Македонија

Ќерката на Панче Жежовски сведочеше за убиството на нејзиниот татко и малолетната Вања

 Во Основен кривичен суд Скопје во врска со убиството на малолетната Вања Ѓорчевска и велешанецот Панче Жежовски денеска сведочеа и ќерката на Панче, Ана Киркова, и нејзиниот сопруг, Тодор Кирков. 

На прашања на обвинителката Жаклина Лазаревска, Киркови сведочеа за моментот кога увиделе дека Жежовски го нема, пријавата во полиција и неговото пронаоѓање.

Ана Киркова е една од трите деца на Жежовски, таа на денешното сведочење изјави дека сосетка на татко ѝ ја информирала дека тој не е достапен веќе подолго време.

- Утрото околу 10 часот ми ѕвонеше на телефон негова комшивка ми кажа ѕвонам, го барам татко ти не се јавува. Велам од кога. Таа кажа од средата веќе може 40 пати ѕвонела. Па добро, си велам можеби не сакал да ѝ се јави, рече таа.

Дополни дека потоа почнала и таа да ѕвони, но тој не се јавувал и го испратила нејзиниот сопруг кој работел во близина да провери.

- Почнав и јас да ѕвонам, не се јавува, си велам низ двор си работи. Потоа повторно јас ѕвонев, не се јавуваше. Уште во 16 кога завршив со работа, се преиспитував што може да се случи, но си велам ајде ќе одиме околу 18 часот и 40 минути почнав да се облекувам. Отидовме во станица, кажавме дека татко ми од средата на неговиот телефонски број не се јавува, рече таа.

Прашана дали ѝ е познато дека Панче имал комуникација со некој од обвинетите, таа одговори дека имал комуникација со Велибор Манев.

- Во 2007 го изнајми Велибор Манев да работи во куќата кај нас. Рече дека му е добар пријател, каменорезец. Мислам дека живее на пет минути со кола од кај нас, рече таа.

За татко ѝ посочи дека живеел скромно од својата пензија.

- Беше вреден човек. Имаше еден спор со Велибор Манев, настана поради тоа што, по укажувањата на татко ми, Велибор дошол, си ги земал коцките, нешто не испаднало како што треба, рече таа.

Прашана за возилото Цитроен, одговори дека било старо и со голем багаж.

Во однос на идентификацијата на нејзиниот татко, одговори дека таа не го идентификувала.

- Татко ми беше фрлен кога го видовме во вреќа, јас и сестра ми бевме во капела, сопругот го идентификуваше, јас не можам да гледам лик, рече таа.

На прашањата на првообвинетиот Љупчо Палевски, таа одговори дека немала сознанија дали нејзиниот татко имал контакти со него.

- Не сте ми познат, јас не ве познавам, рече таа.

Нејзиниот сопруг, Тодор Кирков, изјави дека кога дознал дека се случува нешто, отишол да провери во куќата.

- Кога ми се јави сопругата, бев на работа, отидов кај него дома, бев во дворот да ја побарам колата, во дворот не беше колата, ми го прати клучот синот по такси. Греалката работеше, многу беше топло, рече тој, дополнувајќи дека го побарале на друго место, но, бидејќи го немало никаде решиле да пријават во полиција.

Прашан каков човек беше Панче Жежовски, одговори дека бил, како што рече, „добар, нормален, колку што знам не се караше со никого“.

И Кирков посочи дека имал сознанија дека Панче имал некаков спор со Манев во врска со дворот.

Претходно, пред судот сведочеше мајката на Вања, Зорица Ѓорчевска.

Во судот денеска беа присутни обвинетите Љупчо Палевски, Боре Видевски, Велибор Манев и Влатко Кешишов, како и таткото на девојчето, Александар Ѓорчевски.

Обвинетите на изминатото рочиште се произнесоа дека не се чувствуваат за виновни за што дополнително нивната одбрана ќе достави докази.

Според обвинението, тие заедно испланирале грабнување на 14-годишното девојче со цел да присилат член на нејзиното потесно семејство да даде парични средства за откуп.

На 22.11.2023, обвинетиот заедно со уште тројца претходно обвинети заеднички извршиле грабнување на оштетениот Панче Жежовски во Велес, со намера да го присилат да им го даде сопственото возило „Цитроен“ за да го користат за грабнување на детето во Скопје.

Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.

Во врска со овој случај е осомничено уште едно лице за помагање по извршување на кривичното дело против кого постапката ќе се води одвоено.

Судењето го води судијата Ивица Стефановски, а застапник на обвинението е обвинителката Жаклина Крстевска.

Расправата продолжува на 16 октомври.

