Македонија

Еден од повредените во престрелката во Арачиново им подлегнал на повредите

Во Клиничкиот центар „Мајка Тереза“ примени се двете повредени лица во оружениот инцедент што попладнето се случи во селото Арачиново. 

Еден од повредените починал, а кај другиот ќе биде извршена хируршка интервенција, потврдија за МИА од Ургентниот центар.

Оттаму информираа дека починатиот пациент е на 50-годишна возраст, а другиот е 19-годишен.

- Заради сериозноста на состојбата на 50- годишниот пациент, веднаш е извршена реанимација, но за жал и покрај сите напори на дежурните медицинските тимови, кај овој пациент настапила смрт, посочуваат од Ургентниот центар.

Како што информираат, 19-годишното момче веднаш е примено во Одделот за интензивна нега, направена е дијагностика и ќе биде извршена хируршка интервенција.

Од МВР за МИА претходно информираа дека две лица се здобиле со повреди од огнено оружје во инцидент што се случил вечерва во селото Арачиново.

- На 01.11.2024 околу 19 часот од Ургентен центар Мајка Тереза во СВР Скопје е пријавено дека со повреди од огнено оружје биле донесени С.А. и А.А. од с. Арачиново. Според пријавеното, во нив во с.Арачиново било пукано со огнено оружје од страна на две лица кои биле со возило “Ауди”, наведуваат од МВР.

Од МВР потенцираат дека се преземаат мерки за расчистување на случајот.

Шоу биз

Фановите во дебата: Дали Хајди Клум или Жанел Моне е „кралица“ на Ноќта на вештерките (ВИДЕО)

Хајди Клум и нејзиниот сопруг Том Каулиц ги воодушевија фановите со нивните вонземјански костими од истоимениот филм од 1982 година, но не беа единствените кои ја имаа оваа идеја.

Впрочем, истата маска ја избрала и уметницата Жанел Моне, а нивната сличност предизвика многу коментари на социјалните мрежи.

Многумина се прашуваа дали оваа сличност е случајна или тоа е некаква конкуренција меѓу нив. Како и Хајди, Жанел е позната по нејзините костими за Ноќта на вештерките. Белиот зајак од Алиса во земјата на чудата, мувата и невестата без глава се само дел од костимите со кои таа ги израдува фановите во последните години. Оваа година таа го претстави својот костим на шоуто на Џенифер Хадсон.

„Може да има две кралици за Ноќта на вештерките. Навистина ја сакам Хајди“, изјави Жанел за Association Press.

"Верувам дека Хајди Клум беше болна и лута кога го виде костимот на Жанел", "Не само што го имаат истиот костим, туку Жанел го откри 24 часа пред Хајди. Сигурно го изгубила умот", "Ми се чини дека ова е премногу смешно" , продолжија коментарите на Х. Многумина се согласија дека и двете завршиле одлична работа и ги надминаа сите други костими оваа Ноќ на вештерките.

Регион

Објавени се имињата на 7 загинати во Нови Сад, Македонецот Васко Саздовски е еден од жртвите

Од 14-те жртви во страшната трагедија во Нови Сад, засега е познат идентитетот на седуммина.

Во Клиничкиот центар во Војводина лекарите се борат за животот на тројца посериозно повредени лица - две жени и еден маж, објави српски Информер.

Во несреќата загинало и шестгодишно девојче чиј идентитет не е познат.

Засега идентификуваните жртви се:

Анѓела Руман, родена 2004 година од Стара Пазова

Сања Арбутина Ќириќ, родена 1989 година од Каќ

Стефан Хрка, роден 1997 година од Белград-Ѕвездара

Милош Милосављевиќ, роден 2003 година од Криќанин-Зрењанин.

Ѓуро Швоња, роден 1947 година од Степановиќево

Вукашин Раковиќ, роден 1955 година од Буковац

Васко Саздовски, државјанин на Македонија

Работите на идентификација на останатите продолжуваат.

Министерот за внатрешни работи Ивица Дачиќ изјави дека спасувачката акција во Нови Сад е завршена, а дефинитивниот биланс од несреќата е 14 загинати и тројца повредени.

Утре во Србија ќе биде Ден на жалост поради смртта и страдањето на граѓаните поради уривањето на железничката станица во Нови Сад.

Свет

Њу Делхи е најзагадениот град во светот, се игнорира судската забрана за користење пиротехника

Њу Делхи денеска се најде на врвот на листата на најзагаден град во светот, откако жителите ја игнорираат забраната за огномети како петарди и ракети за палење за време на хинду фестивалот на светата Дивали.

Њу Делхи денеска се најде на врвот на листата на најзагаден град во светот, откако жителите ја игнорираат забраната за огномети како петарди и ракети за палење за време на хинду фестивалот на светата Дивали, предизвикувајќи опасно влошување на квалитетот на воздухот.

Густ смог се спушти во индиската престолнина по прославите на Дивали, целосно ја проголта претседателската палата и околните градини, популарна дестинација за пешаци, тркачи и велосипедисти.

Според швајцарската компанија за мерење на квалитетот на воздухот IQ Air, индексот на квалитетот на воздухот во Њу Делхи бил 348, што се смета за опасно ниво на загаденост.

Локалните власти забранија употреба на пиротехнички средства за време на прославите на Дивали и зимските прослави во последниве години, во согласност со директивите на Врховниот суд, но се мачеа да ја спроведат мерката и покрај заканата со затворска казна за прекршителите.

Некои хинду групи тврдат дека забраната навлегува во правото на почитување на тој ритуал, додека властите истакнуваат дека нивната цел е да го заштитат животот.

Смогот што денеска се спушти во градот се совпадна со палењето на фарми во северна Индија, што дополнително го влошува квалитетот на воздухот секоја година на почетокот на зимата.

За време на палењето на земјоделско земјиште, студениот, тежок воздух ги заробува загадувачите кои доаѓаат од различни извори.

притисни ентер