаре станува збор за модерни партизани?

Се скри ли навремено потпретседателката на Собранието кога завчера летаа кровови низ Битола, небаре се пуштени од авион како летки?

Се сеќава ли која химна ја пееше нејзиниот владин комрад, Зеќирија Ибраими, на злокобниот 27 април 2017 год?

ПОНЕДЕЛНИК КАНАЛ 5 ТВ, 23.00h.

НА КАВГА СО ИВАН

гостин: Весна БЕНДЕВСКА

Чаталику , паталику - со сите ли се?

#macedonia #kanal5tv #kavga #quarrel_with_Ivan #debate #television

Иако мастите се неопходен дел од урамнотежената исхрана, не сите масти се еднакви. Некои од нив се крајно нездрави, како што се оние кои се наоѓаат во пржената или високо преработената храна.

Од друга страна, здравите масти – како мононезаситените и полинезаситените масти кои се наоѓаат во некои намирници, на пример, авокадото, маслиновото масло, јаткастите плодови и масната риба – играат клучна улога во одржувањето на здравјето на срцето.

Диететичарката и нутриционистка Јохана Ангман открива четири типа на здрави масти кои треба почесто да се консумираат за да се подобри кардиоваскуларниот систем и да се намали холестеролот.

1. Авокадо

Авокадото е богато со влакна и здрави масти кои придонесуваат за чувството на ситост и го намалуваат вкупното внесување на калории. Покрај тоа, авокадото содржи мононезаситени масти кои помагаат да се намали „лошиот“ холестерол (ЛДЛ). Помалку познат факт е дека оваа суперхрана е богата со калиум, кој е клучен за здравјето на срцето и го намалува ризикот од срцеви заболувања.

„Авокадото е богато со мононезаситени масти, кои го намалуваат лошиот холестерол и го зголемуваат добриот холестерол. Тие исто така обезбедуваат чувство на ситост, намалувајќи го севкупниот внес на калории“, изјавила Ангман за SheFinds.

2. Масна риба

Масните риби како лососот, скушата и сардините се богати со омега-3 масни киселини, особено со EPA (еикозапентаенонска киселина) и DHA (докосахексаеноична киселина). Овие масти се неопходни за многу телесни функции и го поттикнуваат слабеењето.

„Лососот, скушата и сардините се богати со омега-3 масни киселини кои ги намалуваат триглицеридите и ризикот од срцеви заболувања. Омега-3 масните киселини исто така го поддржуваат слабеењето со подобрување на метаболичкото здравје“, открива нутриционистката.

3. Јаткасти плодови

Мононезаситените и полинезаситените масти во јаткастите плодови помагаат во намалување на ЛДЛ холестеролот, познат како „лош“ холестерол. Покрај тоа, тие го зголемуваат нивото на ХДЛ холестерол, „добриот“ холестерол, кој помага да се отстрани ЛДЛ од артериите.

Ангман истакнува: „Бадемите, оревите и ф'стаците се одлични извори на здрави масти, влакна и протеини. Тие помагаат да се намали холестеролот и да се чувствувате сити, спречувајќи прејадување“.

4. Маслиново масло

Маслиновото масло содржи мононезаситени масти, особено олеинска киселина, која е позната по своите здравствени придобивки. Овие масти помагаат да се намали нивото на ЛДЛ холестерол, што е клучно за намалување на ризикот од срцеви заболувања.

„Екстра девственото маслиново масло е богато со антиоксиданси и мононезаситени масти, кои го намалуваат воспалението и го подобруваат нивото на холестерол. Тоа е клучна состојка во медитеранската исхрана, која е здрава за срцето“, заклучува Ангман.

„Како терапевт за односи, сум видел многу парови заробени во навидум безопасни заблуди кои, ако не се препознаат навреме, можат да ги нарушат дури и најстабилните врски. Овие „лаги за односите“ честопати започнуваат како уверувања за самозаштита, можеби со цел да објаснат недоразбирање или да оправдаат непријатно чувство. Меѓутоа, истите со тек на време стануваат пречки кои ја нарушуваат довербата, емпатијата и поврзаноста, открива терапевтот за односи Џефри Бернштајн.

Со препознавање и замена на овие заблуди со поздрави ставови, можеме да ја зајакнеме довербата, емпатијата и поврзаноста во нашите односи. А, според Бернштајн, ова се четирите лаги кои можат да ја уништат врската или бракот.

1. „Ако ме сака, треба да знае што ми треба“.

"Оваа заблуда претпоставува дека вистинската љубов значи совршена поврзаност и способност на партнерот да чита мисли. Во реалноста, никој не може да знае што ви треба без јасна комуникација. Очекувањата без изразување на потребите доведуваат до разочарување и гнев", објаснува психологот.

Затоа, наместо да чекаме партнерите да погодат што ни треба, треба јасно да ги изразиме нашите желби. „На пример, кажете: „Би сакал/а да ме прашаш како сум кога изгледам вознемирено“. Ова ги намалува недоразбирањата и го олеснува поврзувањето“, советува Бернштајн.

2. „Врската не треба да биде толку тешка“.

Многумина веруваат дека вистинската врска треба да се одвива без проблеми, а предизвиците укажуваат на некомпатибилност. Во реалноста, секоја врска бара труд. Проблемите не се нужно знак за лоша врска, туку можност за раст и подобро разбирање.

Психологот забележува: „Наместо да ги гледате предизвиците како препреки, гледајте ги како можности за раст. Запрашајте се: ‚Што можеме да научиме од ова?' Работењето на проблемите заедно ја зајакнува врската“.

3. „Мојот партнер треба да ме прави среќна“

Оваа заблуда врши преголем притисок врз нашиот партнер да преземе одговорност за нашата среќа.

"Никој не може да биде исклучиво извор на среќа, а таквите очекувања често завршуваат со разочарување. Затоа, фокусирајте се на градењето на сопствената среќа и задоволство надвор од врската. Вклучете се во активности кои ве исполнуваат, а стекнатата среќа споделете ја со вашиот партнер да ја збогати врската“, вели Бернштајн.

4. „Можам да го/ја сменам ако се трудам доволно“.

Верувањето дека можеме да го промениме партнерот води до фрустрација и чувство отфрленост кај другата личност. Промената доаѓа од внатрешната мотивација, а не од притисокот.

Наместо да се обидуваме да го промениме партнерот, треба да се фокусираме на искрена комуникација, вели психологот.

„Кажете: „Важно ми е да зборуваме за нашите чувства“ и оставете простор за заеднички раст, наместо да форсирате промени. На крајот, овие лаги може да изгледаат безопасно, но со текот на времето ја нагризуваат довербата и емпатијата. Препознавањето на овие митови и нивното заменување со поздрави уверувања е клучот за успешна врска. Ниту една врска не е совршена, но со разбирање и емпатија можете да изградите трајна врска заснована на почит и љубов“, заклучува Бернштајн.