Формула

Хамилтон: Време е Формула 1 да се врати во Африка

Седумкратниот светски шампион Луис Хамилтон работи со претставници од Руанда и Јужноафриканската Република за потенцијална организација на Формула 1 трки во Африка. 

Британецот е категоричен дека е вистинско време за враќање на најпрестижниот мотоспорт на континентот и можноста не може да се игнорира.

Хамилтон беше во Африка за време на летната пауза во Формула 1 и ги откри своите планови на прес-конференција пред почетокот на трката за Големата награда на Холандија.

-Ова е вистинското време, 100 отсто. Тие не можат да продолжат да додаваат трки овде и таму и да ја игнорираат Африка. Сите земаат од Африка и никој ништо не враќа. Трките на овој континент ќе им покажат на луѓето колку е прекрасна и ќе му помогне многу на туризмот. Зошто да не сме на овој континент?, праша Хамилтон.

Според него, постои барем една патека која е целосно подготвена.

-Треба да одиме на патеката што е можно побрзо и да ја направиме дел од календарот на Формула 1. Потоа можеме да продолжиме да се шириме на континентот, додаде еден од најдобрите пилоти во историјата на спортот.

Формула 1 ја напушти Африка во 1993 година, кога последен пат се одржа трката за ГН на Јужна Африка во Кјалами. Извршниот директор Стефано Доменикали пред еден месец објави дека Руанда е водечки кандидат за патеката, но допрва треба да се изгради писта. Разговорите ќе продолжат во септември.

-Руанда е едно од моите омилени места за посета. Бев таму и работев со локалните организатори. Разговарав со многу луѓе и таму и во Јужноафриканската Република. Руанда е долгорочен проект и Мило ми е што сакаат да бидат дел од календарот на Формула 1, додаде тој.

Британецот откри дека во текот на летото ги посетил и Мароко, Сенегал, Бенин, Мозамбик и Мадагаскар.

-Сè уште се помирувам со она што се случи на тоа патување. Бев во бегалски камп и видов колку работат луѓето и колку е тешко за оние кои насилно ги напуштиле своите земји. Една работа е да се прочита за нив , друго е да ги гледам во живо. Сретнав деца кои пешачат 10 километри до училиште, а потоа се враќаат 10 километри без да јадат, изјави Британецот.

Живот

Патник од автобус сними невидена сцена: Мистериозен огромен диск од мраз што се врти (ВИДЕО)

Гери Диксон (62) патувал со автобус кога видел необична глетка во реката Ди, во југоисточен Велс.

Тој бил толку заинтригиран од тоа, по што отишол 1,5 километар назад за да истражува.

Човекот планирал еднодневно зимско патување до градот Ланголен, но го маѓепсала необичната глетка на реката - леден диск со дијаметар од 15 метри, кој полека се вртел.

Совршено кружниот диск ротирал во насока на стрелките на часовникот на површината на водата.

„Прво го забележав од автобусот, низ врвовите на блиските дрвја. Не можев да им верувам на очите! Се вратив по старата железничка пруга за да го најдам. Потоа го гледав речиси еден час“, рече тој.

Тој проценува дека ледениот диск ротирал со брзина од 1,6 km/h. Забележал и знак на брегот кој ги предупредувал љубопитните за појавата на вирови, пишува Дејли Стар.

Иако приказната и фотографијата што ја направил Диксон потсетуваат на филмови од фантазија, објаснувањето е едноставно. Тој имал можност одблиску да ужива во природниот феномен, познат како леден круг, леден диск или леден слив, кој се јавува во вода што тече бавно, во студени предели.

Ледените дискови се снимени низ целиот свет, од Русија до Кина и низ цела Скандинавија. Во САД, нивното прво видување датира од 1895 година во Конектикат.

Некои од најпознатите примери се снимени во Северна Америка, вклучувајќи масивен леден диск широк 300 метри во Мејн во јануари 2019 година. Уште поголем е виден во канадската река Талтсон, со пречник од импресивни 200 метри .

Свет

Илон Маск повторно шокира: Ќе донира милијарда долари за Википедија со необичен услов

Илон Маск повторно е во центарот на вниманието откако ја повтори својата понуда од милијарда долари за популарната веб-страница Википедија, но со неочекуван и контроверзен услов.

Маск бара да се смени името на оваа светски позната енциклопедија за да се реализира донацијата, објави Економик Тајмс.

Маск рече дека ќе донира милијарда долари доколку Википедија го промени своето име во „Дикипедија“. Барањето предизвика низа реакции, од шеги до сериозни критики, при што многумина ги доведуваат во прашање намерите на Маск. Иако неговите коментари се често хумористични, понудата предизвика дебата за границите на влијанието на милијардерот на глобалните платформи од јавно значење.

Маск преку социјалната мрежа Х нагласи дека неговата понуда се уште стои, но ова барање на многумина им изгледало како уште еден негов ексцентричен потег, без сериозна намера. Неговата склоност кон провокации на социјалните мрежи во минатото често служеше како маркетинг стратегија, но овој пат реакциите беа различни.

Досега Фондацијата Викимедија, која управува со Википедија, официјално не одговорила на предлогот на Маск. Сепак, некои истакнати уредници го нарекоа „несоодветно“ и „несериозно“. Корисниците на социјалните мрежи брзо ја бранеа Википедија, истакнувајќи ја нејзината важност како бесплатен ресурс за образование и информации.

Оваа ситуација го покренува поширокото прашање за тоа како влијателните поединци се обидуваат да ги обликуваат јавните ресурси по нивен вкус. Иако Маск често привлекува внимание поради своето ексцентрично однесување, многумина се согласуваат дека таквите понуди, дури и ако се шега, може да го нарушат интегритетот на платформи како Википедија.

Дали Маск навистина има сериозни намери или ова е уште еден во низата негови ексцентрични коментари останува нејасно. Едно е сигурно – неговиот потег уште еднаш предизвика лавина реакции и прашања за границите на приватното влијание врз ресурсите од глобално значење.

Македонија

Карамбол на патот Куманово- Крива Паланка, се судриле четири возила, седуммина повредени

Четири возила учествувале во сообраќајната несреќа што се случи денеска на магистралниот пат Куманово - Крива Pаланка во атарoт на Младо Нагоричане, соопшти денеска СВР Куманово. 

Седуммина биле повредени, петмина полесно, двајца биле задржани во Oпшта болница Куманово, соопштија од итна помош Куманово.

Сообраќајната несреќа во полицијата била пријавена во 12:15 часот.

- На магистралниот пат се случила сообраќајна незгода помеѓу патничко моторно возило „опел астра“ со кривопаланечки регистарски ознаки управувано од Т.И. (64) од Крива Паланка, „БМВ“ со кумановски регистарски ознаки управувано од А.К. (36) од село Алгуња, Општина Старо Нагоричане, „форд куга“ со скопски регистарски ознаки управувано од П.П.(60) од Скопје и возило „волво“ со скопски регистарски ознаки управувано од Б.Н.Т. (31) од Скопје. Во незгодата со повреди констатирани од лекар од Општа болница Куманово се здобиле возачите Т.И., А.К. Б.Н.Т и сопатниците С.С., А.К., С.К. и А. К, соопшти полицијата.

Доктор Муајед Амети од итна помош Куманово информираше дека седуммина се повредени, петмина биле со полесни повреди, двајца поради карактерот на повредите се задржани во Општа болница Куманово.

Увид извршила екипа од СВР Куманово.

притисни ентер