Македонија

Божиновска: Инженерите – клучни партнери за енергетската иднина на Македонија

Министерката за енергетика, рударство и минерални суровини, Сања Божиновска се обрати на свеченото одбележување на 30-годишнината од основањето на македонскиот национален комитет на CIGRE – МАКО СИГРЕ. 

Настанот, кој ги собра водечките имиња од инженерската и академската заедница, го истакна значењето на македонските инженери во развојот на енергетските системи, информираат денеска од Министерството.

Во обраќањето, министерката нагласила дека инженерската професија е основен двигател на економскиот и технолошкиот напредок.

-Успехот на нашата работа понекогаш не се гледа веднаш, но, ние знаеме дека градиме нешто што ќе го наследат идните генерации. МАКО СИГРЕ е семејство на професионалци, мост помеѓу генерации инженери, кој гарантира континуитет во преносот на знаење. Иднината е во рацете на младите инженери, но за да успеат, потребна им е поддршката и знаењето што само искусните професионалци можат да го понудат, истакнала Божиновска.

Министерката ја потенцирала важноста на придонесот на македонските инженери во меѓународните организации како CIGRE, кои ја позиционираат Македонија како важен партнер на глобалната сцена. Вашата работа е гордост за нашата држава и пример за тоа како се надминуваат границите на знаењето и технологијата, истакнала Божиновска.

МАКО СИГРЕ, со повеќе од 100 членови – вклучувајќи водечки енергетски компании и универзитети – е значаен партнер во унапредување на енергетските политики и воведување иновации. Божиновска најавила засилена соработка со здружението, особено во примена на нови технологии и поддршка за младите инженери, поттикнувајќи ги да изберат технички професии и да дадат свој придонес во националните проекти.

-Со обединување на стручниот потенцијал, ќе создадеме средина каде што професионализмот и одговорноста се ценат, инженерските идеи се реализираат, а младите инженери го добиваат заслужениот простор за напредок. Вашата работа е основа за иднината на енергетскиот сектор, и Ви благодарам за сè што правите и ќе продолжите да правите, порачала министерката Божиновска.

На настанот присуствувале истакнати личности од инженерската и академската заедница, меѓу кои и претседателот на CIGRE, проф. Константин Папаилиу, генералниот секретар на CIGRE, г. Филип Адам, и претседателот на националниот комитет на CIGRE, г. Сашо Салтировски, со кои министерката Божиновска претходно оствари и директна средба во просториите на министерството, на која им посочи дека Министерството останува посветено на развој на енергетската инфраструктура, унапредување на иновациите како и зајакнување на соработката со стручната и академската заедница за изградба на одржлива енергетска иднина.

Македонија

Атанасовски:Успешно се спроведува акцијата за отстранување на хаварисаните возила во М.Каменица

Акцијата за отстранување на хаварисаните возила од јавните корисни површини во М. Каменица успешно се спроведува, информираше денес градоначалникот на оваа Општина Димчо Атанасовски. 

Досега како што соопшти тој поставени се опомени на 24 хаварисани возила, а дел од сопствениците веќе ги презедоа потребните мерки за нивна дислокација.

- Искрено им се заблагодаруваме на сите граѓани кои покажаа одговорност и ги отстранија своите возила од јавните површини. Нивната брза реакција е пример за заедничка грижа кон нашата општина, истакна Атанасовски.

Апелираше до останатите граѓани, чии возила сè уште се наоѓаат на јавните површини, да го следат овој позитивен пример.

- Доколку поседувате хаварисано возило, ве поттикнуваме да го пријавите во просториите на Јавното претпријатие „Камена Река“, каде што ќе добиете поддршка и насоки за понатамошно постапување, додаде Атанасовски.

Порача дека сите треба да продолжат со вакви активности давајќи пример во одржувањето уредена, чиста и безбедна Македонска Каменица.

Свет

Чолаку: По 13 години Романија и Бугарија ќе станат во целост членки на Шенген зоната

 Романија ќе стане во целост членка на Шенген зоната од 1 јануари 2025 година, изјави романскиот премиер Марчел Чолаку за време на работна посета во Будимпешта, каде имаше средба со унгарскиот премиер Виктор Орбан.

Чолаку нагласи дека Романија и Унгарија заеднички работат на европските прашања, а посебно ја истакна поддршката од Орбан за членството на Романија во Шенген. Тој додаде дека влезот на Романија и со копнените граници ќе го поттикне економскиот развој на двете земји.

Тој истакна дека Романците веќе ги почувствувале придобивките од делумниот влез во Шенген зоната, кои се „многу опипливи“, а пристапот на земјата со копнени граници, според неговите зборови, ќе придонесе за динамиката на економскиот раст и во Романија и во Унгарија .

Во Будимпешта денеска се одржаа неформални разговори на министрите за внатрешни работи на Романија, Бугарија, Унгарија и Австрија, каде беше потврдено дека двете земји ќе се приклучат кон Шенген со копнени граници во 2025 година.

Претходно денеска, унгарскиот министер за внатрешни работи Шандор Пинтер најави дека Романија и Бугарија би можеле целосно да се приклучат на европската Шенген зона со отворени граници од јануари 2025 година.

Двете земји влегоа во Шенген зоната со нивните воздушни и поморски граници од 31 март 2024 година.

Регион

Состојбата на двајцата повредени во трагедијата во Нови Сад и натаму е критична

Две лица, тешко повредени при уривање на настрешницата на железничката станица во Нови Сад се уште се во тешка, но стабилна состојба.

Две лица, тешко повредени при уривање на настрешницата на железничката станица во Нови Сад се уште се во тешка, но стабилна состојба.

Борбата за нивниот живот продолжува секој ден, истакнуваат за РТС од Клиничкиот центар во Војводина.

„Пациентите кои беа најтешко повредени во несреќата на железничката станица во Нови Сад се меѓу пациентите кои се во исклучително тешка состојба, па продолжуваат да се згрижуваат на одделението за интензивна нега на Универзитетскиот клинички центар во Војводина. Раководителот на Клиниката за анестезија и интензивна нега.“ изјави за РТС и терапија за болка на КЦВ проф. д-р Теодора Тубиќ.

„Она што е позитивно е тоа што тие се свесни, дишат спонтано, доволно, а артерискиот притисок и пулсот им се во задоволителна состојба. Секојдневно ги следи мултидисциплинарен тим. Во тој тим се вклучени анестезиолози и хирурзи, тие ги консултираат сите решенија поврзани со нив, секојдневно се менуваат во услови на операциона сала“, изјави д-р Тубиќ.

Тоа се зафатите што се правеа денеска и пред неколку дена, вели д-р Тубиќ, а по потреба се прават и други помалку оперативни зафати.

„Она што е важно да се каже е дека добиваат секојдневна поддршка и од невропсихијатар и од тим психолози, работиме и со семејствата на повредените кои секојдневно се таму со своите повредени и со сета потребна стручна помош што оваа институција може да обезбеди“, рече за РТС, управителката на Клиниката за анестезија, интензивна нега и терапија на болка на КЦВ, проф. д-р Теодора Тубиќ.

притисни ентер