Македонија

Австрија ќе отвори конзулат во Битола

Австрискиот амбасадор во Република Македонија, Томас Михаел Бајер денеска најави дека неговата држава ќе отвори конзулат во Битола, а за прв почесен конзул е избрана битолчанката Валентина Илиева.

На средбата со градоначалникот на општина Битола, Владимир Талески, амбасадорот Бајер посочи дека со отворањето на Конзулатот ќе се интензивира соработката меѓу Битола, Виена и други австриски градови.

- Се радувам што во конзулска Битола ќе имаме свој конзул и свој Конзулат, кусо изјави амбасадорот Томас Михаил Бајер, на прес конференцијата во овој град.

Според градоначалникот Владимир Талески одлуката на австриската Влада е потврда за вредностите кои ги има Битола и традицијата што со години ја негува.

- Постапката траеше извесен период наназад. Се радувам што Австријците се одлучија да отворат почесен конзулат во нашата општина Битола. Им се заблагодарувам на амбасадорот, на австриската Влада и на Министерството за надворешни работи и на Владата на Република Македонија за експресната одлука која што ја донесоа. Во идниот период ќе ја интензивираме заедничката соработка со Австрија и посебно со една општина од Виена со која што сме збратимени, така што со посредување на амбасадорот и нашиот почесен конзул ќе ги обновиме сите контакти со Виена. Ова е голема придобивка затоа што во новото време кога веќе се создаваат услови за поголеми инвестиции во Република Македонија, а Австрија води една интересна улога, убеден сум дека ќе изнајдеме начин и за уште поголема соработка, истакна Талески.

Австрискиот конзулат е 14 по ред во овој град. /МИА

Свет

Хамас навести дека сака да ги продолжи преговорите за прекин на огнот

Портпаролот на Хамас, Абдел Латиф Ал-Кану изјави за Франс Прес дека неговата организација ќе продолжи со преговорите за постигнување договор „кој обезбедува неодреден прекин на огнот“, пренесува Бета.

Палестинската исламистичка милитантна организација Хамас денеска навести дека сака да ги продолжи преговорите за прекин на огнот во Појасот Газа, иако Израел побара да се евакуираат жителите од источните населби на градот Рафа на југот на територијата пред можна воена операција.

Портпаролот на Хамас, Абдел Латиф Ал-Кану изјави за Франс Прес дека неговата организација ќе продолжи со преговорите за постигнување договор „кој обезбедува неодреден прекин на огнот“, пренесува Бета.

Израелската армија денеска им нареди на жителите да евакуираат неколку населби во источниот дел на Рафа, предупредувајќи дека војниците се подготвуваат за воена операција.

Египет, Катар и САД веќе неколку месеци се обидуваат да придонесат за воспоставување примирје меѓу Израел и Хамас во Појасот Газа, првенствено со цел пауза во борбите и ослободување на Палестинците од израелските затвори во замена за израелските заложници киднапирани од палестинските екстремисти во терористичките напади во јужен Израел во октомври.

Индиректните разговори во Каиро вчера завршија без напредок.

Хамас бара договорот за прекин на огнот да обезбеди крај на израелската офанзива во Појасот Газа, на која Израел се противи, тврдејќи дека сака да го уништи Хамас.

Египетската телевизија Ал Кахера њуз, повикувајќи се на добро информиран извор, денеска јави дека вчерашниот смртоносен напад на Хамас на граничниот премин Керем Шалом од Израел кон Газа предизвикал ќорсокак во преговорите за примирје. Хамас и Владата на Израел меѓусебно се обвинуваат за недостиг на напредок во преговорите.

Во меѓувреме, египетските преговарачи ги засилија напорите да се запре ескалацијата на насилството, рекол изворот.

Израелските медиуми јавуваат дека четворица војници загинале во ракетниот напад на Хамас во близина на преминот преку кој минувале илјадници камиони со хуманитарна помош за Газа.

Игнорирајќи ги меѓународните повици за воздржаност, израелскиот премиер Бенјамин Нетанјаху постојано повторува дека планира да почне голема копнена офанзива во Рафа, каде што тврди дека се кријат последните баталјони на Хамас.

Македонија

Јанчев: Ставена во функција спомен фонтаната во чест на Сашко Гешовски

Ставена во функција спомен фонтаната во чест на Сашко Гешовски, информираше градоначалникот на Општина Кавадарци, Митко Јанчев. 

По повод 33 години од смртта на првата жртва во бившата ЈНА, војникот Сашко Гешовски првите луѓе на Кавадарци го реализираа ветеното.

Фудбал

Биелса во репрезентацијата на Уругвај повика играч од аматерската лига

 Селекторот на репрезентацијата на Уругвај, Марсело Биелса во репрезентацијата го повика 24-годишниот фудбалер Валтер Домингез кој настапува во аматерската лига, објави „TNT Sports“.

Уругвајците на крајот на овој месец ќе одржат подготвителен тренинг камп за Купот на Америка во 2024 година.

Домингез настапува за клубот Хувентуд Соријано, каде сезонава на 39 натпревари постигна 57 гола.

Биелса е во репрезентацијата на Уругвај од мај 2023 година. Под негово водство репрезентацијата одигра девет натпревари, на кои забележа шест победи, два пораза и едно реми.

Купот на Америка 2024 ќе се одржи во САД од 20 јуни до 14 јули.

притисни ентер