Фудбал

Фернандеш: Во репрезентацијата уживам во мојот фудбал

Капитенот на Манчестер Јунајтед, Бруно Фернандеш, ги опиша двете последователни исклучувања во една недела како неправедни.

Во моментов плејмејкерот е со репрезентацијата на Португалија за натпреварите на „морнарите“ во Лигата на нации против Полска и Шкотска. Фернандез е една од ѕвездите на Португалецот, а во последно време е критикуван поради тоа што неговиот настап во репрезентацијата често е на повисоко ниво од она за „црвените ѓаволи“.

-Кога зборуваме за лош момент, тоа се двете исклучувања во една недела што ги сметам за нефер. Едното е веќе поништено, а второто, бидејќи е жолт картон нема да биде, но сето тоа е дел од фудбалот и не можам да размислувам за тоа. Ја презедов одговорноста за овие ситуации затоа што, особено против Тотенхем, ги оставив соиграчите во тешка ситуација да бараат пресврт откако заостанувавме во резултатот. На клупско ниво работите треба да се подобрат. Во последно време поставив високи стандарди со количината на голови што ги постигнувам и сакам да ги задржам тие стандарди. Се надевам дека ќе постигнам гол штом ќе се вратам. Се чувствувам многу добро во репрезентацијата, уживам во мојот фудбал, во динамиката благодарение на многуте квалитетни играчи со кои сум опкружен, изјави Фернандеш. /МИА

Свет

Шолц: Новата воена помош за Киев е сигнал до Путин

Германскиот канцелар Олаф Шолц на денешната средба со украинскиот претседател Володимир Зеленски во Берлин вети дополнителни испораки на оружје за Киев во вредност од 1,4 милијарди евра.

Новата помош вклучува системи за противвоздушна одбрана, артилерија и беспилотни летала, рече Шолц.

- Германија останува цврсто на страната на Украина, истакна тој.

Шолц, исто така, ги осуди руските напади врз цивилната инфраструктура во Украина, чија цел е да се скрши отпорот на населението против руската инвазија.

- Играњето на течење на време нема да успее. Нема да попуштиме во поддршката за Украина, рече Шолц на средбата со украинскиот претседател.

Двајцата лидери се согласија дека Русија мора да учествува на мировната конференција за да обезбеди праведен и траен мир за Украина, рече Шолц.

- Јасно е дека мирот може да се постигне само врз основа на меѓународното право. Ова ќе бара огромни напори, додаде германскиот канцелар.

- Нема да прифатиме мир диктиран од Русија, нагласи тој.

За време на состанокот во Берлин Зеленски треба да му ги претстави на Шолц деталите од својот план за победа.

Средбата со украинскиот претседател дојде на крајот од неговата европска турнеја, откако американскиот претседател Џо Бајден го откажа клучниот меѓународен самит во американската воздухопловна база во Германија поради ураганот Милтон.

Зеленски на состанокот во Берлин му се заблагодари на германскиот канцелар Олаф Шолц за неговата поддршка против Русија.

- Германија ѝ помогна на нашата земја повеќе од другите со системите за противвоздушна одбрана, рече Зеленски на средбата.

- Тоа е факт. И тоа спаси илјадници украински животи, обезбедувајќи им на нашите градови и села заштита од рускиот терор, додаде тој. Зеленски рече дека противавионскиот топ Гепард и противракетните одбранбени системи „ИРИС-Т“ и „Патриот“ се непроценливи./МИА

Формула

Верстапен: Ред Бул не може да задржи никого со сила

Светскиот шампион во Формула 1, Макс Верстапен потврди дека Ред Бул биле свесни дека не можат да ги задржат сите клучни фигури во тимот, а значителен број од нив го напуштија тимот во оваа сезона.

Дизајнерот Адријан Њуи објави дека заминува во мај и веќе потпишал со Астон Мартин, спортскиот директор Џонатан Витли оди во Ауди, а шефот за стратегија Вил Кортни во Мекларен. Овие заминувања ја одбележаа тешката година за Ред Бул, во која тимот беше потресен од секс скандалот со Кристијан Хорнер и последователната борба за моќ во тимот, а на патеката Ред Бул ја загуби својата супериорност.

-Отсекогаш сум велел дека сакам сите да останат во тимот, но на крајот на денот не можете да ги запрете луѓето. Ако ги принудите да останат кога се фрустрирани или не сакаат да останат, едноставно нема да има смисла. Ред Бул не може да задржи никого на сила. Но, ова секогаш се случува со успешни тимови, други почнуваат да крадат луѓе од нив. Ова е во секој спорт. И некои луѓе од нашиот тим добија многу сериозни понуди од други тимови, изјави Верстапен. /МИА

Свет

Борел: Нуклеарна војна не може да се добие и никогаш не смее да се води

Борел, денеска соопшти дека доделувањето на Нобеловата награда за мир на јапонската организација Нихон Хиданкјо служи како потсетник за многу сериозните последици поврзани со употребата на нуклеарно оружје.

Високиот претставник на ЕУ за надворешна политика и безбедност, Жозеп Борел, денеска соопшти дека доделувањето на Нобеловата награда за мир на јапонската организација Нихон Хиданкјо, која ги обединува преживеаните од атомските бомби фрлени на Хирошима и Нагасаки, служи како потсетник за многу сериозните последици поврзани со употребата на нуклеарно оружје.

Борел во соопштение на веб-страницата на Дипломатската служба на Европската Унија (ЕЕАС), исто така рече дека ова е потсетување на одговорноста што ја споделуваат сите држави да спречат вакви настани, како и дека никогаш не смее да се води нуклеарна војна.