Постојат одредени правила на фенг шуи кои се однесуваат на тоа дека бојата на паричникот влијае на привлекувањето пари. Иако многу луѓе веруваат дека црвената боја се издвојува како најдобра боја за изобилство, богатство и просперитет, еве колку е тоа вистина.
Неверојатно е како нешто толку едноставно, како изборот на вистинската боја за вашиот паричник, може да влијае на приливот на пари. Сепак, според правилата на фенг шуи, енергијата околу нас, и тоа како може да го подобри или намали богатството, а боите играат многу голема улога во тоа.
- Бојата на вашиот паричник може да биде причина за загубата на пари. Можеби звучи лудо, но навистина е така според правилата на фенг шуи, древната кинеска филозофија. Станува збор за енергијата што ве опкружува, а која во голема мера влијае на вашиот живот, како и на предметите што ве опкружуваат, вклучувајќи го и вашиот паричник. Според правилата на фенг шуи, сè е поврзано едно со друго. Ако вашиот паричник има „погрешна“ боја, можеби едноставно ги одбивате парите од себе без да утврдите причина зошто тоа се случува - вели еден експерт за фенг шуи на Тикток.
Тој истакнува дека црвената боја е најлошата боја што може да ја изберете кога станува збор за бојата на паричникот.
- Според фенг шуи, црвената боја симболизира оган, а огнот и парите навистина не одат заедно. Во буквална смисла, тоа би значело дека вашето богатство брзо согорува во пламен. Ако паричникот ви е црвен, тоа значи дека трошите пари со неверојатна брзина. Ова не е добро ако се обидувате да зачувате или да заштедите пари. Кога станува збор за паричник во сина боја, можеби звучи како детска боја, но всушност симболизира вода. Исто така, и водата лесно заминува. Ако имате син паричник, тоа значи дека постојано гледате како парите ви се лизгаат низ прсти. Колку и да се трудите да ги задржите, едноставно ви се лизгаат од раце, не ви оди од рака – истакнува тој.
Ништо подобра не е ситуацијата кога станува збор за различни нијанси на розова боја. Од друга страна, само две бои гарантираат прилив на пари и нивно штедење.
- Кога станува збор за розов паричник, тој симболизира романса. Ако во животот сакате да привлечете само љубов, само напред. Меѓутоа, кога се парите во прашање, таа боја на паричникот воопшто не ви оди во прилог. Ако се прашувате која боја ќе ја зголеми вашата банкарска сметка, тоа би била црната. Според фенг шуи, црната боја е боја на успех во кариерата, таа е како магнет за пари. Ако, пак, се обидувате да заштедите пари, кафеавата е бојата на паричникот е идеална за вас. Кафеното ја симболизира земјата, а земјата е стабилна и се стреми кон зачувување - заклучува овој експерт.