Македонија

Буневски: Производството на сопствена храна, вода и енергија е приоритет на секоја земја

Денеска беше промовиран дел од Програмата за земјоделство и производство на храна од Прогласот за достоинствена Македонија на Движењето ЗНАМ - За наша Македонија.

За мерките пред новинарите зборуваше професорот Ѓоко Буневски, кој рече дека Македонија е традиционално аграрна земја, со учество на земјоделството во бруто-домашниот производ од околу 10 проценти, односно, заедно со преработувачката индустрија 12-15 проценти и е на третото место, после индустрискиот сектор и услугите.

„Во Движењето ЗНАМ – За наша Македонија имаме преку 40 предлог мерки за подобрување на секторот производство на храна, но тука ќе ги истакнеме само поважните:

- Воведување забрана за пренамена на земјоделско земјиште од прва. до трета категорија за друга намена, освен за производство на храна.

- Приоритетно доделување земјоделско земјиште на локалните фармери, а не на странски инвеститори. Локалните фармери мора да имаат приоритет при доделувањето земјоделско земјиште. - Форсирање на синџирот "од нива до трпеза".

- Субвенционирање по предадени земјоделските култури по загарантирана откупна цена“, рече Буневски.

Тој додаде дека сме сведоци на состојбата каде земјоделските производи се откупуваат од земјоделците и под нивната производна цена, што го прави производството на храна непрофитабилно и неконкурентно. „Токму затоа, рече тој, - сметаме дека е многу важно за развојот на оваа гранка да се обезбеди откуп по загарантирани цени“.

Буневски потенцира дека покрај овие мерки, Движењето ЗНАМ ќе се заложи да се зголемат субвенциите во земјоделството барем на ниво на соседните земји, а буџетот од сегашните 160-180 милиони евра да се реорганизира и да се воведат нови мерки за субвенционирање. Исто така, тој рече дека ќе предложат мерки за да се намали, па дури и запре напуштањето на селото и земјоделството, особено со поголеми стимулирања на млади фармери, на жените фармери, како и поголеми погодности за отворање бизнис во овие средини. Како што рече Буневски, ќе се обрне големо внимание на мерките за подобрувањње на квалитетот на храната, а ќе се подобри и степенот на советодавни услуги за земјодлеците, а особено засовремените технологии и иновации во секторот, професор Буневски потенцира дека многу важен сегмент е брендирањето на традиционалните производи и производи со познато географско потекло и рече дека во момментот 160 производи чекаат и стојат во фиока.

Како мерка која треба да се воведе, е и заштитата на генетските ресурси во растителното и сточарското производство. Исто така за да може да се подобри севкупната ситуација во овој сектор Буневски рече дека ЗНАМ ќе воведе стипендирање на деца од земјоделски земејства на земјоделските школи и факултети.

„Земјоделството бара долгогодишна стратегија, а не брзи политички инстант решенија, која политичка партија доаѓа на власт, како од неа да почнува се. Производство на своја храна, вода и енергија е приоритет на секоја земја. Затоа сметаме дека е неопходно да дадеме максимум за земјоделството, максимум за Македонија“, рече Буневски, се наведува во партиското соопштение.

Свет

Австралијка на суд, откако со печурки ги отрула свекорот и свекрвата- сопругот едвај преживеал

Австралијката Ерин Петерсон (49), која е обвинета дека отрула три лица со печурки кои ги зготвила за ручек, се изјаснила за невина за убиство и обид за убиство.

Откако била уапсена, Ерин тврдела дека е невина.

„Не е моја вина, жими честа“, рече Ерин за време на сослушувањето.

Ерин се сомнева дека со отровни печурки ги убила бившиот свекор и свекрва и снаата.

Минатиот јули им послужила стек во сос со зелени пупки, кои се многу отровни.

Еден ден подоцна нејзината свекрва и свекорот Гејл и Дон Патерсон, снаата Хедер Вилкинсон и нејзиниот сопруг Иан завршиле во болница со стомачни проблеми.

Следниот ден нивната состојба нагло се влошила, поради што итно биле префрлени во болница во Мелбурн. И покрај максималните напори на лекарите, Гејл и Хедер починале на 4 август, а Дон ја загубил битката за живот следниот ден.

