Кошарка

Кер по победата над Србија: Ова беше еден од најдобрите натпревари во мојот живот

Ние ги победивме двапати и ниеден натпревар не беше толку конкурентен и мразам таква ситуација. Имавме чувство дека ова ќе биде многу тежок натпревар и мислам дека Србија одигра совршен натпревар.

Селекторот на американската кошаркарска репрезентација, Стив Кер по победата над Србија во полуфиналето на кошаркарскиот турнир на Олимпијадата во Париз го повтори општиот впечаток дека „орлите“ се одлична репрезентација и не е лесно да се победи таков тим по трет пат.

-Ние ги победивме двапати и ниеден натпревар не беше толку конкурентен и мразам таква ситуација. Имавме чувство дека ова ќе биде многу тежок натпревар и мислам дека Србија одигра совршен натпревар. Погодија многу шутеви, Аврамовиќ постигна четири тројки во првото полувреме, тоа не е очекувано. Но, ова е моментот, ова се Олимписки игри и нивните играчи беа брилијантни, беше првото нешто што го кажа шефот на стручниот штаб на српскиот ривал.

Не се запре со комплименти кон Никола Јокиќ, Богдан Богдановиќ, Алекса Аврамовиќ... за се што пружија вечерва во 40 минути голема борба под двата коша.

-Тие беа под притисок, тоа е одличен и класичен тим. Играат многу ангажирано, играат одлично заедно и искрено сум понизен, навистина понизен што бев дел од тој натпревар. Тоа беше еден од најдобрите кошаркарски натпревари во мојот живот и секогаш ми е жал за тимот што губи во овие случаи. Очигледно сум многу среќен што победивме, но видов некои српски играчи како плачат на теренот и навистина ми беше жал за нив бидејќи направија се како што треба и играа убава кошарка. Многу сум благодарен што бев дел од тоа, искрен беше тренерот на Голден стејт Вориорс.

Свет

Шолц: Германските граѓани не поддржуваат трансфер на ракетите „Таурус“ во Украина

Германскиот канцелар Олаф Шолц изјави дека германските граѓани не поддржуваат трансфер на ракети со долг дострел „Таурус“ во Украина, кои можат да се користат за напади на руска територија.

„Сега има војна во Европа и тоа ги загрижува граѓаните. Во оваа војна треба добро да размислиме како да се однесуваме мудро, како да се однесуваме внимателно, ... да се однесуваме внимателно кога станува збор за војна и мир“, рече тој во интервју за германскиот ТВ канал ЗДФ.

Канцеларот рече дека го „нервира“ тоа што речиси три години има изјави дека нешто не е доволно направено, дека уште нешто треба да се направи, додека, како што наведе, често не се забележува дека актуелната германска влада „одамна стана главен снабдувач на помош за Украина“.

Тој додаде дека е убеден дека токму поради тоа што Германија е најголемиот и најсигурен поддржувач на Киев, „нема право да прави одредени работи“, како што се пренесување ракети со долг дострел и дозволување на веќе пренесеното германско оружје да гаѓа цели на руска територија.

„Мислам дека таквиот курс е поддржан од мнозинството граѓани, а тоа ќе биде можно само доколку продолжам да го застапувам“, рече Шолц и вети дека нема да се повлече од овој курс, „колку и да добие приговори.

Шолц истакна дека Германија не само што не е нуклеарна сила, туку голема земја во центарот на Европа која треба „многу внимателно да размисли што прави“.

Македонија

Герасимовски: Целосно се обновува паркот во Капиштец со нова урбана опрема

Целосно се обновува паркот во Капиштец со нова урбана опрема, зеленило и ЛЕД осветлување.

Градоначалникот на Општина Центар Горан Герасимовски информира дека паркот во Капиштец целосно се обновува со нова урбана опрема, нови садници, ново ЛЕД осветлување, нова патека и ново зеленило кое опфаќа 7.800 метри квадратни.

„Вчера почнавме со партерно и хортикултурно уредување на паркот во Капиштец. Поставуваме ново зеленило на 7.800 метри квадратни и нови садници со цел почист и поздрав Центар. Заедно со општинските служби интензивно работиме на поставување нова урбана опрема, нови павер елементи, ЛЕД осветлување и нова патека за движење. Очекуваме проектот за обновување на паркот во Капиштец да го завршиме до крајот на оваа година. Во пресрет на новогодишните празници, жителите на населбата Капиштец добиваат нов парк за рекреакција и прошетка. Упатувам апел урбаната опрема да се чува и да не се уништува, заеднички да придонесеме кон почиста и поздрава животна средина“, вели Герасимовски.

Општина Центар продолжува и во следниот период интензивно да работи за заштита на животната средина и во интерес на Центарци.

Свет

Турција бара од САД да биде изземена од санкциите за рускиот гас

Турција преговара со САД за изземање од санкциите против Русија за да продолжи да купува руски гас, изјави министерот за енергетика Алпарслан Бајрактар.

Говорејќи по состанокот на владата, Бајрактар посочи дека одлуката на САД да воведат санкции за Гаспромбанк, делумно во сопственост на гасната компанија Газпром, може да создаде проблеми за Турција.

- Можеме да ги почувствуваме последиците. Нема да можеме да платиме, а ако не можеме да платиме, нема да можеме да купиме гас. Нашето Министерство за надворешни работи продолжува со преговорите за ова прашање, рече тој.

Министерот нагласи дека на неговата земја ѝ е потребен гас за да ја обезбеди побарувачката и потсети дека исклучок за гасот е применет со санкциите против Иран.

- На нашата индустрија и треба гас. Како што знаете, имаше санкции против Иран во минатото, но имаше исклучок за природниот гас. Ние сакаме таков исклучок од САД и за рускиот природен гас, рече тој.

Бајрактар истакна и дека чекорот се прави на крајот на мандатот на претседателот Џо Бајден.

- Не ја разбираме администрацијата на Бајден што заминува. Остана уште месец и половина. Негативната страна е што е тешко да се укинат овие ембарга преку ноќ. Ако Турција не добие изземање, целта не е Русија, туку Турција. Нели е така?, праша министерот.