Вработените во Државното правобранителство од денеска стапија во штрајк и ќе работат само на итни предмети се додека не ги добијат бараните 30 отсто додаток на плата, а од следниот вторник со истото барање почнуваат со протести најмалку четири министерства, вели претседателот на УПОЗ Трпе Деаноски.

Штрајкот во Дражавното правобранителство ќе трае се додека не им се исполнат нивните барања, кои освен додаток на плата се потпишување на колективен договор и носење на закон на државно правобранителска служба.

-Во минатото во неколку наврати имавме контакти и работна средба со новиот ДП од негова страна има волја да се реши проблемот , но проблемот на крај секогаш завршува во МФ кое треба да ги одобри средствата за исплата на додаток на плата. Се работи за многу мала група на вработени само за 120, и трошокот на МФ и трошокот на Буџетот би бил премал за да дозволиме овие работници да штрајкуваат.- Трпе Деаноски - претседател на УПОЗ

Деаноски вели дека утре ќе одржат состанок со синдикалната организација на министерствата, на кој ќе треба да се утврди кои се министерства ќе се приклучат и другите детали за протестот кој бил договорен да се одржи на 14 јануари. Досега, како што велат од УПОЗ, потврдено било дека протести ќе има во министерството за економија и труд, за правда, за администрација и за животна средина. Барањето за мислење од финансии Деаноски вели го поднеле пред да се изготви буџетот за годинава, но одговорот кој го добиле оттаму бил дека во државната каса немало средства за потпишување на овие колективни договори.

-Секое министерство се обрати до МФ пред носење на буџетот кај што се побара потпишување на колективен договор каде би се регулирале повисоки додатоци на плата за вработните, но од страна на МФ сите други министерства беа одбиени. - Трпе Деаноски - претседател на УПОЗ

Неодамна Министерството за финансии даде зелено светло за колективните договори за Службата за општи заеднички работи на Влада, Генералниот секретаријат, дел од здравство, образование и финансии кои ги добија 30-те отсто.

По празничната пауза пред пратениците ќе се најдат интерпелациите кои ги поднесе „Европскиот фронт“ предводен од ДУИ за работата на вицепремиерите Меџити и Стоилковиќ, министерот на внатрешни работи Тошковски и неговиот заменик, Исени. На дневен ред е ставена и онаа за пратеничката и претседателка на собраниската Комисија за социјална политика, демографија и млади Илире Даути што ја поднесе Левица заради блокада на Законот за бранители. Мицкоски критиките од опозицијата за владините членови ги оцени како некредибилни во недостиг на внатрешни партиски реформи.

-Очекувам од страна на опозицијата напади коишто ќе поларизираат. Очекувам да поттикнат чувства на меѓуетничка нетолеранција, но мислам дека тоа ќе биде јалово и неуспешно и овој обид ќе заврши како неуспешен. Очекувам критики коишто се неосновани и кои немаат никаква врска со реалноста, но добро, таква ни е опозицијата во овој момент. Се надевам дека ќе извлечат поука и многу скоро програмски ќе се реструктуираат, но и кадровски ќе се освежат, бидејќи таму гледаме навистина некредибилни луѓе за коишто имаме ние институционална меморија и знаеме што се правеа во минатото, изјави Мицкоски.

Сепак, се поизвесно е дека интерпелациите за владините функционери нема да бидат изгласани, со оглед на тоа што освен владејачките ВМРО-ДПМНЕ и Вреди поддршка нема да добијат ниту од опозициската СДСМ. Оттаму денеска изјавија дека остануваат на одлуката која ја донесе Извршниот одбор во декември да не ги поддржат интерпелациите поднесени од ДУИ. Според партиската портпаролка Богданка Кузеска пратеничката група на СДСМ на координација ќе усогласи како ќе настапи на седницата и околу интерпелацијата за пратеничката Илире Даути.

-Нема да ги поддржиме, нема да гласаме за интерпелациите коишто се поднесени од ДУИ. Не се потребни нови поделби по етничка основа. За поднесување интерпелација потребно е да се видат критериумите како сите оние аргументи коишто се поврзани со лошото работење на некој министер за да може тие да бидат поднесени и да бидат поддржани, изјави Кузеска.

