Канал 5 во Центарот за лица со Даунов синдром

Ведрите насмевки на Никола, Ана и Коста ни посакаа топло добредојде во Центарот за лица со Даунов синдром.

 Возбудени и по малку срамежливи, рака под рака направивме една кратка обиколка во нивното катче кое им го збогатува секојдневието со многу игри и забава.

Денот на 15-годишниот Никола му е најубав кога е исполнет со спорт. Токму просторијата наменета за спортски активност е неговата најомилена. Одлично се снаоѓа во пинг-понг, а обожува и да вежба.

Центарот се протега на два спрата и има капацитет за околу триесетина лица, современо опремен и оспособен за работа и интеракција. За нив се грижат негуватели во две смени, со нив цртаат, пишуваат, играат забавни игри и учат. И стручни лица работат на нивниот физичко-ментален развој и ги подготвуваат за животните предизвици кои им претстојат.

„Имаме богата програма, денот им е исполнет. Стручни лица, дефектолог, логопед, педагог, имаме и спортски работници кои работат со децата. Во попладневните часови имаме и слободни активности, отворени денови за соработка со институции, училишта и граѓани,“ вели Сузана Стојановска, шеф на смена во Центар за лица со Даунов синдром.

Овој објект е всушност дел од новозапочнатиот проект за деинституционализација на социјалните услуги. Преку отворање сервисни центри во повеќе општини, целта е да се работи на комплетна инклузија на лицата со попреченост за на полесен начин бидат прифатени во општеството.

„Јас сум сигурна дека во наредниот период ќе ја добиеме техничката поддршка која што е потребна, тие ги имаат соодветните консултанти, но исто така очекувам и голема соработка од страна на локалните самоуправи со цел имплементација на овие мерки кои што ќе бидат предвидени како развој на социјални услуги најблиску до граѓаните.“ вели  Мила Царовска, министерка за труд и социјална политика.

„Во исто време да работиме заедно со заедницата за да можеме и граѓаните да ги внесеме во овие процеси затоа што, верувајте ми, од овие деца овде човек може да научи само да биде подобар човек од тоа што е.“ изјави Петре Шилегов, градоначалник на Град Скопје .

Националната стратегија за деинституционализација почна да се спроведува од минатата година. Тогаш министерството за труд и социјала започна со трансформација на големите институции, а повеќе дечиња со попречености ги вдомија во мали групни домови.

Фото: Волшебната вселена

Вселена која одзема здив! Прогласени се финалистите за најдобра астрофотографија за 2019 година.

Астрофотографијата најверојатно е една од најтешките специјализирани видови на фотографија .

Кралската опсерваторија „Гринич“ ги објави најдобрите во натпреварот „ Astronomy Photographer of the Year“, Пристигнатите фотографии биле спектакуларни.

Годинава во изборот за најдобра Астрофотографија  учествувале 4602 фотографи од 90 држави.

Поради викендица на подарок, изгубено право на додаток за нега на трето лице

Викендица оставена во аманет од дедото причина за 39-годишната хендикепирана Сузана да остане без социјалните додатоци од околу 7500 денари - пари со кои го преживува месецот.

За овој проблем пред камерата на Канал 5 зборуваше нејзината мајка Драгица. Како што вели, добила писмо со кое ја известуваат дека повеќе не може да прима додаток за нега на трето лице. Вознемирена е бидејќи нема одговор на дилемата – како после триесет години и го одземале правото за единствениот приход поради подарена викендица.

„Таа викендица ја наследивме од свекор ми, не е наша. И се што имаме, и куќата во која живееме и уште една постара куќа – се е наследено од свекор ми. И сега на Труд и социјала им смета тоа што имаме викендица. Поради нејзе ми ги кинат сите права за детево што ги добивам. Ова јас го добивам ради нејзе. Не сум работела, немам стаж.“, вели Драгица Пешевска .

Макотрпните предизвици грижејќи се за својата болна ќерка од година в година се отежнувале, раскажува Драгица. И порано била повеќе пати во судир со институциите носејќи документи и потврди за хендикепот на Сузана. Ова не е прв пат да се укине помошта но, вели, прв пат како причина се наведува туѓ имот.

„Јас прво примав само додаток за нега, некаде откако Сузана наполни 10 години. И тоа ме тераа да ја носам на тројца доктори да установат дека детето ми е со хендикеп. И со повеќе потписи некако ја добивме негата. Од тогаш два или три пати ми ја кинеа помошта. Се сеќавам еднаш – зошто не сме биле дома.“ вели Драгица Пешевска .

Драгица дефинитивно ќе поднесе жалба, но вели решена е и за тужба. Сепак проблемите и натаму остануваат. Стравува дека поради ова ќе остане и без социјалната пензија за која неодамна поднела барање.

Алцхајмеровата болест,,крадец“ на помнењето

Цртежите од часовникот се нацртани од луѓе кои имаат алцхајмерова болест.

 Ова е само еден од тестовите каде според точноста на цртежот, дали се наместо бројките или не во кругот и стрелките, може да  биде симптом за оваа болест.

Денеска е светскиот ден, виолетовата боја не потестува на оние кои не создале и пораснале, а денеска го памететат она што било нивна младост, болеста избришала децении живот пред староста. Во Македонија се уште навреме не се открива оваа болест.

Сликите од младоста, филмовите се она што беше во знак на нивната младост.Раматичните црно бели филмови и музиката го освежија плоштадот  Македонија, но и предизвикаа внимание да се прашаме дали некој близок до семејството има вакво заболување. Во страчките домови стигнуваат луѓето кои се во поодмината фаза и не може некој од семејството да  им даде грижа 24 часа.

Причините за појавата на Алцхајмеорвата болест не се целосно разјаснети. Ова заболување се јавувава над 65 годишна возраст и е одговорна за 60 проценти од дементните заболувањња.

притисни ентер