Македонија

ЈО оформи предмет по допрен глас, ќе истражува кој го следел Мицкоски

Откако вчера премиерот Мицкоски изјави дека претходната власт во изборната 2020 година го следела него како лидер на најголемата опозициска партија за наводна организација на паравоена формација,Јавното обвинителство отвори предмет по допрен глас.

Обвинителството по допрен глас отвори предмет по вчерашната изјава на претеседателот на владата на Христијан Мицкоски кој посочи од собраниска говорница дека „една од разузнавачките институции го следеле и него и неговото семејство. Како причина за следењто е дека тој бил „нарачател и финансиер на пара-полициско воено-вооружена формација на македонски радикални екстремни и националистички настроени елементи“.

„Обвинителство веќе има оформено предмет по допрен глас врз основа на вчерашната изјава на претседателот на Владата, за што јавниот обвинител денешната средба веќе го информираше и премиерот. Предметот веќе е даден на постапување на надлежно обвинителство за да ги испита наводите. Обвинителство ќе ги преземе сите неопходни активности за да ги испита својства на можни инволвирани лица и евентуални инкриминарни дејствија, велат од Јавното Обвинителство.“

Мицкоски и вчера посочи дека една од безбедносните агенции располагала со наводни информации дека е организатор на вооружени терористички структури, а оти за тоа не го информирала. Затоа според него се поставува прашањето зошто безбедносната агенција не го информирала МВР.

„Одговорот е јасен. Затоа што тогаш имаше техничка влада, а технички министер за внатрешни работи беше господинот Наќе Чулев. Ова било само начин, преку монтажа, да се обезбеди физичко покривање на лидерот на најголемата политичка партија во тој момент, ВМРО-ДПМНЕ. За останатото, оставам на Обвинителството, а за тоа зборувавме и со обвинителот сега на настанот, да допре гласот до ЈО, па да видиме дали ЈО понатаму ќе преземе некакви мерки.“ – рече Мицкоски.

„Цилиндар“ и „Џокер“ се кодните имиња на измислените лица кои, според премиерот, се креирани од разузнавачките служби, во пресрет на изборите во 2020 година, кога беше во опозиција, со цел да создадат алиби за негово следење.

Шоу биз

Мадона објави снимки со 38 години помладото момче и со ќерките (ФОТО)

Неодамна се појавија гласини дека Мадона (66) раскинала со 38 години помладиот фудбалер Аким Морис, но сега пејачката ги демантираше овие гласини објавувајќи серија фотографии на кои позира со него и нејзините ќерки.

„Најубавиот ден во годината... Божиќ и Ханука одеднаш“, напиша таа бидејќи овие два празника годинава се прославуваа на ист ден.

Освен со Аким, празничните моменти ги помина со четирите ќерки Лурд Леон (28), Чифундо Џејмс (18) и близначките Стела и Естере (12). Мадона има и два сина - Роко Ричи (24) и Дејвид Банда (19) кои овој пат не беа со нив на семејниот собир. Според странските медиуми, се верува дека тие го поминале Божиќ со таткото Гај Ричи.

Потсетуваме, откако неколку пати се појавуваше сама во јавноста, се шпекулираше дека врската меѓу неа и 28-годишниот Аким е завршена. „Мадона и Аким го имаа истиот проблем што таа го имаше со нејзините претходни партнери“, откри извор неодамна, додавајќи: „Разликата во годините стана голем проблем меѓу нив. Тие доаѓаат од различни временски периоди“. Тој кажа и дека пејачката се сомневала дека нејзиниот партнер ѝ е неверен, но судејќи по овие фотографии изгледа дека ништо од тоа не е вистина.

Аким, кој исто така дипломирал политички науки, и пејачката се познаваат подолго време. И двајцата учествуваа во снимањето за магазинот Paper во 2022 година. Заедно го прославија и Денот на американската независност. Мадона потоа објави серија фотографии на кои се држат за раце, гледаат огномет и седат заедно на каучот.

Познато е дека Мадона сака помлади мажи, поради што раскинала со 30-годишниот Џош Попер пред Акима. Пред тоа беше во врска со 35 години помладиот Ахламалик Вилијамс, а претходно се бакнуваше и со 41 година помладиот скејтер Ендрју Дарнел.

Свет

Уапсени се роднините на Башар ал Асад, додека се обидувале да избегаат од Либан

Сопругата и ќерката на роднина на соборениот сириски претседател Башар ал-Асад се уапсени вчера на аеродромот во Бејрут, каде се обиделе да летаат со фалсификувани пасоши, соопштија либанските судски и безбедносни претставници.

Чичкото на Асад заминал еден ден претходно. Раша Хазем, сопругата на Дураид Асад, син на поранешниот сириски потпретседател Рифат Асад, вујко на Башар Асад, и нивната ќерка Шамс, биле прошверцувани во Либан илегално и се обидувале да одлетаат во Египет кога биле уапсени, се вели во соопштението.

Во март, швајцарските федерални обвинители го обвинија Рифат за воени злосторства и злосторства против човештвото за наводно нарачување убиства и тортура пред повеќе од четири децении.

Рифат Асад, братот на таткото на Башар Асад, Хафез Асад, поранешниот сириски владетел, ја предводеше артилериската единица која го гранатираше градот Хама, при што загинаа илјадници луѓе. Поради тој настан го добил прекарот „Касапот на Хама“.

Свет

Од денеска во ЕУ стапува на сила голема промена во врска со полначите

Од денеска, сите мали и средни преносни електронски уреди што се продаваат во ЕУ мора да бидат компатибилни со USB-C порт за да се намали отпадот, пренесува Euronews.

Од утре, на потрошувачите од ЕУ повеќе нема да им требаат различни полначи за нивните паметни телефони, таблети, камери, слушалки, конзоли за видео игри и други уреди, бидејќи портите за полнење USB од типот C ќе станат стандард за мобилни уреди низ Унијата.

Во 2022 година, Европскиот парламент и земјите-членки одлучија со огромно мнозинство да ги укинат алтернативните методи за полнење, што значи дека сите мали и средни преносливи електронски уреди што се продаваат во ЕУ мора да бидат компатибилни со USB-C порт.

Според правилата на ЕУ, потрошувачите исто така можат да се откажат од добивање на нов полнач со секој купен уред. Производителите на преносни компјутери ќе мора да ги следат истите правила од 28 април 2026 година.

Ана Кавазини, претседател на Комитетот за внатрешен пазар и заштита на потрошувачите на Европскиот парламент, рече дека ова е „одлучен чекор кон удобноста на потрошувачите и одговорноста за животната средина“.

„Овие правила се однесуваат на справување со тоните отпад создадени од фрлените полначи секоја година и заштеда на околу 250 милиони евра за домаќинствата во ЕУ со елиминирање на непотребните купувања на полначи секоја година“, додаде Кавацини.

Парламентот, исто така, најави дека „внимателно ќе следи“ како производителите се прилагодуваат на овие промени. Производителите на електроника долго време се спротивставуваат на напорите на ЕУ за стандардизирање на технологиите за полнење.

Одлуката ќе влијае на сите продавачи, особено на Apple, кој првично ги оспори правилата, наведувајќи ја загриженоста за иновациите. Сепак, технолошкиот гигант почна да се прилагодува на директивата и се префрли на USB-C за своите уреди.

притисни ентер