Канал 5 во Софија: Излезноста на изборите во Бугарија до 18 часот е 31%

Уморна од избори, Бугарија по седми пат за неполни четири години излегува на гласање, чиј епилог со внимание го следи и македонската влада.

Над шест милиони луѓе се со право на глас, а анкетите укажуваат дека и овој пат тешко ќе се обезбеди стабилна политичка влада.

Канал 5 е во Софија. Михајло Видимлиски и снимателот Марјан Данчевски ги следи изборите.

Целосниоти извештај погледнете го во видеото.

Пожар зафати дел од туристичкиот комплекс Манастир во Берово

Пожар вечерва зафати дел од туристичкиот комплекс Манастир во Берово. На терен се екипи на ТППЕ Берово кои веднаш по дојавата се упатиле во кругот на објектот каде е забележан густ чад.

Оттаму повеќе информации за обемот на пожарот и евентуалната причинета штета најавија во текот на вечерта.

Очевидци за МИА велат дека засега нема опасност од проширување на пожарот на околните објекти.

Бројот на загинати во невремето Трами на Филипините се искачи на 138

Бројот на жртвите во невремето Трами, што го погоди северозападниот дел на Филипините, се искачи на 138, а голем број луѓе се водат за исчезнати, соопшти денеска владината агенција за одговор при катастрофи.

Агенцијата соопшти дека бројот на жртви најверојатно дополнително ќе се зголеми поради поплавите и одроните предизвикани од невремето.

Полициски и противпожарни единици се ангажирани во операции за помош и спасување во погодените области на Филипините./МИА

Излезни анкети: Сигурна победа на Борисов - ГЕРБ освојува 26,4%, Продолжуваме со промените 15%

Партијата на Бојко Борисов, ГЕРБ е убедлив победник на денешните избори во Бугарија, но далеку од можност самостојно да формира влада, покажуваат повеќе излезни анкети.

Анкетата на агенцијата „Алфа Рисрч“ покажува дека ГЕРБ освоил 26,4 проценти од гласовите, пред Продолжуваме со промените на Петков со 14,9 проценти.. На третото место е проруската „Преродба“ на Костадин Костадинов со 12,9. Следуваат ДПС - нов почеток на Дељан Пеевски и Алијансата за права и слободи со по близу девет проценти, бугарските социјалисти се на шестото место со 7,8 и Има таков народ со 6,2 проценти.. Останатите партии се под цензусот од четири проценти..

Изразено во мандати, тоа би значело дека ГЕРБ добива 74, партијата на Петков 42, а на Костадинов 36 мандати.. За формирање мнозинство, потребни се 121 пратеник во 250-члениот парламент.

Регион