Интерпелациите за Меџити, Тошковски, Стоилковиќ и за Исени во декември, минатата година, ги поднесе пратеничката група на „Европскиот фронт“ по инцидентите на одбележувањето на Денот на албанското знаме.

Собранискиот спикер Африм Гаши, пак, изјави дека тие како инструмент немаат правна последица. Секоја интерпелација ќе се разгледува посебно, а дискусиите може да траат цел ден во зависност од тоа колку пријавени пратеници има за збор. По исцрпување на расправата ќе следува гласање до крајот на денот.

Скопјани и утрово се разбудија дишејќи ексетремно загаден воздух, главниот град утринава повторно се најде на 2 место на светската и прво на едвропската листа на најзагаедни градови, но според надлежните тоа не е доволно за активирање на мерки, како што денеска беше случај со Струмица.

Од министерството за животна средина велат за да се превземат итни мерки во Скопје потребно е во два последнователни дена на 2 мерни станици да имаме измерено среднодневна концентрација на ПМ 10 над 150 микрограми на метар кубен, што според министерството досега не се случило за да се превземат мерки за надминат праг на алармирање. Но уверуваат дека преку акциски план кој содржи 11 точки, кој ни беше испратен со краткорочни мерки ќе се подобрува амбиенталниот воздух, а како активнсоти кои ќе се спроведуваат се:

„Правилно користење на огревно дрво за домашно греење, вонредни инспекциски надзори за контрола на А и Б интегрирана еколошка дозвола и елаборати за што се предвидени и казни, инсталациите со континуиран мониторгин да овозможат јавен пристпа до иземерените податоци, вонредни контроли на станиците за технички преглед на возила, со цел да се утврди дали се спроведува мерење на емисија на издувни гасови, вонредни контроли на техничка исправност на возилата, редовно чистење на атмосферските шахти и миење на улици и тротоари, вонредни контроли на градилишта, контрола на оџаци, строга забрана за горење на отворено.“- Акциски план, краткорочни мерки за чист воздух за 2024 – 2025

И додека надлежните преку акцискиот план ќе се борат со загадувањето , граѓанските оргназицаии и лекарите велат мора да се превземат итни мерки.

Од итната помош велат зачестени се повиците од пацинети со хронични белодробни заболувања, лицата со кардиолошки проблеми, а загадениот воздух се повеќе негативно влијае и на помладата популација. Лекарите препорачуваат што е можно помалку време да се поминува на отворено, да се зајакнува имунитетот, а лицтаа со хронични заболувања редовно да ја земаат терапијата.

„Имавме интервенции одеа екипи на итната медицинска помош каде што дополнително покрај нивната терапија се даваше и терапија од наша страна за да се подобри нивната акутна состјба што се влошила.... Знае и кај помладата популација кој што имаат слабо белодробие, слаба плуќа што викаме, настинале, носот им се затнал па вендаш им се спушта на долни дишни патишта, тие пацинети знаат овој период да влошат состојба, брзо да се накалеми бактериска инфекција, така да тие инфекции на белодробието се лечат многу подолготрајно кога би било во други ситуации кога би ја немале оваа загаденост и кога не би биле присутни тие честички... имаат проблеми не само хроничарите има ситуации каде што доста млади поради загаденоста на воздухот знаат да страдаат и нивниот тек на лечење на едно респиратоно заболување се лекува подолг временски период....“- Д-р Александра Пејоска

За разлика од Скопје, во Струмица денеска беше активиран алармот. Поради екстремното загадување ќе се интензивираат вонредните инспекциски надзори на инсталациите со А и Б интегрирани еколошки дозволи, ќе се прави вонреднА контрола на техничката исправност на возилата, особено оние со дизел горива и нерегистрирани возила, ќе се интензивираат вонредни контроли на градилиштата, се забранува горење на отворено, а се препорачува и да не се организизраат спортски натпревари и други манифестации на отворено, да се реорганизира работното време на лица кои работат на отворено, како и да се ослободат од работа бремени жени, лица постари од 60 години, како и лица со хронична астма, или прележан миокарден инфаркт или мозочен удар.