Кошаркарот на Мемфис, Маркус Смарт го пофали соиграчот и дебитант Зак Иди. Дваесет и двегодишниот центар беше избран како деветти пик на НБА драфтот во 2024 година и се смета за кандидат за дебитант на годината.

- Тој ќе биде многу важен за нас. Ви овозможува разнолика одбранбена игра. На мене и на Џерен Џексон ми дава шанса да покажеме што можеме. Прекрасно е да имате таков вид играч во тимот. Неговата висина од 224 сантиметри е многу значаен фактор. Одлично се движи, има многу висок коефициент на интелигенција и продолжува да се подобрува. Имаме многу високи амбиции, ако се фокусираме на нашите задачи и играме што е можно порано, можеме да покажеме многу високо ниво, особено во одбраната. Имаме доволно талент, момците го можат тоа, заклучи Смарт.

Мемфис го победи Далас во првиот претсезонски натпревар (121:116). Зак Иди за 18 минути постигна шест поени (3 од 4 од поле), седум скока, една украдена топка и една блокада.

Фестивалот на забавна музика „Макфест“ годинава ќе се одржи на 25 и 26 октомври, информираше за МИА, Александар Арсовски организатор од Општина Штип. Тој посочи дека годинава има новитет, односно изведувачите ќе бидат придружувани од оркестар составен од 15 музичари.

-Оваа година ќе се реализира на 25 и 26 октомври, ќе биде во Домот на културата Ацо Шопов Штип. Новина оваа година е дека освен изведбата во живо, изведувачите ќе бидат пратени од мини оркестар кој ќе биде составен од 15 музичари. Сите организациски и технички припреми за фестивалот се завршени, вели Арсовски.

Тој посочи дека на фестивалот ќе се престават 26 изведувачи меѓу кои и позната македонска пејачка, Елена Ристевска. Единствена награда која ќе се додели ќе биде за најслушана песна меѓу двата фестивали.

-Единствена награда која ќе се додели оваа година ќе биде наградата за најслушана композиција во прериодот меѓу двата фестивали. Други награди не се предвидени. Можам да кажам дека интересот од година во година на изведувачите за учество на фестивалот се зголемува, рече Арсовски.

„Макфест“ е Фестивал на забавна музика кој традиционално се одржува секоја година во Штип, а финансиска поддршка ја обезбедува Општина Штип.

Претседателката на Европска комисија, Урсула фон дер Лајен при денешната посета на Кишињев ги повика Молдавците да гласаат на референдумот, на кој граѓаните треба да се изјаснат дали членството во Европска Унија како „стратешка цел“ треба да биде вметнато во Уставот на Молдавија.

Референдумот е закажан на 20 октомври, во истиот ден како и претседателските избори, на кои актуелната претседателка Маја Санду се кандидира за втор мандат.

- Народот на Молдавија се соочува со епохален настан … Ги повикувам Молдавците да го искористат својот глас и да ја изразат својата слободна волја … На вас, Молдавци, е да донесете одлука. Тоа е ваш суверен избор каде треба да оди вашата земја и никој не може да се меша во тоа, истакна Лајен, додавајќи оти местото на Молдавија е во ЕУ.

Санду истакна дека Лајен пристигнала во Молдавија во клучен момент.

- Нашата мисија е да ја градиме Европа дома, посочи Санду.

Таа додаде дека 65 отсто од извозот на Молдавија оди во ЕУ и тоа покажува „каде се стратешките интереси на земјата“.

Молдавија претпристапните преговори со ЕУ ги почна во јуни, а Санду се надева дека целта ќе биде постигната до 2030 година.

Молдавија е поранешна советска република, со 2,5 милиони жители лоцирана помеѓу Украина и Романија.

Санду остро ја осуди руската инвазија врз Украина. Односите на Молдавија со Русија се влошени изминатите години. Прозападната молдавска Влада ја обвинува Русија за обид за соборување и мешање во внатрешните работи. Додека Москва ја обвинува Санду дека поттикнува русофобија.

Анкетите покажуваат дека Санду е фаворит за победа на изборите и има убедливо водство пред останатите 10 кандидати. Испитувањето на јавното мислење, исто така покажуваат и дека мнозинството Молдавци се за членство во ЕУ.