- Секој повик за репрезентацијата, сам по себе претставува голем мотив. Играчите треба да разберат дека националниот тим секогаш е на првото место и треба со голема желба и посветеност за се игра и бори за Македонија, без разлика кој е противникот на другата страна. Натпреварот со Молдавија го дочекуваме со посебна желба и мотивација, со оглед на тоа што се случуваше на првиот меѓусебен наш дуел каде што забележавме несреќен пораз. Се надевам и верувам дека ќе успееме да одиграме квалитетно, борбено и максимално пожртвувано, остварувајќи победа. Што се однесува до Грузија, не очекува еден тежок натпревар, на кој ќе добиеме вистинска слика за нашиот тим, изјави Канатларовски за сајтот на ФФМ.

Натпреварот со Молдавија ќе се игра на 11 октомври, на тренинг центарот „Петар Милошевски" во Скопје.

На 15 октомври македонските фудбалери ќе гостуваат во Грузија.

Советот посочува дека ваквата одлука е донесена откако Антигва и Барбуда направила измени на важечките даночни правила.

Државата, која има нешто над 100 илјади жители, беше ставена на листата на ЕУ на „даночни раеви“ во октомври 2023 година, врз основа на негативната оценка дадена од Глобалниот форум на Организацијата за економска соработка и развој (ОЕЦД) поради начинот на „размена на барани информации“ поврзани со даночните обврзници.

Со отстранувањето на Антигва и Барбуда, на оваа листа остануваат 11 земји или територии и тоа Американските Девствени Острови, Американска Самоа, Ангвила, Вануату, Гуам, Палау, Панама, Русија, Самоа, Тринидад и Тобаго и Фиџи.

Во соопштението на Советот се изразува жалење што овие земји и територии на „се уште не соработуваат за даночни прашања“ и апелира до нив да ја подобрат својата законска рамка за надминување на идентификуваните проблеми.

Советот уште додава и дека океанските држави Палау и Фиџи направиле „ветувачки чекори за усогласување со критериумите“ за даночните политики, но дека тоа се уште не е доволно за ниво отстранување од листата.

Листата на ЕУ на некооперативни земји и територии за даночни цели е изработена во декември 2017 година, како дел од Стратегијата на Унијата за оданочување во странство и има за цел да придонесе за промоција на принципите на „добро даночно владеење“ ширум светот.

Некооперативноста се проценуваат врз основа на низа критериуми утврдени од Советот, како даночна транспарентност, правично оданочување и имплементација на меѓународните стандарди за спречување на намалувањето на даночната основица и помало оданочување на остварениот профитот.

ЕУ прави периодични прегледи на состојбите поврзани со ова прашање и врз основа на нив се врши ажурирање на листата. Од 2020 година листата на „даночни раеви“ е ажурирана во два наврати. Следниот преглед е предвиден за февруари 2025 година.

Италијанскиот вицепремиер и министер за надворешни работи, Антонио Тајани, ја осуди одлуката на Москва да издаде налог за апсење на двајца новинари на италијанската државна телевизија РАИ поради нивното покривање на ненадејната инвазија на Украина во руската област Курск во август, објавија италијанските медиуми.

Вчера рускиот суд нареди апсење во отсуство на репортерката Стефанија Батистини и снимателот Симоне Треини поради „нелегално преминување“ на границата од Украина во Русија.

Рускиот суд побара и тие да бидат екстрадирани од Италија во Русија.

-Рускиот налог за апсење на двајца новинари на РАИ е уште една форма на политички прогон на слободата на медиумите. Италијанската влада секогаш ќе застане во одбрана на правото на независно новинарство, рече Тајани на социјалната мрежа „Х“.

Русија ги стави Италијанците и уште неколку западни дописници на листата на барани поради нивното известување од Курск.

Украинските сили контролираат големи области од регионот откако влегоа во него на 6 август. /МИА