Формула

Голема промена во Ф1 тестовите за 2026 година

- ФИА потврди дека планира голема промена во претсезонските тестирања за 2026 година поради големите промени во техничките правила. 

Во последниве години, претсезонските тестирања беа составени на само три дена пред првиот круг, користејќи ја истата патека када е и воведната трка.

Но, новите правила за аеродинамиката и погонските единици значително ќе ги променат болидите за сезоната 2026 година, така што ќе бидат потребни повеќе тестирања. ФИА планира три тридневни тест сесии, но се уште не е прецизирано каде ќе се одржат. Во последните две години, тимовите тестираа пред почетокот на сезоната во Бахреин, а во 2022 година имаше тест и во Барселона, бидејќи тогаш стапија на сила последните големи промени на техничките правила.

ФИА потврди дека аеродинамиката на Формула 1 болидите ќе продолжи да се развива, а тоа важи и за нивните перформанси на патеката, а финансиските ограничувања на кои се подложени тимовите во светскиот шампионат ќе бидат „еволуција на сегашните рамковни правила“.

Се очекува сите промени да бидат претставени пред Светскиот совет за моторспорт на ФИА на 17 октомври.

Скијање

Хутер победи на женскиот супервелеслалом во Сент Мориц

Австриската скијачка Корнелија Хутер победи на денешната трка во супервелеслалом која во рамки на Светскиот куп се одржа во Сент Мориц, додека Американката Линдзи Вон, која се врати на скијачките патеки, се најде меѓу најдобрите 20.

Хутер (32) до својата осма победа во Светскиот куп дојде со време од 1:15.18, што беше за 18 стотинки побрзо од возењето на Швајцарката Ларе Гут-Бехрами (1:15.36) и 33 стотинки (1:15.51) од Италијанката Софија Гоџа.

На патеката во Сент Мориц се појави и Вон, која по пет години отсуство се врати во натпреварувањето, и ја заврши трката на 14. место со една секунда и 18 стотинки заостанување зад победничката.

Гоџа и Гут-Бехрами водат во поредокот во супервелесламом со по 160 бодови, додека Хутер е трета со 150 бодови. Во генералниот пласман води Австријката Камил Раст со 287 бодови.

Македонија

Герасимовски: Во среда македонски евергрини на „Џез под ламба“ кај Италијанска амбасада

Општина Центар, информира дека и годинава, во среда, 25 декември со почеток во 19.00 часот ќе се одржи настанот „Џез под ламба“ на пјацетата кај Италијанска амбасада.

Градоначалникот Горан Герасимовски, информира дека на овој настан граѓаните ќе имаат можност да слушаат џез верзија на македонските евергрини од Искра Србиновска квартет, но и да пробаат греано вино и печени костени.

„Во среда ги слушаме омилените македонски евергрини во џез верзија. Ги повикувам сите граѓани кои сакаат да слушнат добра македонска музика да дојдат и заеднички да го прославиме нашиот културен идентитет и да уживаме во музиката во пресрет на новогодишните празници. Се гледаме на македонски џез“, порачува Герасимовски.

Настанот „Џез под ламба“ е во организација на Општина Центар, а во соработка со МГ Мјузик продукција.

Општина Центар

Фудбал

Минута молк на натпреварите во Германија

Германската фудбалска лига побара од клубовите да одржат едноминутно молчење пред почетокот на натпреварите во Бундеслигата и втората лига викендов, во знак на почит кон жртвите на нападот на божиќниот пазар во Магдебург.

Бундеслигата, исто така, соопшти дека играчите мора да носат црни ленти на рацете, пренесува агенција ДПА.

Најмалку пет лица загинаа, а над 200 се повредени откако маж влета со автомобил на божиќен пазар во германскиот град Магдебург во петокот вечер. Возачот на автомобилот е уапсен од полицијата.

притисни ентер