Македонија

Приведен кавадарчанец, полицијата во возилото му пронашла пиротехнички средства

Приведен бил кавадарчанец, откако полицијата во возилото му пронашла пиротехнички средства, информираат денеска од СВР - Велес.

- Вчера на градскиот плоштад во Кавадарци, полициски службеници го лишиле од слобода Н.Б., на возраст од 48 години, затоа што при извршениот преглед кај него и во неговото патничко возило биле пронајдени и одземени разни видови на пиротехнички средства. Потоа, по издадена судска наредба, бил извршен и претрес во неговиот дом, како и во објект на градскиот плоштад што го користел, каде, исто така, биле пронајдени и одземени разни видови на пиротехнички средства, појаснуваат од СВР - Велес.

Вкупно биле одземени околу 9.100 разни видови на пиротехнички средства.

-По комплетирање на целокупната документација, во координација со јавен обвинител, против Н.Б. ќе биде поднесена кривична пријава за кривично дело „неовластено изработување, држење, посредување и тргување со оружје и експлозивни материи“ казниво по чл. 396 од КЗ, наведуваат од СВР - Велес.

Македонија

Меџити објави дека Аратан Груби од Косово отишол во Албанија

Поранешниот вицепремиер Артан Груби повеќе не се наоѓа на Косово. актуелниот вицепремиер Изет Меџити тврди дека тој е веќе во Албанија. 

Ова тој го кажа во интервју за албанската телевизија „Ора Њуз“ каде меѓудругото посочи дека со тоа што ја напуштил државава Груби докажал дека е виновен за делата кои му се ставаат на товар. Меџити во изјавата кажа дека очекува Груби наскоро да се соочи со правдата..

„Според информациите, не е на Косово, туку во Албанија. Но, тоа не е важно. Со бегството, тој ја докажал вината и затоа ја напуштил државата. Сигурен сум дека органите на прогонот ќе поднесат меѓународна тужба преку Интерпол и дека ќе се соочи со правдата, можеби денес, утре или задутре“-Изет Меџити – потпретседател на Владата.

За тврдењата на Меџити дека Груби во моментов е во Албанија нема потврда од МВР. Од полицијата велат дека во соработка со Интерпол се трага по поранешниот вицепремиер.

„ За лицето за кое прашувате е распишана меѓународна потерница и во координација со Интерпол и полициите од другите држави се преземаат мерки за пронаоѓање на лицето.“ - одговорија од МВР.

Освен по Груби полицијата распиша меѓународни потерница и трага по поранешниот директор на Државна лотарија Перпарим Бајрами, осомничени за проневера на околу осум милиони евра. На двајцата во отсуство судот веќе им определи притвор кој ќе се реализира веднаш штом бидат пронајдени. Од адвокатскиот тим на Груби вчера излегоа со соопштение со кое тврдат дека немало кривични дела во дејстивјата за кои тој се обвинува, а неговата невиност велат ќе ја докажувале пред обвинителството и судот.

За пропустите на граничниот премин Блаце, пак, вчера полицецот со иницијали Б.Ј., заработи кривична пријава за злоупотреба на службената положба, бидејќи, како што соопштија од полицијата не извршил проверки на возилото во кое се превезувал Груби и дека патниците од автомбоилот ги завел дека пешки ја поминале границата. Исто така, при граничната проверка не чекал да види дали некој од патниците фигурира на стоп-листата „задржи и веднаш извести“.

Дисциплинска мерка претходно беше определена и за полицаецот кој бил раководител на смена кога Груби замина од Македонија, а дали ќе бидат опфатени и други лица ќе покаже истрагата која ја води МВР.

Регион

Храбрата учителка од Загреб има 31 убодна рана, се уште дише со помош на апарат!

Детската болница „Свети Дух“ во Загреб потврди дека наставничката имала 31 убодна рана. 

Но и дека здравствената состојба и е стабилизирана.

И три деца повредени во нападот со нож се стабилни, јавува 24сата.хр.

Вчера 19-годишник кој се лекувал на психијатриска клиника изврши трагичен напад во загрепското основно училиште во Пречко.

Поранешниот ученик во ова основно училиште во напад со нож избоде наставничка и десетина деца.За жал еден ученик починал.

Младиот човек е уапсен. „Наставничката е стабилна, се уште дише со помош на механичка вентилација, а за денеска е закажана дополнителна дијагностика за нејзиното лекување“, одговорија од болницата „Свети Дух“ и потврдија дека наставничката имала 31 убодна рана.

Хрватското Министерство за здравство соопшти дека детето кое се лекува на клиниката во Ребро и двете деца на Клаиќева се стабилни и добро.

Утрото по трагедијата пред основното училиште во Пречко владее молк и тага.

Училиштето се уште е опкружено со полициска лента, а има околу 10 полицајци кои го обезбедуваат местото.

притисни ентер