Оттогаш, лекарите се борат да го спасат животот на Иан и тој ќе добие трансплантација на црн дроб.

По неколкумесечна истрага, детективите, наводно, откриле дека Ерин направила уште три обиди да го убие Иан помеѓу 2021 и 2022 година, а во ноември таа била уапсена и формално обвинета за вкупно осум кривични дела.

Нејзиниот случај сега ќе оди на судење пред Врховниот суд на Викторија во Мелбурн, а првото рочиште е закажано за 23 мај.

Живот

Чудни предмети испливаа на брегот на Тексас, граѓаните добија предупредување (ФОТО)

Жителите на брегот на Тексас се предупредени да бидат свесни за „невообичаени портокалови предмети“ по извештаите за нивно откривање на плажите во Галвстон и Фрипорт.

Мали правоаголни блокови исфрлени на брегот со видно прикажани пораки- веднаш да го контактирате нивниот сопственик.

Необичните предмети се во сопственост на истражувачи на морскиот свет.

Заливскиот центар за истражување на морски желки се обидува да разбере како океанските струи влијаат на движењата на морските желки во текот на годината.

Поради оваа причина тие направиле дрвени блокови кои би требало да имитираат желки, пренесува UPI.com.

„На островот Chandeleur во Мексиканскиот залив беа ослободени 80 блокови, а повеќе од половина се упатија кон брегот на Тексас. Во изминатите неколку дена се пронајдени четири“, соопштија од организацијата.

Научниците апелираат до граѓаните да ги контактираат во случај да најдат портокалови предмети, за да можат да соберат важни податоци.

Свет

Масакр во руската војска: Убил шестмина соборци и избегал, потерата е во тек

Според извештаите, полицијата трага по руски војник осомничен за убиство на шест негови соборци во источна Украина.

Потрагата по него доаѓа кога руски офицер се соочува со судење за убиство на седум војници под негова команда, откако минатата година фрли граната во соба, пишува Newsweek.

Од почетокот на инвазијата на Украина, имаше повеќе тврдења за низок морал меѓу руските трупи, со причини кои се движат од незадоволство од обуката и опремата, до преиспитување на раководството на претпоставените.

Воените напори на Москва беа поттикнати од осудениците на кои им е понудена слобода доколку војуваат шест месеци, иако руските сили сега велат дека помалку се потпираат на затворениците од затворските колонии низ целата земја.

Еден осуденик, 57-годишен помлад поручник идентификуван од Телеграмскиот канал База како Јури Г., избегал откако на 4 мај застрелал шест војници од артилериски баталјон во самопрогласената Народна Република Доњецк (ДНР) во Украина.

Осомничениот, наводно, имал автоматска пушка АК-12 со придушувач и муниција, а полицијата ги пребарува градовите во близина на границата со Украина во регионите на Ростов, Белгород и Воронеж, објави База во извештајот што го објавија и други руски медиуми. .

Последниот инцидент доаѓа откако започнало судењето на поранешниот вршител на должноста командант на вод, поручникот Дмитриј Лобовиков, кој е обвинет за убиство на седум негови подредени и ранил најмалку 10 други за време на прославите на 13 и 14 јануари 2023 година.

Тој, наводно, не бил задоволен од она што го видел кога дошол да ги провери војниците во касарната и извадил граната RGD-5, го повлекол осигурувачот и побарал од војник да го врати на своето место, пишува весникот „Комерсант“.

Војникот одговорил дека не научил како да го прави тоа. Откако го навредил, Лобовиков влегол во ходникот од каде е обвинет дека фрлил граната во соседната просторија каде спиеле војници од друга чета, при што убиле седум лица и уништиле дел од касарната.

Лобовиков е уапсен и обвинет за убиство, обид за убиство, намерно нанесување телесни повреди, намерно уништување и оштетување на имот, како и за недозволено поседување експлозивна направа.

Извештајот на Комерсант не ја прецизирал локацијата на инцидентот, но неговиот случај е сослушан пред поротата во Западниот воен окружен суд, кој ги покрива европските региони на Русија кои граничат со Украина.

Newsweek го контактирал руското Министерство за одбрана за коментар.

притисни ентер